Қайсағалиев Алтынбек Кеңесұлы

Орал қаласы әкімінің орынбасары қызметіне Қайсағалиев Алтынбек Кеңесұлы тағайындалды. Алтынбек Қайсағалиев кәсіпкерлік, өнеркәсіп, құрылыс, сәулет және қала құрылысы, қаланы абаттандыру мәселелерімен айналысатын болады.

Алтынбек Қайсағалиев бұған дейін Алматы қаласының кәсіпкерлік және индустриальды-инновациялық даму басқармасы басшысының орынбасары қызметін атқарды. Өнеркәсіп, индустриальды-инновациялық даму және инвестиция тарту мәселелерімен шұғылданды. 2013-2015 жылдары Орал қаласы әкімі аппаратының басшысы лауазымында еңбек етті. Сондай-ақ, ол одан бұрын «Нұр Отан» партиясы орталық аппаратының Хатшылық меңгерушісі қызметінде болды. 2012-2013 жылдары Қазақстан Республикасы Президенті Әкімшілігінің мемлекеттік бақылау және ұйымдастыру-аумақтық жұмыстар бөлімінің кеңесшісі, кейін инспекторы қызметін атқарды. 2011- 2012 жылдары «Астана Инновейшенс»  АҚ-ның «Смарт Астана» атты жобалау тобының сарапшысы, 2007 – 2009 жылдары Еуразиялық ғылыми-зерттеу сараптама институтының инженер-конструкторы. Еңбек жолын «Астана Сәулет Жобалау институты» ЖШС-нің техник-конструкторы болып бастаған.

Алтынбек Қайсағалиев Л. Гумилев атындағы Еуразиялық ұлттық университетінің сәулет-құрылыс факультетін тәмамдаған. «Болашақ» бағдарламасының стипендиаты, Ұлыбританиялық Бат университетінің инновация және технология менеджменті саласы бойынша жаратылыстану ғылымдарының магистрі.