Әкім блогы

Сұрақ жауап

17.08.2016

Зулхатов Талғат

Қайырлы күн, Орал қаласының әкімдігі! Мен мемлекеттің арнайы бағдарламаларының бірінің арқасында Көктем шағын ауданы, Мұрат Мөңке көшесі 83/2 үйден пәтер алып 2015 жылдың бірінші жарты жылдығында көшіп келдік. Қазіргі таңда бәрі жақсы! Кешігіп болса да барлық инженерлік желілер қосылды. Бір әттеген-айы үй іргесіне жақын бірнеше асфальт жол болғанмен ешқайсына барар жол жоқ. Бір жыл шыдап, биылғы жылдан үлкен үміт күткен едік барша тұрғандар боп. Бірақ жолдың келетін шамасы жоқ. Жаңбыр жауғанда, көктем мен қыс айларынды үй маңына тұрғындардың машиналары түгел, жедел жәрдем мен құтқарушылар да кіре алмайды. Осы керемет жаңа ауданда жалғыз біздің үйде сондай мәселе бар екенін қаперлеріңізге салып, тұрғындар атынан өтініш жолдаймын. Салқын түскенше жолды толық бітіруді қадағалауыңызды немесе қасымыздағы пятно 14ке келетін жолға қосылатындай (100 метрдей) ескі асфальт қалдығы болса да уақытша жол жасап берулеріңізді сұраймыз. Алдын ала рахмет!!!

Ответ:

Құрметті Талғат! Қазіргі таңда Орал қаласы Зашаған кентінде М.Мөңкеұлы көшесі №83/2 үй бойынша «БҚО Орал қаласының Орал-Атырау, Орал-Саратов тас жолдары бойындағы жаңа шағынауданда бес 5 қабатты 100 пәтерлік тұрғын үйге және бір 9 қабатты 156 пәтерлік (Белгі №9) тұрғын үйге инженерлік желілер және абаттандыру)» нысанының құрылысы жүріп жатыр. Жұмыс жобасы бойынша аталған үйге жол қарастырылған. Нысанның құрылысын 2016 жылдың соңына дейін аяқтау жоспарланған. Сонымен бірге «БҚО Орал қаласының Орал – Атырау, Орал – Саратов тас жолдары аралығында орналасқан көп қабатты тұрғын үйлер ТЖЖ-сы жаңа шағынауданындағы жер аумағын тегістеу мен ішкі орам жолдары» нысанының жобасы бойынша №49 көшенің құрылысы да қарастырылған.


15.08.2016

тамашева ж.а

Сəлеметсіздер ме Біз тұратын жерден қалаға қатынасатын 36 маршруттың жүру қозғалысы өте нашар Арақашықтығы ұзақ. Маршруттағы адамдар санының көптігінен сыймай жатады, жұмысқа кешігіп жатамыз. Оқушылар үшін мүлдем қиын. Маршруттың жүру қозғалысы бақыланбайды, жүргізушілер өздеріне қолайлы уақытта жүреді Осы мəселені шешуге ат салыссаңыздар

Ответ:

Құрметті Тамашева Ж.А.! Сіздің қала әкімі блогына түскен өтінішіңізге орай, қазіргі уақытта №36 маршрутында 10 автобус және Газель маркалы 24 шағынавтобустар жұмыс жасайтынын хабарлаймыз. Олардың қозғалыс интервалы 5-7 минутты құраса, кешкі уақытта сағат 20:00-ден бастап 20-30 минутты құрайды. Автобустар бекітілген графикке сәйкес жүреді. Бір бағытқа маршруттың жүру уақыты 80 минутты құрап, ұзындығы 30 км-ды құрайды. Ағымдағы жылдың шілде-тамыз айында маршруттың қозғалыс интервалының бұзылу сұрағы, газ құю станцияларына жанармайдың жеткізілуінің кідіру себебіне байланысты болғандығын хабарлаймыз. Бүгінгі таңда №36 маршруттың жұмысы қалыптастырылып, аталған маршрут бақылауға алынды және де шағын автобустарды орташа класты ыңғайлы және сыйымдылығы үлкен автобустарға ауыстыру бойынша жұмыстар жүргізілуде.


13.08.2016

Мухаитова Акмарал

Құрметті әкім мырза! Саламатсызба! Біз құсфабрика жағында тұрамыз. Мен біздің жақтын халықтын атынан жазып отырмын! Біздің жақ саябақ ауданы тиесілі.Осыдан 2 жыл бұрын суды 150 мың теңгеге өткізгенбіз,сол өткізген суымызды әлі күнге дейн дұрыс қолдана алмай жүрміз.Жиі жиі суды айырып тұрады!Дәл қазір біздің жақта судың жоқтыгына тура 2 жұма болды. Осындай 40 градус ыстықта сусыз отыру мүмкін бе? Сізден өтінеріміз біздің жақты бір тексеріп, әкіміміз Асылбектің мәселесін қарап бірыңғайлап беруіңізді сұраймыз! Сосын біздің жаққа 36 маршрутына автобус шығаруға болама екен,кішкентай Газельге халық сымайды.Сізден өтініп сұраймыз біздің жақтын мәселесін қолыңызғы алыңызшы! Рахмет!

Ответ:

Құрметті Ақмарал! Сіздің 2016 жылғы 15 тамыздағы Орал қаласы әкімінің блогына жазған өтінішіңізге орай, Орал қаласының әкімдігі хабарлайды: Құс фабрикасы ауданы Зашаған бау-бақша қоғамдастығының құрамына кіреді. Аталған ауданда жеке үйлерге ауыз су құбырын жүргізу жұмыстары 2 жыл бұрын басталғанымен, тұрғындардың өтініштеріне орай, әлі күнге дейін жалғасуда. Сол себепті жұмыстар жүргізілген уақытта су берілудің уақытша тоқтатылуы заңды құбылыс болып табылады. Сонымен қатар, ауыз су ҚР АШМ «Қазсушар» шаруашылық жүргізу құқығындағы РМК БҚФ-ның желілерінен тартылған. Су құбырының құрылысы басталған уақытта құрылыс мерзіміне сумен қамту туралы келісімшарт мердігер мекеме «Западные ворота» ЖШС-мен арада жасалған. Қазіргі уақытта негізгі су құбырының құрылысы аяқталғандықтан, мердігер мекемемен келісімшарт бұзылып, Зашаған бау-бақша қоғамдастығымен арада сумен қамту туралы жаңа келісімшарт жасау жұмыстары жүргізілуде. Қазіргі уақытта №36 маршрутында 10 автобус және Газель маркалы 24 шағынавтобустар жұмыс жасайтынын хабарлаймыз. Олардың қозғалыс интервалы 5-7 минутты құраса, кешкі уақытта сағат 20:00-ден бастап 20-30 минутты құрайды. Автобустар бекітілген графикке сәйкес жүреді. Бір бағытқа маршруттың жүру уақыты 80 минутты құрап, ұзындығы 30 км-ды құрайды. Ағымдағы жылдың шілде-тамыз айында маршруттың қозғалыс интервалының бұзылу сұрағы, газ құю станцияларына жанармайдың жеткізілуінің кідіру себебіне байланысты болғандығын хабарлаймыз. Бүгінгі таңда №36 маршрутының жұмысы қалыптастырылып, аталған маршрут бақылауға алынды. Сізбен көтерілген мәселелер бойынша Зачаган кенті әкімінің аппаратына серіктестік басқармасының төрағасы А.Кабесов шақырылып, Сіздің мәселелеріңізбен таныстырылып, шешімін табу жолдарын қарастыру тапсырылды. Әр серіптестік мүшесі барлық инженерлік жүйе, мүшелік жарналардың жұмсалуы басқа да серіктестік аумағындағы маселелер бойынша серіктестік басқармасына ұсыныс еңгізіп, жалпы жиналыста шешім қабылданады. Барлық мәселелер бойынша серіктестік басқармасымен бірлесіп шешуіңіз ұсынылады. Сонымен қатар, бүгін яғни 25 тамыз күні сағат 17.00-де қала әкімінің, Зашаған кенті әкімінің, қалалық маслихат хатшысының, серіктестік төрағасының қатысуымен «Зачаганский» бау-бақша серіктестігі тұрғындарымен кездесу болатынын қосымша хабарлаймыз.


13.08.2016

Балжан Кенесовна

Салеметсизбе аким мырза. Комсомольская көшесінің 56-58 екі этажды үйі апатты жағдайда тұр. Үйдің салынғанына 160 жылдай болған. Апатты үй тізімінде тіркеулі тұр.Ремонттауға келмейді.Қыста салқын. Басқа үйге көше тұруға басқа үйіміз жоқ. Сізден сүрайын дегенбіз осы үйді қашан қолға аласыздар.Әлде құлағаннан кейін бе?

Ответ:

Құрметті Балжан! Сіздің Орал қаласы әкімінің блогына жазған өтінішіңізге орай, Комсомольская көш. 56, 58 үй «Құрылысконсалтинг» ЖШС-ның 2010 жылғы 15 қыркүйектегі №124 техникалық қортындысына сәйкес апаттық жағдайда деп танылды. Аталған үйдің тұрғындары жалғыз тұрғын үйі апаттық жағдайда деп танылған азаматтар санатымен тұрғын үй кезегіне тұруы тиіс. Қазақстан Республикасының "Тұрғын үй қатынастары туралы" Заңының 74-бабының 1,3-тармақтарына сәйкес мемлекеттік тұрғын үй қорынан тұрғын жай нақты елді мекенде тұрақты тұратын және халықтың әлеуметтік жағынан қорғалатын, табысы аз, мұқтаж топтарына жататын азаматтарға ХҚКО-на барлық қажетті құжаттарымен бірге өтініші тапсырылған кезден тізімде белгіленген кезек ретімен беріледі. Аталған тізімге енгізілген азаматтардың құқықтары тең деп танылады. Егер осы заңда өзгеше көзделмесе, мемлекеттік тұрғын үй қорынан тұрғын үй алуға бұл тізімге енгізілген басқалар алдында, Ұлы Отан соғысының мүгедектері мен қатысушыларын қоспағанда, ешкімнің де басымдық құқығы болмайды. Жасақталған пәтер тұрғындарға кезек бойынша беріледі.


12.08.2016

Акмарал

Салематсызба..Алтай Сидирулы..сизден отиниш мен туратын жер КУС ФАБРИКАСЫ ауданынын жагдаиы..биздин жак саяжаи ауданы болгандыктан акимшиликке карамаиды деп барин жеке деп..суды 150мын тенгеге откизгенбиз 2жыл бурын...али кунге деин сол суды дурыс бермеи отыр бармаган жеримиз калмады еш кандаи озгерис жок али...осы туралы шешип беруинизди отинип сураимыз...сосын 36маршрутка Паз автобус шыгаруга болама...аитпесе газелге сыймаиды халык асиресе танертен жумыска барардаа..каитарда..осы жагдаиды озиниз кадагалап..биздин жактын хал акуалын тексере аласызба аа?сизден отиниш мен халыктын атынан жазып отрмын...сизге алдын ала рахмет

Ответ:

Құрметті Ақмарал! Сіздің 2016 жылғы 15 тамыздағы Орал қаласы әкімінің блогына жазған өтінішіңізге орай, Орал қаласының әкімдігі хабарлайды: Құс фабрикасы ауданы Зашаған бау-бақша қоғамдастығының құрамына кіреді. Аталған ауданда жеке үйлерге ауыз су құбырын жүргізу жұмыстары 2 жыл бұрын басталғанымен, тұрғындардың өтініштеріне орай, әлі күнге дейін жалғасуда. Сол себепті жұмыстар жүргізілген уақытта су берілудің уақытша тоқтатылуы орын алып отыр. Сонымен қатар, ауыз су ҚР АШМ «Қазсушар» шаруашылық жүргізу құқығындағы РМК БҚФ-ның желілерінен тартылған. Су құбырының құрылысы басталған уақытта құрылыс мерзіміне сумен қамту туралы келісімшарт мердігер мекеме «Западные ворота» ЖШС-мен арада жасалған. Қазіргі уақытта негізгі су құбырының құрылысы аяқталғандықтан, мердігер мекемемен келісімшарт бұзылып, Зашаған бау-бақша қоғамдастығымен арада сумен қамту туралы жаңа келісімшарт жасау жұмыстары жүргізілуде. Қазіргі уақытта №36 маршрутында 10 автобус және Газель маркалы 24 шағынавтобустар жұмыс жасайтынын хабарлаймыз. Олардың қозғалыс интервалы 5-7 минутты құраса, кешкі уақытта сағат 20:00-ден бастап 20-30 минутты құрайды. Автобустар бекітілген графикке сәйкес жүреді. Бір бағытқа маршруттың жүру уақыты 80 минутты құрап, ұзындығы 30 км-ды құрайды. Ағымдағы жылдың шілде-тамыз айында маршруттың қозғалыс интервалының бұзылу сұрағы, газ құю станцияларына жанармайдың жеткізілуінің кідіру себебіне байланысты болғандығын хабарлаймыз. Бүгінгі таңда №36 маршруттың жұмысы қалыптастырылып, аталған маршрут бақылауға алынды. Сонымен қатар, бүгін яғни 25 тамыз күні сағат 17.00-де қала әкімінің, Зашаған кенті әкімінің, қалалық маслихат хатшысының, серіктестік төрағасының қатысуымен «Зачаганский» бау-бақша серіктестігі тұрғындарымен кездесу болатынын қосымша хабарлаймыз.


12.08.2016

Мауленова Даметкен

Сәлеметсіз бе, Нариман Төреғелаиұлы! Жолдасым Мауленов Жандос 2004 жылы Орал қаласы аумағынан жер телімін алу кезегіне тұрған болатын. Қазіргі таңда кезекте нешінші тұрғанын және қай уақытта берілетінің білгім келеді

Ответ:

Құрметті Даметкен! Сіздің қала әкімінің блогына жолдаған өтінішіңізге келесіні мәлімдейміз. Азамат Ж.Мауленовтың 2004 жылы 13 қазанда №М-703 жеке тұрғын үй құрылысына жер учаскесін алу үшін тапсырған өтініші арнайы есепте тіркелген. Қазіргі уақытта арнайы есептегі кезегі – 3006. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Жеке тұрғын үй құрылысына жер учаскелерін табыстауға арналған алаңдарға инженерлік желілердің, коммуникациялардың және жолдардың құрылыстарын жүргізуге көп уақыт талап етеді. Орал қаласының бас жоспары негізінде жеке тұрғын үй құрылысы үшін дамытуға арналған алаңдарға тәптіштелген жоспарлау жобасы дайындалады. Инженерлік инфрақұрылым дамығасын жеке тұрғын үй құрылысына кезек бойынша жер учаскелерін беру мәселе қарастырылатын болады. Жоғарыда аталған негізде жеке тұрғын үй құрылысына жер учаскесі кезекпен берілетіндігін хабарлаймыз. Жер учаскесіне кезегін Сіз тоқсан сайынғы жаңартылып отыратын қала әкімдігінің www.uralsk.gov.kz сайтынан қарай аласыз, сонымен қатар Орал қаласы, Достық-Дружба даңғылы , 182/1-үй мекенжайы бойынша, 4п кабинеті, 5-терезе Орал қаласының жер қатынастары бөліміне тікелей жүгіне аласыз.


12.08.2016

шынарай Орынгалиева

Сәлеметсіз бе. Құрметті Алтай Сейдирулы мен құс фабрикасында тұрам биздин басты проблемыз автобус, жол, балалар ойын алаңы , мусор. 36 коликпен калага қатынасу қызын таңертең мен кеште балалармен мину мүмкін емес бизге қосымша автобус шығаруын сұраймыз. Жол өте жаман көктем мен күзде қиналамыз жол салуынызды сұраймыз және балалар ойын алаңы биздин аймақта жок сол биздин балаларды қынжылтады мүлдем мүмкіндік жок. Мусор жөнінде айтатын болсам ақшасын уақыттылы төлейміз бұл жөнінде шағымдандым бирак ешқандай натеже жоқ айнала қоқыс шашылып жатыр айнала көше алып отинемиз сұраймыз бұл маселеримизди шешіп беруинизди. Рахмет Сау болыңыз.

Ответ:

Құрметті Шынарай! Сіздің қала әкімінің блогына түскен өтінішіңізге орай, қазіргі уақытта №36 маршрутында 10 автобус және Газель маркалы 24 шағынавтобустар жұмыс жасайтынын хабарлаймыз. Олардың қозғалыс интервалы 5-7 минутты құраса, кешкі уақытта сағат 20:00-ден бастап 20-30 минутты құрайды. Бір бағытқа маршруттың жүру уақыты 80 минутты құрап, ұзындығы 30 км-ды құрайды. Ағымдағы жылдың шілде-тамыз айында маршруттың қозғалыс интервалының бұзылу сұрағы, газ құю станцияларына жанармайдың жеткізілуінің кідіру себебіне байланысты болғандығын хабарлаймыз. Бүгінгі таңда №36 маршруттың жұмысы қалыптастырылып, аталған маршрут бақылауға алынды. Орал қаласының тұрғын үй-коммуналдық шаруашылық, жолаушы көлігі және автомобиль жолдары бөлімі, №36 маршрут «Зачаганский» с/қ өтетін жол аумағына қызмет көрсетеді. Жыл сайынғы жұмыс шеңберінде жолдың негізін профильдеу жүргізіледі Сондай-ақ, Зачаган кенті аумағындағы құс фабрикасы тұсындағы жер, тұрғындарға бау – бақша өсіру мақсатында берілген. Сондықтан, бұл аймаққа инженерлік – коммуникациялық жүйелері (газ, электр жарығы, ауыз су) және жол, балалар ойын алаңы т.б. жер иелері қаражатынан салу көзделген. Және де, құс фабрикасы ауданындағы бау-бақша серіктестігіне, қаланың бас жоспарына сәйкес, қала құрамындағы шағын аудан статусын беруге жатпағандықтан, Құс фабрикасы ішкі жолдарын жөндеу қаланы абаттандыру жоспарына енгізілмеген, сол себептен жолдарды жөндеуге мумкіндік жоқ екендігін хабармаймыз. «Зачаганский» саяжайы аумағындағы қоқыс жәшіктерін саяжай төрағасы «ЭКО +» мекемесімен арнайы келісім шартқа отырып өз күшімен тазарту жұмыстарын ұйымдастыруда, арнайы техника болмағандықтан қоқыс көлікке қолмен тиелуде, соның салдарынан әр қоқыс алаңына 3-4 күн салып бір тазартуда. Сізбен көтерілген мәселелер бойынша Зачаган кенті әкімінің аппаратына серіктестік басқармасының төрағасы А.Кабесов шақырылып, шешімін табу жолдарын қарастыру тапсырылды.


08.08.2016

МЕЙРАМ

Құрметті, Нариман Төреғалиұлы. Мен сізден өзімнің мекен-жайым орналасқан Елизаров көшесіне жөндеу жұмыстарының қашан жүргізілетіндігі жөнінде білгім келеді. Мен Сізге дейін қала әкімі болған А.Көлгінов мырзаға осы аталған көшеге жөндеу жұмыстарын өткізуін сұрап бірнеше рет өтініш жазған болатынмын. Ол кісі маған 2014 жылы ағымдағы жөндеу жұмыстары жүргізілетіндігін және одан кейінгі жылдары күрделі жөндеу жұмыстары болатындығы жөнінде айтқан болатын, бірақ осы кезге дейін ешқандай жөндеу жұмыстары өткізілген жоқ. Сізге осы көшенің бұрынғы уақыттарда асфальтты жабын болғандығын, автобус, маршруттар қатынасының болғандығын, бірақ кейін жылу трассасын жөндеу кезінде асфальт жабынының алып тасталуына байланысты көше осындай күйге жеткендігін ескерткім келеді. Сізден осы көше тұргындары атынан жөндеу жұмыстарын өткізуге ықпал етуіңізді сұраймыз.

Ответ:

Құрметті Мейрам! Сіздің өтінішіңізге орай, Орал қаласының әкімдігі, қаржыландырудың жетіспеушілігіне байланысты, ағымдағы жылы Орал қаласы Елизаров көшесінің жолын жөндеу жұмыстарын орындауға мүмкіндік жоқ екендігін хабарлайды. Сонымен қатар, жоғарыда аталған көшенің жолын жөндеу жұмыстары 2017 жылғы жолдарды ағымдағы жөндеу жоспарына енгізу мүмкіндігі қарастырылатындығын мәлімдейміз.


07.08.2016

Гулжайнар

Құрметті Нариман Төреғалиұлы!Орал қаласы Мөнкеұлы 83 үйдің 4 подездің тұрғынымын. 10 жыл бойы патер жалдап жаңа баспана қол жеткізіп қуанып едім. бірақ алі күнге дейін жаңа дамыған заманда үйіміздің лифттасы 1 жыл бойы дұрыс жасамайды 1 күн істейді 1 жыл істемейді. Бұл не масқара сіздің орынбасарларыңызға барып тұрғындар кіріп жағдайымызды айтып едік ия жасатамыз деп еді бірақ еш нәтиже жоқ. изумурд компаниясына кск болып қызмет жасайды. бірақ айсайын ақшасын толейміз. Изумурд директоры арманға ескертіп айттық крыша, лифт төбелеріміз ашық шашық жатыр. Сізге отініш бізді үйіміздің ауласы лас подезде лас балаларымыз ойлайды арақ темекі заттары оте көп кск ешжұмыс жасамайды халықты келіп корқытады егер ақша кск-ға толемесеңіздер сот береміз деп. бірақ өзі кск болып ештеңе жасамайды. Сізден отініп сұраймыз біздің лифтамызды крышамызды дұрыстап естетіп бересізбе. сіз халық қамын ойламағанда кім ойлайды.бізге қиын кішкентай балаларымызға қиын 9 этажға мініп түсуге бала болғасын ойнағылары келеді го. изумурд директорына айтсақ оған барибір еш нәтиже жоқ. ол тек халықтан ақша сұрайды біледі. Сіздер өтініш бізді осы кск-дан шығарып басқа халық қамын ойлайтын кск-қа тауып беріңізші және лифттамызды дұрыс оңдатып бересіз бе. Осы үйді салған халық қамын ойлайтын депутаттың үйі оғанда айттық бірақ ештеңе жоқ. Қыстың қамын жазда ойламасақ біздерге сіздер көмектеспесеңіздер біз кімге айтамыз

Ответ:

Құрметті Гүлжайнар! Сіздің Орал қаласы әкімінің блогына жазған өтінішіңізге орай, Орал қаласы Зачаған кенті, Көктем шағынауданы, М.Мөңкеұлы көшесі 83 үйдің лифтілері істен шыққан. Аталған тұрғын үйдің 1-ші, 3-ші және 4-ші подъездің лифтілері қосалқы бөлшегі (платасы) жанып кетуіне байланысты істемейді. Сондай-ақ, 2-ші подъездегі лифтісінің машина бөлімшесіндегі қосалқы бөлшектері ұрланған болатын. Бұл жұмыспен Зачаған кенті полиция бөлімшесі айналысқан болатын. Ағымдағы жылдың 07 тамызында аталған мекенжайда, Орал қаласының ТҮКШЖКжАЖ бөлімі мамандарының қатысуымен тұрғындардың жалпы жиналысы өткізілді. Жиналыста үйге қызмет көрсетуші мекеме таңдау мәселесі қозғалып, тұрғындардың көпшілігінің дауысымен «Мукатаев Н.А.» ЖК мекемесі таңдалды. Қазіргі уақытта аталған мекеме Мөңкеұлы 83 үй тұрғындарымен келісімшартқа қол қою жұмысын жүргізуде, кейіннен лифттерге қызмет көрсететін «УральскЛифт» ЖШС-мен келісімшарт жасалып, тоқтап тұрған лифттерді жөндеп, жүргізу жұмыстары қолға алынатын болады. Сонымен қоса, тұрғын жайлардың жағдайы кондоминиум басқару үрдісіндегі пәтер иелерінің белсенділігіне байланысты екендігін хабарлаймыз. Меншік иелері, кондоминиум нысанының мүшелері ретінде жауапкершіліктерін сезінуге тиіс, яғни айтқанда, олар жалпы пайдаланудағы мүліктің күтіп ұсталуына, жылдық бюджеттің бекітілуіне, мүшелік жарнаның мақсатты жұмсалуын қадағалау және пәтер иелерінің барлығынан мүшелік жарналардың жиналуына ықпал етулері қажет екенін ескертеміз.


30.07.2016

гулжайнар

Құрметті Нариман Төреғалиұлы!Орал қаласы Мөнкеұлы 83 үйдің 4 подездің тұрғынымын. 10 жыл бойы патер жалдап жаңа баспана қол жеткізіп қуанып едім. бірақ алі күнге дейін жаңа дамыған заманда үйіміздің лифттасы 1 жыл бойы дұрыс жасамайды 1 күн істейді 1 жыл істемейді. Бұл не масқара сіздің орынбасарларыңызға барып тұрғындар кіріп жағдайымызды айтып едік ия жасатамыз деп еді бірақ еш нәтиже жоқ. изумурд компаниясына кск болып қызмет жасайды. бірақ айсайын ақшасын толейміз. Изумурд директоры арманға ескертіп айттық крыша, лифт төбелеріміз ашық шашық жатыр. Сізге отініш бізді үйіміздің ауласы лас подезде лас балаларымыз ойлайды арақ темекі заттары оте көп кск ешжұмыс жасамайды халықты келіп корқытады егер ақша кск-ға толемесеңіздер сот береміз деп. бірақ өзі кск болып ештеңе жасамайды. Сізден отініп сұраймыз біздің лифтамызды крышамызды дұрыстап естетіп бересізбе. сіз халық қамын ойламағанда кім ойлайды.бізге қиын кішкентай балаларымызға қиын 9 этажға мініп түсуге бала болғасын ойнағылары келеді го. изумурд директорына айтсақ оған барибір еш нәтиже жоқ. ол тек халықтан ақша сұрайды біледі. Сіздер өтініш бізді осы кск-дан шығарып басқа халық қамын ойлайтын кск-қа тауып беріңізші және лифттамызды дұрыс оңдатып бересіз бе. Осы үйді салған халық қамын ойлайтын депутаттың үйі оғанда айттық бірақ ештеңе жоқ. Қыстың қамын жазда ойламасақ біздерге сіздер көмектеспесеңіздер біз кімге айтамыз.

Ответ:

Құрметті Гүлжайнар! Сіздің Орал қаласы әкімінің блогына жазған өтінішіңізге орай, Орал қаласы Зачаған кенті, Көктем шағынауданы, М.Мөңкеұлы көшесі 83 үйдің лифтілері істен шыққан. Аталған тұрғын үйдің 1-ші, 3-ші және 4-ші подъездің лифтілері қосалқы бөлшегі (платасы) жанып кетуіне байланысты істемейді. Сондай-ақ, 2-ші подъездегі лифтісінің машина бөлімшесіндегі қосалқы бөлшектері ұрланған болатын. Бұл жұмыспен Зачаған кенті полиция бөлімшесі айналысқан болатын. Ағымдағы жылдың 7 тамызында аталған мекенжайда, Орал қаласының ТҮКШЖКжАЖ бөлімі мамандарының қатысуымен тұрғындардың жалпы жиналысы өткізілді. Жиналыста үйге қызмет көрсетуші мекеме таңдау мәселесі қозғалып, тұрғындардың көпшілігінің дауысымен «Мукатаев Н.А.» ЖК мекемесі таңдалды. Қазіргі уақытта аталған мекеме Мөңкеұлы 83 үй тұрғындарымен келісімшартқа қол қою жұмысын жүргізуде, кейіннен лифттерге қызмет көрсететін «УральскЛифт» ЖШС-мен келісімшарт жасалып, тоқтап тұрған лифттерді жөндеп, жүргізу жұмыстары қолға алынатын болады. Сонымен қоса, тұрғын жайлардың жағдайы кондоминиум басқару үрдісіндегі пәтер иелерінің белсенділігіне байланысты екендігін хабарлаймыз. Меншік иелері, кондоминиум нысанының мүшелері ретінде жауапкершіліктерін сезінуге тиіс, яғни айтқанда, олар жалпы пайдаланудағы мүліктің күтіп ұсталуына, жылдық бюджеттің бекітілуіне, мүшелік жарнаның мақсатты жұмсалуын қадағалау және пәтер иелерінің барлығынан мүшелік жарналардың жиналуына ықпал етулері қажет екенін ескертеміз.


27.07.2016

Ақгүл Рамазанқызы

Саламатсыз ба? Нариман Төреғалиұлы.Сіздің еңбегіңізге табыстар тілей отырып,мүмкіндігінше бір өтінішімді қарастырсаңыз екен! "Зачаганский" бау-бақша серіктестігінің басшысы жыл сайынғы членский внос төлеменгі үшін светтеріңізді сөндіреміз деп қорқытуда. Менің білуімше членский внос төлеу үшін екі жақты келісім шартта көрсетілген талаптарды орындау керек емсе пе. Бау - бақша серіктестігінің тарапынан тек жарық көзімен қамтамасыз етіп отырғаны болмаса, клісім шартта көрсетілген полив, удобрения дегендей ештене істеліп жатырған жоқ. Сонда біз қарапайым халық жылын 5000 теңге не үшін төлеуміз керек. Үйіміз сол бау - бақша серіктестігінің аумағында орналасқаны үшін бе? Бірде газдарыңызды, бірде светтеріңізді өшіреміз деп қорқытумен келеді. Былай қарасаңыз светке де, газге де, мусорға да, көшенің жарығына да, налогты да уақтылып төлеп отырмыз. Осы жыл ішінде тек көшеге жарық өткізгендігі болмаса, басқалай атқарылып жатырған жұмыстарын көріп отырғанымыз жоқ. Сіздің тарапыңыздан осы мәселені шешіп беруіңізді сұраймыз. Өтінішім жерде қалмас деп ниеттенемін. Рахмет

Ответ:

Құрметті Ақгүл! Сіздің қала әкімінің блогына жазған өтінішіңізде көтеріп отырған мәселе Орал қаласының әкімдігінің құзіретіне жатпайтындығын және Қазақстан Республикасының қоғамдық бірлестіктер туралы заңының 4-ші бабына сәйкес мемлекеттің қоғамдық бірлестіктер істеріне және қоғамдық бірлестіктердің мемлекет істеріне заңсыз араласуына, қоғамдық бірлестіктерге мемлекеттік органдардың міндеттерін жүктеуге жол берілмейтіндігін хабарлаймыз. Бірақ, көтерілген мәселелер бойынша Зачаган кенті әкімінің аппаратына серіктестік басқармасының төрағасы А.Кабесов шақырылып, Сіздің мәселелеріңізбен таныстырылып, шешімін табу жолдарын қарастыру тапсырылды. Әр серіптестік мүшесі барлық инженерлік жүйе, мүшелік жарналардың жұмсалуы басқа да серіктестік аумағындағы маселелер бойынша серіктестік басқармасына ұсыныс еңгізіп, жалпы жиналыста шешім қабылданады. Барлық мәселелер бойынша серіктестік басқармасымен бірлесіп шешуіңіз ұсынылады.


24.07.2016

Улпан Алдонгаровна

Сәлеметсіз бе? Құрметті, Нариман Төреғалиұлы! Сізге қойған сұрағыма нақты жауап аламын деген сенімдемін. Біз Құс фабрикасы ауданынан үй салған едік. Кішкентай 2 балам бар. Олардың болашағына алаңдаймын. Алдағы уақытта Құс фабрикасы ауданы Қалалық әкімдіктің иелігіне өте ме? Ол жаққа жол, бала бақша, мектеп салына ма? Болашақта осы ауданды көркейту жоспарларыңызда бар ма? Сауалыма жауап күтемін. Алдын-ала рахмет!

Ответ:

Құрметті Ұлпан! Сізге Орал қаласы әкімі блогына жолдаған сұрағыңызға төмендегідей мәлімдейміз: Зачаган кенті аумағындағы құс фабрикасы тұсындағы жер, тұрғындарға бау – бақша өсіру мақсатында берілген. Сондықтан, бұл аймаққа инженерлік – коммуникациялық жүйелері, газ, электр жарығы, ауыз су және жол т.б. жер иелері қаражатынан салу көзделген. Және де, құс фабрикасы ауданындағы бау-бақша серіктестігіне, қаланың бас жоспарына сәйкес, қала құрамындағы шағын аудан статусын беруге жатпайды, сол себептен мектеп пен балабақша құрылысын салу қарастырылмаған.


20.07.2016

Алмас

Қайырлы күн! Бүгін 20 маусым күні сағат түстен кейін 3 шамасында Циалковски көшесінде орналасқан "жедел жəрдем " бекетіне күшті ауырсыну сезімімен барғам, одна бір орыс ұлтының өкілі диспетчер отыр екен, мен барып өз тілімде сөйлегем ол түсінбеді жəне өте дөрекілік танытты, мен айтқам енді мекемеде қазақ тілін білетін біреу бармаса десемде, жоқ, маған орысша айт деп айқайлады, бір кезде басқа бөлмеден қазақ шығып келді (кіші қызметкер)болу керек ол аударды. Жедел жəрдем бригадасы кетіп қалды деді. Мен содан басқа ауруханаға барып көмек алдым. Мен Қазақ елінде жүріп өз тілімде өзіме көмек сұрай алмағаным мені өте психикалық күйзелс ке ұшыратты. Құрметті ел басқарушы мырза мен сонда деймін сол жедел жəрдем бекетіне қаралған қазақтар орысша білмесе сол бекетте жан тапсыра ме деп ойладым. Өтініш мемлекеттік мекемелерге оның ішінде жедел жəрдемге қазақ тілінде түсіне алатын қазақ не орыс қойыңызшы. Сосын мен сол диспетчерге қазақ ұлтының орысша білмейтін өкілін ала алағаны үшін жауапқа тартылуын тілеймін. Ізгі ниетпен Алмас

Ответ:

Құрметті Алмас! Орал қаласы әкімінің блогына келіп түскен өтінішіңізге байланысты, Қазақстан Республикасының 1997 жылғы 11 шілдедегі №151 «Қазақстан Республикасындағы тіл туралы» Заңының 7 – бабында «Қазақстан Республикасында тілдік белгісі бойынша азаматтардың құқықтарын кемсітуге жол берілмейді» - деп көрсетілген. Қазақстан Республикасының Конституциясының 14 - бабының 2- тармағында «Тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге көзқарасына, нанымына, тұрғылықты жеріне байланысты немесе кез келген өзге жағдаяттар бойынша ешкімді кемсітуге болмайды. БҚО денсаулық сақтау басқармасына аталған мән-жай бойынша шара қолдану жөнінде хат жолданды, қолданылған шара қорытындысы бойынша Сізге қосымша хабарланатын болады.


20.07.2016

Гусарова Жанаргул Максимк

Саламатсызба.мен балабакшада мугалим тарбиешимин.уш балам бар.жоодасым Алтайр фирмасында курылысшы.уйге кезекте 2015 жылы турдык.отбасы курганымызга он жыо болды сил жалдамалы уйде турамыз.сизден комек сураймын кезегимизди жылдамдатуга болмаспа.

Ответ:

Құрметті Жанаргүл! Сіздің қала әкімінің блогына жолдаған өтінішіңізде өзіңіздің және жолдасыңыздың аты-жөні, тегі толық түрде көрсетілмегендіктен, қойылған сұрағыңызға жауап беруге мүмкіндік болмай тұр. Қазақстан Республикасының 1997 жылғы 16 сәуірдегі "Тұрғын үй қатынастары туралы" Заңының 74-бабының 1,3-тармақтарына сәйкес мемлекеттік тұрғын үй қорынан тұрғын жай нақты елді мекенде тұрақты тұратын және халықтың әлеуметтік жағынан қорғалатын, табысы аз, мұқтаж топтарына жататын азаматтарға барлық қажетті құжаттарымен бірге өтініші тапсырылған кезден тізімде белгіленген кезек ретімен беріледі.Көрсетілген тізімдерге енгізілген азаматтардың құқықтары тең деп танылады. Егер, осы Заңда өзгеше көзделмесе, мемлекеттік тұрғын үй қорынан тұрғын үйді немесе жеке тұрғын үй қорынан жергілікті атқарушы орган жалдаған тұрғын үйді алуға осы тізімдерге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетiм балаларды, ата-анасының қамқорлығынсыз қалған балаларды қоспағанда, ешкімнің де басым құқығы болмайды.


17.07.2016

Баур Даумов

Во первых мои наилучшие пожелания и плодотворных результатов на новой должности. И вопрос: при попытке узнать очередь на землю на этом сайте, автоматом скачивается очередь за 2014-2015 годы, хотелось бы узнать, а 2007 ещё остались в очереди или их уже убрали? Хочется верить что это или прикол или недоработка программистов.

Ответ:

Уважаемый Баур Даумов! На Ваше обращение на блог акима города сообщаем, что очередь на земельный участок в специальном учете Вы можете посмотреть на сайте акимата города по адресу www.uralsk.gov.kz., который обновляется ежеквартально, также можете обратиться непосредственно в отдел земельных отношений г.Уральска по адресу: г.Уральск, пр. Достық-Дружба, дом 182/1, цокольный этаж, 4п кабинет, 5 окно. Специальный учет нуждающихся в земельном участке, размещенный на официальном сайте акимата города, составлен в формате Microsoft Excel на двух листах. Информация об очередности нуждающихся в земельном участке, зарегистрированных до 2014 года, размещена на первом листе, указатель на этот лист Вы найдете в левом нижнем углу документа. Баур, от Вашего имени заявление о предоставлении земельного участка для строительства и обслуживания жилого дома не зарегистрировано, для выяснения ситуации Вы можете обратиться по вышеназванному адресу в отдел земельных отношений. Также, если у Вас на руках есть документы, подтверждающие, что Вы взяты на учет нуждающихся в земельном участке, то для защиты своих прав Вы имеете право обратиться в суд.


16.07.2016

Жанаева.Алтынгул Махсотов

Сәлеметсізбе қала әкімі менің мәселем жер кезегін білейн дегем жолдасым тіркелген 2010ж қашан берілер екен жағдайымыз қиын пәтер жалдап тұрамыз үй алуға қаражат жетпейді 2баламыз бар.көмектесеніз үйге салатын ақшаны біреуге санап береміз пәтер ақы.осы қиын болып тұр.

Ответ:

Құрметті Алтынгүл Махсотовна! Қазақстан Республикасының Жер кодексінде жеке тұрғын үй құрылысы үшін жер кезегіне тұрған азаматтарға жеңілдіктер көрсетілмеген. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Жеке тұрғын үй құрылысына жер учаскелерін табыстауға арналған алаңдарға инженерлік желілердің, коммуникациялардың және жолдардың құрылыстарын жүргізуге көп уақыт талап етеді. Орал қаласының бас жоспары негізінде жеке тұрғын үй құрылысына арналған алаңдарға тәптіштелген жоспарлау жобасы дайындалады. Инженерлік инфрақұрылым тартылған соң жеке тұрғын үй құрылысына кезек бойынша жер учаскелерін беру мәселесі қарастырылатын болады. Жоғарыда аталған негізде жеке тұрғын үй құрылысына жер учаскесі кезекпен берілетіндігін және жолдасыңыздың аты-жөнің толық көрсетілмегеніңізге байланысты толық мәлімет жолдай алмайтынымызды хабарлаймыз. Толық ақпаратты алу үшін осы мекенжайға жолығуыңызға болады: Достық-Дружба даңғылы, 182/1-үй, 4п-кабинет, 2-үстел, өзіңізбен бірге: жеке куәлік, жер кезегіне тұрғандығын дәлелдейтін үзінді болу қажет.


13.07.2016

Утешев Талант

Қайырлы күн! Мен «Жұлдыз» ш.а. тұрғынымын. Жол мәселесі жөнінде тағыда жазып отырмын. Көктемде, күзде жол балшыққа айналып езіліп кетеді. Бұдан біз көп зардап шегіп отырмыз. Көлікпен сол балшықта батып жүріп, жұмыстан бірнеше рет кешігіп шаруамыздан қалдық. «Жұлдыз» ш.а. қаншама көлік бар, барлығы не үшін салық төлеп жатыр?. Біздің «Жұлдыз» ш.а. сияқты кейін пайда болған аудандарға жол салынып жатыр. «Жұлдыз» ш.а. 20 шақты көше бар, бірде-біреуінде тас жол жоқ. Жыл сайын жазып келеміз, ылғида кейін қалдыруда бұл мәселе қаражат жоқ деген себеппен. Ең болмаса «Жұлдыз» ш.а. жанында карьер бар, сол карьерден топырақ алып жолды көтеріп, үстіне көшеден қырылып алып жатқан асфальтты төсеп беруіңіз сұралады. Ең болмаса 11-көшенің бір бөлігін биыл жасап беруіңізді сұраймын. Ол бөлік сол көшенің 4-көшемен қиылысқан жерінен жоғары қарай соңына дейін (250 метрдей жер). Сол жерден көп қиналамыз. Биылдан қалдырмай тапсырма беруіңіз сұралады.

Ответ:

Құрметті Талант! Сіздің өтінішіңізге орай, Орал қаласының әкімдігі, ағымдағы жылы «БҚО Орал қаласының «Жұлдыз» шағынауданындағы жолдарды қайта құрумен еріген қар және жаңбыр суларын әкету» жобасын жүзеге асыру жоспарланып жатқанын хабарлайды. Бүгінгі таңда аталған жұмыстарды орындау үшін мемлекеттік сатып алулар конкурсы жарияланды. Мердігер мекеме анықталғаннан кейін, жолды жөндеу жұмыстары басталатын болады. Жобамен 6164 метр жол салу жұмыстары және 7002 метр арық жүйесін орнату жұмыстары қарастырылған. Аталған нысан өтпелі болып табылады, жұмыс аяқталу мерзімі 2017 жылға жоспарланған.


13.07.2016

Имангалиев Тлек Насипкали

Облыстық ветеринарлық қызмет көрсету сапасы өте төмен,ноль.Қызметкерлерінің сөйлеу мəнері төмен,жұмыстарына немқұрйлы қарайды.Соған байланысты бір шара қолдануыңызды сұраймын.Қаладағы ветеринария саласының мамандары малдың түрін ажырата алмайды.Тіпті жоғардағы басшылығы малды айыра алмайды.

Ответ:

Құрметті Тлек Насипкалиевич! Сіздің қала әкімінің блогына жолдаған өтінішіңізге орай, «Орал қаласының ветеринария бөлімі» мемлекеттік мекемесінде 8 мемлекеттік мал дәрігерлері қызмет атқарады. Бөлім қызметкерлері тарапынан мемлекеттік және еңбек тәртібін, қызмет этикасы нормаларын бұзу, лауазымдық міндеттерін атқару кезінде жеке және заңды тұлғаларға артықшылық көрсету фактілері болған жоқ, мемлекеттік мал дәрігерлері жоғарғы білімді. Өз мамандықтарын жетік біледі және бөліммен ветеринария саласындағы қызметтер тиісті дәрежесінде атқарылуда. Хатта атап көрсетілгендей малдың түрін ажырата алмайтын, сөйлеу мәнері төмен, жұмысына немқұрайлы қарайтын «Орал қаласының ветеринария бөлімі» мемлекеттік мекемесінің мемлекеттік мал дәрігерлері немесе бөлімге қарасты шаруашылық жүргізу құқығындағы «Орал қаласының ветеринариялық станциясы» коммуналдық мемлекеттік кәсіпорынының мамандары болса, нақты аты жөнінін лауазымын атасаңыз, тиісті өз дәрежесінде шара алынады.


12.07.2016

Айнагуль

Құрметті Нариман Төреғалиұлы! менің сұрағым келгені үйлер көптеп салынып жатырғо содан мүгедек баланы тәрбиелеушілерге үй берілеме екен. Ағам Анжанов Мейрам Хамидуллиевич 1982 жылғы туғаннан көзі көрмейді. 1 - топтағы мүгедек. 2002 жылы маусымнын 6 сы күні үйге кезекке тұрған акем (Анжанов Х.К.1952 ж.т.) тарбиелеуші ретінде. Кезек бойынша 35 - ші болып тұр. Қазыр тұрып жатқан үйлері авариялық жағдайда. Озым тұрмыстамын. Озымнынде үйым жок. Сол ата - анамнын сол мүгедек баладан басқа балдары жок үй салып беретін. Үкіметтен үй берілсе деп үміттеніп отыр. Сізден сұрарым анық қанығын біліп қашан беріледі енді неше жыл күту керек екен біліп жауабын берсеңіз екен. Кезек бойынша алады деп жауап беретініңізді білемін. Алдын - ала рахмет.

Ответ:

Құрметті Айнагуль! Сіздің ағаңыз аз. Х. Анжанов қала әкімдігінің 2002 жылғы 6 маусымдағы №335 қаулысы негізінде мүгедек балалары бар немесе оларды тәрбиелеуші отбасылардың тізіміне 500-ші нөмірмен кезекке алынған. Бүгінгі таңда кезектегі нөмірі- 34. Қазақстан Республикасының 1997 жылғы 16 сәуірдегі "Тұрғын үй қатынастары туралы" Заңының 74-бабының 1,3-тармақтарына сәйкес мемлекеттік тұрғын үй қорынан тұрғын жай нақты елді мекенде тұрақты тұратын және халықтың әлеуметтік жағынан қорғалатын, табысы аз, мұқтаж топтарына жататын азаматтарға барлық қажетті құжаттарымен бірге өтініші тапсырылған кезден тізімде белгіленген кезек ретімен беріледі. Көрсетілген тізімдерге енгізілген азаматтардың құқықтары тең деп танылады. Егер осы Заңда өзгеше көзделмесе, мемлекеттік тұрғын үй қорынан тұрғын үйді немесе жеке тұрғын үй қорынан жергілікті атқарушы орган жалдаған тұрғын үйді алуға осы тізімдерге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетiм балаларды, ата-анасының қамқорлығынсыз қалған балаларды қоспағанда, ешкімнің де басым құқығы болмайды. Жасақты пәтер аз. Х. Анжановқа заң жүзінде кезек бойынша берілетінін назарыңызға саламыз. Қосымша: Қазіргі уақытта Орал қаласы, Зашаған кентінен 1 жасақты 180 пәтерлік, (Пятно №3) құрылысы жүргізілуде. Құрылыс аяқталып жоғарыда аталған үй теңгерілімге берілгеннен кейін, аз.Х.Анжановтың тұрғын үй кезегі өзгеретін болады.


11.07.2016

Бибигуль

Жеке тұрғынүйқұрылысынажеручаскесінекезеккетұрғанжолдасымның, яғни, арызиесініңаты-жөні мен кезекнөмірі: МусагалиевРинадСабекешович

Ответ:

Құрметті Бибигуль! Азамат Р.С. Мусагалиевтың 2007 жылы 5 сәуәрдегі №М-245 жеке тұрғын үй құрылысына жер учаскесін алу үшін тапсырған өтініші арнайы есепте тіркелген. Қазіргі уақытта арнайы есептегі кезегі – 8905. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Жеке тұрғын үй құрылысына жер учаскелерін табыстауға арналған алаңдарға инженерлік желілердің, коммуникауиялардың және жолдардың құрылыстарын жүргізуге көп уақыт талап етеді. Орал қаласының бас жоспары негізінде жеке тұрғын үй құрылысы үшін дамытуға арналған алаңдарға тәптіштелген жоспарлау жобасы дайындалады. Инженерлік инфрақұрылым дамығасын жеке тұрғын үй құрылысына кезек бойынша жер учаскелерін беру мәселе қарастырылатын болады. Жоғарыда аталған негізде жеке тұрғын үй құрылысына жер учаскесі кезекпен берілетіндігін хабарлаймыз.


blog_akima