Әкім блогы

Сұрақ жауап

04.11.2016

Динара Гильманова

Салематсызба мен толықтай жетім тобына жатамын. Өзімнің туған інім бар Гильман Аманбек. Анам 2000 жылы дүниеден озып кетті. Содан бері үйдің кезегінде тұрмын.Жыл сайын үйдін кезегіне документ жинаймыз.Менін кезегім мүлдем дұрыстап қозғалар емес 2000 жылдан қалайша мен үй ала алмай келем. Бармаған жерім жоқ. Қазіргі таңда бұрын опекуным болған апа жездемнің үйінде тұрып жатырмыз. Бұнда өздерінің қыздары басқа да туыстары тұрады. Бәрімен бірге тұру мүмкін емес. Не істеп кайда барарымды білмеймін. Осы мәселені қарастыруыңызды өтінем

Ответ:

Құрметті Динара! Сіздің қала әкімі блогына жазған өтінішіңізге орай, төмендегіні хабарлаймыз: Сіздің анаңыз аз.Ш. Гильманова қала әкімінің 2000 жылғы 28 наурыздағы №312 шешімі негізінде толық емес отбасылардың тізіміне 312-ші нөмірмен кезекке алынған. Сіздің анаңыз аз. Ш. Гильманова 2000 жылы қайтыс болуына орай, 2012 жылы анаңыздың тұрғын үй кезегін Сіз арыз беріп атыңызға сақтап қалғансыз. Бүгінгі таңда Сіздің кезектегі нөміріңіз- 113. Қазақстан Республикасының 1997 жылғы 16 сәуірдегі "Тұрғын үй қатынастары туралы" Заңының 74-бабының 1,3-тармақтарына сәйкес мемлекеттік тұрғын үй қорынан тұрғын жай нақты елді мекенде тұрақты тұратын және халықтың әлеуметтік жағынан қорғалатын, табысы аз, мұқтаж топтарына жататын азаматтарға барлық қажетті құжаттарымен бірге өтініші тапсырылған кезден тізімде белгіленген кезек ретімен беріледі. Көрсетілген тізімдерге енгізілген азаматтардың құқықтары тең деп танылады. Егер осы Заңда өзгеше көзделмесе, мемлекеттік тұрғын үй қорынан тұрғын үйді немесе жеке тұрғын үй қорынан жергілікті атқарушы орган жалдаған тұрғын үйді алуға осы тізімдерге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетiм балаларды, ата-анасының қамқорлығынсыз қалған балаларды қоспағанда, ешкімнің де басым құқығы болмайды. Жасақты пәтер Сізге заң жүзінде кезек бойынша берілетінін хабарлай отырып, қазіргі уақытта Орал қаласы, Зашаған кентінен, 180 пәтерлік, 1 үй (Пятно №3) теңгерілімге алынып жатырғанын хабарлаймыз. Аталған үй теңгерілімге алынғаннан кейін, Сіздің сұрағыңыз тұрғын үй комиссия отырысында қаралатын болады.


03.11.2016

Асылбек Асанов

Құрметті Алтай Сейдірұлы!Өңірімізде Сіздің бастамаңызбен жасалып жатырған оң істер аз емес,алайда Сарытау шағын ауданына ауылішілік тас жол төсеу мәселелері қашан шешілмек деген сұрағым бар, себебі Саратов-Атырау аралығында айналма жолы жолаушылармен,оқушы балалардың өтуі үшін өте қауіпті аймақ

Ответ:

Құрметті Асылбек! Сіздің өтінішіңізге орай, бүгінгі таңда Орал қаласы Зашаған ауылы Сарытау шағынауданындағы жол құрылыс жұмыстары қаланы абаттандыру жоспарында жоқ екендігін хабарлаймыз. Сонымен қатар, ағымдағы жылы жоғарыда аталған шағынауданындағы орталық көшелердің жолына құмды қиыршық тас төсеу жұмыстары орындалғанын мәлімдейміз.


03.11.2016

Лунара Дарменқызы

Құрметті Нариман Төреғалиұлы! 2009 жылы жеке тұрғын үй құрлысы үшін жер учаскесі беру жөніндегі тіркеу № А-404 кезекке тұрган едим. қазиргі танда осы жер кезегін білгім келеді.

Ответ:

Құрметті Лунара! Сіздің қала әкімі блогына жазған сауалыңызға орай, 2009 жылы 27сәуірдегі № А-404 жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз – 42520. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Жеке тұрғын үй құрылысына жер учаскелерін табыстауға арналған алаңдарға инженерлік желілердің, коммуникауиялардың және жолдардың құрылыстарын жүргізуге көп уақыт талап етеді. Орал қаласының бас жоспары негізінде жеке тұрғын үй құрылысы үшін дамытуға арналған алаңдарға тәптіштелген жоспарлау жобасы дайындалады. Инженерлік инфрақұрылым дамығасын жеке тұрғын үй құрылысына кезек бойынша жер учаскелерін беру мәселе қарастырылатын болады. Жоғарыда аталған негізде жеке тұрғын үй құрылысына жер учаскесі кезекпен берілетіндігін хабарлаймыз.


03.11.2016

Жадыра

Саламатсызба. Мен жалга беру багдарламасы бойынша сурайын дегем?2012 жылы кужат тапсырдым бюджетник ретинде канша рет тапсырдык отпедик. Кай жылгылар отип жатыр тизим неге козгалмайды? Бугин 500 патер берди оганда отпегенбиз мумкин емеско.

Ответ:

Құрметті Жадыра! Сіздің қала әкімі блогына жазған өтінішіңіз бойынша, Сіз 2012 жылы 5 маусымда мемлекеттiк қызметшiлер, бюджеттiк ұйымдардың қызметкерлерi, әскери қызметшiлер, ғарышкерлікке кандидаттар, ғарышкерлер, арнаулы мемлекеттік орган қызметкерлеріне және мемлекеттiк сайланбалы қызмет атқаратын адамдардың тізіміне 4680-ші нөмірмен кезекке алынғансыз. Бүгінгі таңда кезектегі нөмірі- 3944. Қазақстан Республикасының "Тұрғын үй қатынастары туралы" Заңының 74-бабының 1,3-тармақтарына сәйкес мемлекеттік тұрғын үй қорынан тұрғын жай тізімде белгіленген кезек ретімен беріледі. Көрсетілген тізімдерге енгізілген азаматтардың құқықтары тең деп танылады. Егер осы Заңда өзгеше көзделмесе, мемлекеттік тұрғын үй қорынан тұрғын үйді немесе жеке тұрғын үй қорынан жергілікті атқарушы орган жалдаған тұрғын үйді алуға осы тізімдерге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетiм балаларды, ата-анасының қамқорлығынсыз қалған балаларды қоспағанда, ешкімнің де басым құқығы болмайды. Жасақты пәтер Сізге заң жүзінде кезек бойынша берілетінін назарыңызға саламыз. Қазіргі уақытта Орал қаласы, Зашаған кентінен, 180 пәтерлік, 1 үй (Пятно №3) салынып жатырғандығын хабарлаймыз. Құрылыс біткен жағдайда пәтерлерді қоныстандыру жүзеге асырылатынын болады.


01.11.2016

Габдушева Толқын

Құрметті Нариман Төреғалиұлы! Мен 2004 жылдың шілде айында жер кезегіне тұрған болатынмын. Биыл кезекке тұрғанымызға 12 жыл болды. Бүгінде анаммен және төрт баламмен үш бөлмелі көпқабатты үйде тұрып жатырмыз. Үйді 2005 жылы ипотекаға алған болатынбыз. Әлі күнге дейін банккке 40000 мың теңге көлемінде төлеп келеміз. Өзім бүгінде көпбалалы анамын.Қыздарым бойжетіп қалды. Естуім бойынша 2004 жылдың басында кезекке тұрғандарға жер телімі беріліп үй салып алған. Әкімдіктің сайтынан жер кезегі деген сілтемені басып, аша алмадым. Білгім келгені жер қашан беріледі. Әлде мүлде берілмейді ме? Сұрағыма жауап беретініңізге сенім білдіремін. Көп рахмет.

Ответ:

Құрметті Толқын! Қазақстан Республикасының Жер кодексінде жеке тұрғын үй құрылысы үшін жер кезегіне тұрған азаматтарға жеңілдіктер көрсетілмеген. Сіздің 2004 жылғы 19 шілдедегі №Г-196 жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз – 1443. Жеке тұрғын үй құрылысы үшін жер учаскелері соңғы рет 2012 жылдың қаңтар айында берілді. Жер учаскелері табыстаған кезде бұқаралық ақпараттар арқылы хабарландыру беріледі. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Орал қаласының бас жоспары негізінде жеке тұрғын үй құрылысы үшін дамытуға арналған алаңдарға тәптіштелген жоспарлау жобасы дайындалады. Инженерлік инфрақұрылым дамығасын жеке тұрғын үй құрылысына кезек бойынша жер учаскелерін беру жұмыстары туралы мәселе қарастырылатын болады. Жоғарыда аталған негізде жеке тұрғын үй құрылысына жер учаскесі кезекпен берілетіндігін хабарлаймыз.


31.10.2016

Гулсум

Курметти Нариман Торегалиулы! Казир ги танда дача саяжайды тек жаз мезгилинде гана емес тургыдыкты мекен етип уй салып, газ откизип , су кргизип уй етип турып жатырган жандар копшилик осы саяжайдын тургындарына киындык тудырып отырган жол Жане байланыс маселеси. 1) 12 ши маршрут кана журеди, тангы Жане кешки мезгилинде автобус ка мину баламен оте киын , кси коп, Жане Подстепное багытына бара жатырганда "3-ши дамба" га токтауга рухсат жок Деп токтамайды. 2) ишки кирме жол (дамбанын усти) жауын шашында катты балшык болып жургизбейди. 3) бугинги танда елимиздин алыс шалгай ауылдарга дейн интернет койылып байланыс сапасы жаксартылуда, ал осы 1,2 дача тургындары интернет турмак байланыстын ози жок тек Теле 2 байланысы устайды Ол да оте нашар. Каладан 5-6 шакырым гана кашыктыгы, байланыстын барлык Турин косуга мумкиншилик бар Деп ойлаймыз. Осы аталган маселелердин онынан шешилуине септигиниз тиип жатса куба куп болар еди. Рахмет.

Ответ:

Құрметті Гүлсім! Сіздің өтінішіңізге орай №12 маршрутқа «Оралавтотранс» ЖШС қызмет көрсететінін хабарлайды. Маршрутта аралық уақыты 10-12 минут болатын 15 автобус жұмыс жасайды. Қозғалыс кестесіне сәйкес автобустар жұмыс күнін екі бағытта да 6-30 –да бастайды. Сіздің өтінішіңізге орай, «Оралавтотранс» ЖШС-нің басшылығы жүргізушілерімен автобус қозғалысының кестесін қатаң сақталуы туралы әңгіме өткізді. Қозғалыс кестесін бұзған жағдайда жүргізушілерге әкімшілік шара қолданылатын болады. №12 маршруттың жұмысы бақылауға алынғандығын хабарлаймыз. Сонымен қатар, «Жайық Таза Қала» ЖШС-мен "3-ші дамба" саяжай аумағында жүретін қоғамдық көлік маршрут жолын тегістеу жұмыстары атқарылып жатқанын хабарлаймыз. Сондай-ақ, жоғарыда аталған саяжай аумағына дейін байланыс және интернет жетпеуі туралы, байланыс желісін тарататын иелеріне жолығуыңызды сұраймыз.


28.10.2016

Алипкалиев Е.

Құрметті Нариман Төреғалиұлы! Мен Орал қаласы, Победа көшесі, №37 үй тұрғынымын. Көршілес №39 үй иесі көпшілікке арналған монша жағады. Монша мұржасының төмендігінен одан шығатын ыстың (угарный газ) иісі ауладан кетер емес, кейде үйге де кіреді. Аула есігін күн ұзағына ашып қоюға мәжбүрміз. Үй иелері атқанымызға мән берер емес. Қандай құзіретті мекемеге хабарласарымызды білмегендіктен, осында жазуға мәжбүрмін. Рахмет!

Ответ:

Құрметті Алипкалиев! Сіздің Орал қаласы әкімінің блогына жазған өтінішіңізге орай, сауалыңыз «Батыс Қазақстан облысы мемлекеттік сәулет-құрылыс бақылау басқармасы» ММ-сіне жолданғанын және аталған сұрақ бойынша сол мекемеге жолығу қажеттігін хабарлаймыз. Аталған мемлекеттік мекемеден берілетін жауап Сізге қосымша жолданады.


28.10.2016

Бауыржан Саматович

Құрметті Орал қаласының әкімі!Мен Бауыржан Саматович,птицефабрика шағын ауданының тұрғынымын.Біздің үстімізден өтіп жатқан жолға жаяу жүргінші жолағын салған.Сол жаяу жүргінші жолағына жарыкшам қоюын сұраймыз.Сол жарыкшамнын жоқтығының нәтижесінде 5 қазан күні анамды сол жаяу жүргінші жолағынан машина қаққан болатын жәнеде 16 қазан күні сол жерден тағы бір үлкен әйел адамды қаққан болатын.Оның алдында да кағып кеткен деп естіген болатынмын.10 күн ішінде екі адам қағылып отыр.Әлде балшық болса ішке кірмей сол жолға келіп тоқтайтын №36 маршруттын ішке кіруін сұраймыз!Жанағы жағдайлар сол маршруттан түсіп жаяу жүргінші жолағынан өткен кездегі орын алып отырған жағдайлар.Осыны қадағалауынызды сұраймыз.

Ответ:

Құрметті Бауыржан! Сіздің қала әкімі блогына жазған өтінішіңізге орай, Орал қаласының әкімдігі қазіргі таңда Орал қаласының Зачаганск кенті, Құс фабрикасы ауданына апаратын жолға жарықтандыру сұрағына қатысты Сіздің сауалыңыз «ҚазАвтоЖол» Ұлттық компаниясына жолданған болатын. «ҚазАвтоЖол» ҰК, аталған жол республикалық маңызы бар жол болғандықтан, жолды жарықтандыру бойынша жобалар жасау қарастырылып жатқанын мәлімдеді. Орал қаласы «Зачаганский» бау-бақша серіктестігінде жолды жөндеу сұрағы бойынша, бау-бақша серіктестіктеріне жолды салу және жөндеу жұмыстарын жүргізудің жоспары жоқ, сондықтанда аталған маршрутты жаңбырлы күндері жүруі мүмкін болмайтындығын хабарлаймыз.


28.10.2016

Нурпейсова Мирамгуль

мен нурпейсова мирамгуль кайраткызымын. жасым 25 те .Курметти Орал каласынын Аким мырза. Менин жолдасым жане 2 балам бар. осы уакытка дейн патерде турып келемиз. Жас семья деп отпеймиз себеби жолдасым 32 де. сонда биз сиякты жастарга ким комек колын береди. Бул омирде мен сиякты жандарга комек колын созатын жан бар мекен.жолдасым Таскала Орал аралыгына такси болып кызмет аткарады. мен озим казак тили жане адебиет мамандыгын битирдим. бирак жумыссызбын. Еки кызымнын оз уйлери болса деп армандаймын.комек созар ешкиммим жок. комек колын созатын жандар бар ма екен. комектесиниздерши. отинем.

Ответ:

Құрметті Мирамгуль! Қала әкімінің блогына түскен өтінішіңіз бойынша келесіні хабарлаймыз: Балалы отбасыларға берілетін жәрдемақы жөнінде: Қазақстан Республикасының «Балалы отбасыларға берілетін мемлекеттік жәрдемақылар туралы» Заңы бар. Сол заңға сәйкес Сіздің он сегіз жасқа дейінгі балаларыңыз бар болса және отбасыңыздың орта есеппен жан басына шаққандағы табысы азық-түлік себетінің құнынан (2016 ж. ІV-тоқсанына - 13018 теңге) төмен болған жағдайда Сіздің жәрдемақы алуға құқығыңыз бар. Жұмыс мәселесі жөнінде: Қазақстан Республикасының 2016 жылғы 6 сәуірдегі №482 «Халықты жұмыспен қамту туралы» Заңының 13 бабының 1 тармағына сәйкес жұмыс іздеп жүрген, жұмысы және табысы жоқ адам жұмысқа орналасуына жәрдемдесу үшін өтініш білдірген кезде, тұрғылықты жерi бойынша халықты жұмыспен қамту орталығында немесе «электрондық үкіметтің» веб-порталы арқылы тіркеледі. Тұрғын үй мәселесі жөнінде: Сіздің қала әкімінің блогына жазған өтінішіңіз бойынша, Қазақстан Республикасының 1997 жылғы 16 сәуірдегі "Тұрғын үй қатынастары туралы" Заңы барын хабарлаймыз. Тұрғын үй қорынан тұрғын үй немесе жеке тұрғын үй қорынан жергiлiктi атқарушы орган жалдаған тұрғын үй беруге болатын азаматтарды есепке алу тұрғылықты жерi бойынша ауданның жергiлiктi атқарушы органдарында жүзеге асырылады. Толық мәлеметті Тасқала аудандық әкімдігінен ала аласыз. Тасқала ауданы, Тасқала ауылы, Абай көшесі, 2, тел: 8 (71139) 21372, 21001


28.10.2016

Зашаған кентінің тұрғыны

Құрметті қала әкімі, Сізден сұрайтынымыз №6 және №7 автобус маршруттарын біраз уақыт бақылауға алып, таңғы және кешкі жұмысқа барар және келер уақытта автобустың қандай күйде болатынын көрсеңіз және осыған орай шара қолдансаңыз.Жолшыбай 3 мектептің №20,30,10 мектептерінің қасынан өтеміз.Сонда қанша бала, күннің балшық уақытында резеңке етікпен үсіп тонып автобусқа міне алмай тұрады. Таңмен №Заңғар" балабақшасының қасында жеке автокөліктерін тастап қойып кеткен себептен көлік кептелісі болып, 10-15 минутқа жұмысқа және мектепке кешігеміз. Автобустар интервалдарын уақытымен сақтамайды.Әлде сынып қалдық деп немесе жүргізуші шықпай қалды деп ақталады. Қарапайым халық соның зардабын көруде.Өтінеміз, тез арада бұл істі қарастырып, қатаң шара қолданыңыз.

Ответ:

Құрметті Зашаған кентінің тұрғыны! Сіздің 2016 жылғы 28 қазандағы арызыңызға орай, Орал қаласы әкімдігі келесіні хабарлайды: №6 маршрутта аралық уақыты 7-9 минут болатын 20 автобус, ал №7 маршрутта аралық уақыты 5 минут болатын 34 автобус жұмыс жасайды . Қозғалыс кестесіне сәйкес автобустар жұмыс күнін екі бағытта да , №6 маршрут 06-43 , №7 маршрут 06-15 минутта бастайды. Сіздің хатыңызға орай «Ақжол авто» ЖШС-нің басшылығы жүргізушілермен автобус қозғалысының кестесін қатаң сақталуы туралы әңгіме кеңес өткізілді. Қозғалыс кестесін бұзған жағдайда, жүргізушілерге әкімшілік шара қолданылатын болады. №6 және №7 маршруттардың жұмыстары бақылауға алынғандығын хабарлаймыз.


28.10.2016

Аида

Курметтi Нариман Торегали улы!Мен уш баланын анасымын.Жасым 23те.Жолдасым 25те.Жумысмызбын ен кiшi балам 2айлык.Жлдасым жумыс жасайды 70-80мын алады.Патер жалдап турамыз .Жумыс барысымен Аксай каласында турып жатырмыз .Жерге кезекке 2013жылы турган жолдасым соны Аксай каласынан алатвндай етип жамай аласыздарма?немесе бизге кандай комек программалар бар баспаналы болуга?

Ответ:

Құрметті Аида! Сіздің қала әкімінің блогына жазған өтінішіңіз бойынша, Қазақстан Республикасының 1997 жылғы 16 сәуірдегі "Тұрғын үй қатынастары туралы" Заңының 74-бабының 2-тармағына сәйкес ауданның (облыстық маңызы бар қаланың, республикалық маңызы бар қаланың, астананың) жергілікті атқарушы органдары коммуналдық тұрғын үй қорынан тұрғын үй немесе жеке тұрғын үй қорынан жергілікті атқарушы орган жалдаған тұрғын үй берілуге мұқтаж адамдар есебінің дара (бөлек) тізімдерін жүргізеді: 1-1) жетiм балалар, ата-анасының қамқорлығынсыз қалған балалар; 2) осы Заңның 68-бабының 1-1)–5), 7)–11) тармақшаларында аталған халықтың әлеуметтік жағынан әлсіз топтары; 3) мемлекеттiк қызметшiлер, бюджеттiк ұйымдардың қызметкерлерi, әскери қызметшiлер, ғарышкерлікке кандидаттар, ғарышкерлер, арнаулы мемлекеттік орган қызметкерлеріне және мемлекеттiк сайланбалы қызмет атқаратын адамдар; 4) жалғыз тұрғын үйі Қазақстан Республикасының заңнамасында белгіленген тәртіппен авариялық жағдайда деп танылған азаматтар. Аталған Заңның 68-бабында Халықтың әлеуметтiк жағынан осал топтарына жататын азаматтар санаты көрсетілген. Халықтың әлеуметтiк жағынан осал топтарына: 2) 1 және 2 топтағы мүгедектер; 3) мүгедек балалары бар немесе оларды тәрбиелеушi отбасылары; 4) заңдарда белгiленген тәртiппен бекiтiлетiн аурулар тiзiмiнде аталған кейбiр созылмалы аурулардың ауыр түрлерiмен ауыратын адамдар; 5) жасына қарай зейнет демалысына шыққан зейнеткерлер; 6) кәмелетке толғанға дейiн ата-аналарынан айырылған жиырма тоғыз жасқа толмаған жетім балалар мен ата-анасының қамқорлығынсыз қалған балалар жатады. Мұндай адамдардың жасы әскери қызметке шақырылған кезде мерзiмдi әскери қызметтен өту мерзiмiне ұзартылады; 7) оралмандар; 8) экологиялық зiлзалалар, табиғи және техногендi сипаттағы төтенше жағдайлар салдарынан тұрғын үйiнен айырылған адамдар; 9) көп балалы отбасылар-(көп балалы отбасы - бiрге тұратын (уақытша басқа жақта жүргендердi қосқанда) кәмелетке толмаған төрт және одан да көп балалары бар отбасы); 10) мемлекеттiк немесе қоғамдық мiндеттерiн, әскери қызметiн орындау кезiнде, адам өмiрiн құтқару кезiнде, құқық тәртiбiн қорғау кезiнде қаза тапқан адамдардың отбасылары; 11) толық емес отбасылар жатады. 68, 74 - баптағы санаттарға сәйкес болған жағдайда, Сізге тұрғын үйге мұқтаж ретінде тұрғын үй алу кезегіне тұруға құқылысыз. Сондай-ақ, Қазақстан Республикасының "Тұрғын үй қатынастары туралы" Заңының 71-бабының 1-тармағына сәйкес мемлекеттiк тұрғын үй қорынан тұрғын үй немесе жеке тұрғын үй қорынан жергiлiктi атқарушы орган жалдаған тұрғын үй беруге болатын азаматтарды есепке алу тұрғылықты жерi бойынша ауданның жергiлiктi атқарушы органдарында жүзеге асырылады. Орал қаласы бойынша мемлекеттік тұрғын үй қорынан тұрғын үй алуға қалада тұрақты тіркелімі бар азаматтар кезекке тұра алады. Сондықтан, Сізге кезекке тұру туралы түсініктемені тұрғын үй және жекешелендіру секторынан мекенжайы: Орал қаласы (Некрасов көшесі, 30/1-үй, қабылдау уақыты: жұмыс күндері сағ. 09.00-ден 18.30-ға дейін) және «Батыс Қазақстан облысының Халыққа қызмет көрсету орталығы» РММ, (мекенжайы: Орал қаласы, Жамбыл көшесі, 82/2-үй) ала аласыз.


28.10.2016

Динара

Құрметті Нариман Тореғалиұлы Орал қаласының жолды жөндеу т.б сияқты өте керемет өзгерістериниз ушин улкен рахмет.Каламыздын коркеип осуи сиздердин ушкырлы ойларыныздын аркасында.Рахмет!!! Енди сизге кояр сурагым бар.Мен казирги танда тауелсиздиктин курдасы болып келем 1991 жылы мамыр айында дуниеге келдим 25 жастамын,тауелсиздиктин курдастары болып табыламын.Сизден сурар отиниш комегим бар еди. Мектепте мугалем болып кызмет аткарамын. Мемлекеттик кызметкер ретинде кезекте турмын.Орал каласында патер жалдап турамыз. Мемлекеттик багдарлама бойынша тапсырып, отпей калдык. Отбасында 1 кызымыз бар.Жолдасым Атырауда жумыста. Жас отбасы ретинде 3жыл толды некемизге, жалакымыз 3 адамга шакканда жеткиликти болып келеди.Елбасымыздын Нурлы жол 2020 багдарламасы бойынша уйлер коп берилуде. Жалакымыз жеткиликти болсада отпей турмыз. Жас отбасы ретинде, тауелсиздиктин курдасы ретинде мемлекеттик багдарламаларга катысып, уйлер берилмейме?жас отбасыларга? Мемлекеттик кызметкер.ретинде кезекпен тапсырдык натиже жок.Баскалай багдарламалар болмайма екен?? Жауаптарыныз ушин улкен рахмет

Ответ:

Құрметті Динара! Сіздің қала әкімі блогына жазған өтінішіңізге орай төмендегіні хабарлаймыз: Сіздің және жолдасыңыздың тегі және аты-жөні толықтай жазылмағандықтан, нақты қандай бағдарлама бойынша кезекте тұрғандарыңыз және Сіздердің неліктен өтпегендіктеріңізді анықтауға мүмкіндік жоқ. Дегенменен, егер Сіз «бюджеттiк ұйымдардың қызметкерлерi, арнаулы мемлекеттік орган қызметкерлері және мемлекеттiк сайланбалы қызмет атқаратын адамдар тізіміне» есепке алынған болсаңыз мемлекеттік тұрғын үй қорынан тұрғын жай тізімде белгіленген кезек ретімен беріледі. Жасақты пәтер Сізге кезек бойынша берілетін болады. Сондай-ақ, "Өңірлерді дамытудың 2020 жылға дейінгі" бағдарламасына сәйкес 3 топ қарастырылып, бағдарламаға қатысушыларға қойылатын тұрғын үйді өткізу тетігі төмендегідей: 1) I топ, оның ішінде: «Қазақстан тұрғын үй жинақ банкі (ҚТҚЖБ) желісі бойынша «Халықтың барлық санатына арналған тұрғын үй» бағыты бойынша; «Қазақстан ипотекалық компаниясы» ипотекалық ұйымы» акционерлік қоғамы бағыты бойынша: мемлекеттiк қызметшiлер, әскери қызметшілер, арнаулы мемлекеттік органдардың қызметкерлері, бюджеттiк ұйымдардың қызметкерлерi. 1-кіші топ – жергілікті атқару органдарында (ЖАО) осы санатта кезекте тұрғандар, кемінде 3 жыл некеде тұрған, балалары (баласы) бар және жұбайлардың екеуінің де жасы 35 жасқа толмаған (Бағдарламаға қатысуға өтініш беру сәтінде), сондай-ақ балаларды (баласы) жасы 35-ке толмаған, оның ішінде ажырасқан, жесір/тұл қалған ата-ананың бірі ғана тәрбиелеп отырған толық емес отбасы; 2-кіші топ – 1-кіші топқа кірмейтін, көрсетілген санаттағы ЖАО-да кезекте тұрғандар. 2) II топ: ҚТҚЖБ желісі бойынша «Халықтың барлық санатына арналған тұрғын үй» бағытына қатысушы халықтың барлық санаты; 3) III топ: мынадай талаптарға сәйкес келетін тұлғалар санаты: кемінде екі жыл некеде тұрған жас отбасы, жұбайлардың екеуінің де жасы 29-дан аспауы қажет (Бағдарламаға қатысуға өтініш беру сәтінде), сондай-ақ балаларды (баласы) жасы 29-ға толмаған, оның ішінде ажырасқан, жесір/тұл қалған ата-ананың бірі ғана тәрбиелеп отырған толық емес отбасы. Егер, III топ «Жас отбасылар» санаты бойынша жалдамалы тұрғын үй сатып алуға құжат қабылдау басталған жағдайда, бұқаралық ақпарат құралдары арқылы және қала әкімдігінің сайтына www.uralsk.gov.kz хабарландыру болып жарияланады. Толық ақпаратты Орал қаласының тұрғын үй-коммуналдық шаруашылық, жолаушы көлігі және автомобиль жолдары бөлімінен мына мекен-жайы бойынша ала аласыз: Некрасов көшесі 30/1, тел: 51-28-99.


24.10.2016

Суханкулов Дидар

Саламатсизбе. Меним атам Суханкулов Габдулгазиз 2009 жылы укиметтен Северо-Восток ауданынан 1 болмели патер алды. Енди сол патерди оз атына салалмай жур. Патердин жарты багасын толеп сатып алу керекпиз дид. Ал ол патерди дарственный етип калдыра алама? Негизи патер берип жатканда 5 жылдан сон автоматтык турде атакка аударылады деди. Атам ветеран тыла, чумныйда 40 жыл жумыс жасады, баласы Афган согысында каза тапты. Сол маселени бир жагына шыгарып беринизши. Хотя бы дарственныйга руксат беринизши. Бармаган жеримиз, какпаган есигимиз жок.

Ответ:

Құрметті Габдулгазиз! Сіздің Орал қаласы әкімінің блогына жазған мемлекеттік тұрғын үй қорынан берілген пәтерді жекешелендіру мәселесі бойынша төмендегідей мәлімдейміз. 1997 жылғы 16 сәуірдегі «Тұрғын үй қатынастары туралы» Заңының 13-бабының 8-тармағына сәйкес мемлекеттік тұрғын үй қорынан өздері тұратын тұрғын үйлерді меншігіне тегін алуға: 1) Ұлы Отан соғысының мүгедектері мен қатысушылары құқылы. Тұрғын үй берілген Ұлы Отан соғысының мүгедегі немесе қатысушысы қайтыс болған жағдайда, оны тегін алу құқығы оның отбасы мүшелеріне өтеді; 2) 1 және 2-топтағы мүгедектер; 3) Чернобыль атом электр станциясындағы апаттың, басқа да радиациялық апаттар мен азаматтық немесе әскери мақсаттағы объектiлердегі авариялардың салдарларын жоюға қатысқан, сондай-ақ ядролық сынақтар мен оқу-жаттығуларға тікелей қатысқан адамдар; 4) Семей ядролық сынақ полигонындағы ядролық сынақтардың салдарынан зардап шеккен Қазақстан Республикасының азаматтары; 5) бұрынғы Кеңестік Социалистік Республикалар Одағын қорғау кезінде, әскери қызметтің өзге де міндеттерін басқа кезеңдерде орындау кезінде немесе майданда болуға байланысты ауруға шалдығу салдарынан, сондай-ақ Ауғанстанда немесе ұрыс қимылдары жүргiзiлген басқа да мемлекеттерде әскери қызметін өткеру кезiнде жаралану, контузия алу, мертiгу салдарынан мүгедек болған әскери қызметшілер; 6) Арал маңындағы экологиялық қасірет салдарынан зардап шеккен Қазақстан Республикасының азаматтары құқылы. Сіздің жағдайыңыз жоғарыда аталған жеңілдектердің біреуіне сай болған жағдайда, өз пәтеріңізді өтеусіз құнымен жекешелендіре аласыз, бірақ жеңілдіктеріңіз болмаған жағдайда бұл пәтерді өтеулі (қалдық) құнымен жекешелендіруге құқығыңыз бар екендігін назарыңызға саламыз. Бүгінгі таңда аталған пәтер жекешелендірілмегендіктен, бұл пәтер мемлекеттік тұрғын үй қоры болып табылады. Тұрғын үйге меншiк құқығы Сіз аталған пәтерді жекешелендіргеннен кейін және тiркеу органында тiркелгеннен бастап пайда болады. Тiркеуге қажетті құжаттар бойынша толық ақпаратты Орал қаласының Тұрғын үй-коммуналдық шаруашылық, жолаушы көлігі және автомобиль жолдары бөлімінен мына мекен-жай бойынша ала аласыз: Некрасов көшесі 30/1, тел: 51-28-99


20.10.2016

Жаксат Болатович

Курметти Алтай Сейдирулы жане Нариман Турегалиулы! Сиздерге кояр сурагымыз, мен 2010 жылы бюджеттик кызметкер ретинде ЖКХ га кезекке турдым. Мемлекеттик багдарлама бойынша 6-шагын аудандагы Д.Конаев кошесиндеги уйге маусым айында ЦОН аркылы тапсырдым. Натижесинде шилде айында ЖКХ дан хабарлап 2 болмели патер берилетинин айтты жане КИК ке аныктама берип жолдады. КИК компаниясы биздин толем кабилеттилигин тексерип бизге он корытынды берген болатын жане аныктаманы ЖКХ га тапсырдым. ЖКХ енди тек килт алуга келесиздер озимиз хабарын айтамыз деди. 2016 жылдын 19 казан куни сагат 12:30 да ЖКХ дан Канат деген кызметкери хабарлап, бизге 2- болмели патердин берилмейтинин айтты. Себеби мен жумыс жасайтын мекеме Жангир хан атындагы Батыс Казахстан аграрлык техникалык университети мемлекеттик емес мекеме болгандыктан отпейсиздер Деп жауап берди. Бирак аталмыш оку орын 2016 жылдын наурызында Укиметтин жарлыгымен КеАК(коммерциялык емес акционерлик когам) болып статусы озгерген болатын. Бирак биз маусым айында осы мекемеден аныктамаларды тапсырып откен болатынбыз, сол кезде неге олар айтпады екен бул мекеменин статусымен отпесек баска мемлекеттик жумыска ауысып, кыркуйек айында жиналган мемлекеттик багдарламага катысатын едик го! Осы маселени он шешимин тапсаныздар екен деймин. Менин сурагымды жауапсыз калдырманыздаршы, жауап кутем.

Ответ:

Құрметті Жаксат! Сіздің әкімнің блогына жолдаған сауалыңыз бойынша, Сіздің төлем қабілеттігіңізді бағалау үшін жолдама қорытындысы 2016 жылғы 8 қыркүйекте «Орал қаласының тұрғын үй-коммуналдық шаруашылық, жолаушы көлігі және автомобиль жолдары бөліміне» тапсырылды. Бірақ, жұмыс орынынан анықтамаға сәйкес «Жәңгір хан атындағы Батыс Қазақстан аграрлық-техникалық университеті» коммерциялық емес акционерлік қоғамында, «Экономика және менеджмент» кафедрасының аға оқытушысы болып қызмет атқаратындығыңыз анықталды. Аталған мекеме бюджеттік ұйымға жатпағандықтан, комиссия шешіміне сәйкес өтінішіңіз қанағаттандырылмады. Негіздеме: Қазақстан Республикасының "Тұрғын үй қатынастары туралы" Заңының 2-бабының 1-тармағының 1-2) тармақшасына сәйкес, бюджеттік ұйымдар – мемлекеттік мекемелер және қазыналық кәсіпорындар деп көрсетілген. Орал қаласының ТҮКШЖК және АЖ бөлімі, үміткерлердің Бағдарлама талаптарына сәйкестігіне қайта тексеру жүргізе отырып, Сіздің жұмыс орынынан анықтамаңыз Заңның 67-бабында айқындалған санатқа сәйкес келмейтіндігі анықталды.


19.10.2016

Самал

Құрметті, Нариман Төреғалиұлы! мен сізге арнайы өтінішпен хат жазып отырмын, сізден өтінерім Московский көшесі мен Яблоневая көшесінің қиылысындағы қоқыс жәшігі қолайсыз жегре орналастырылған соның салдарынан дәл сол қиылыста жиі автокөлік қақтығыстары болып тұрады, жазғы уақытта жолдың келесі жағына уақытша ауыстырылған болатын сол ынғайлы болып еді, ал қазір қайтадан бұрынғы орынына ауыстырыпты,яблоневая көшесінен сол жағына бұрылған кезде көпшілігі қоқыс жәшігінің кесірінен келіп қалған көлікті байқамай қалады, әрі жолдың яблоневая көесіне бұрылытын жағында ойық бар ол да келесі жағынан келген көліктерге колайсыз болғандықтан қақтығыстарға акеп соқтырады, мен ол жермен жиі жүретін болғандықтан сол жерде болып тұратын қақтығыстарға жиі куә болып жүрмін, сондықтан осы жердегі қоқыс жәшігін қолайсыз жерден ауыстырса, жолдың ойығы жөнделсе кішкене болса да қаламыздағы көлік қақтығысының азайуына себеп болар деп ойлаймын. Осы өтінішіміе сол жермен жиі жүріп тұратын көптеген қала тұрғындары да қосылады деп ойлаймын. Өтінішіміз аяқсыз қалмайды деген үміттеміз. Алдын-ала Рахмет!!!

Ответ:

Құрметті Самал! Сіздің өтінішіңізге, Орал қаласының әкімдігі қолданыстағы санитарлық нормаларды сақтау мақсатында, қатты тұрмыстық қалдықтар алаңдары көп жағдайларда көше қиылыстарына орнатылатынын хабарлайды. Ол қиылысатын екі көшенің тұрғындарына, сонымен қатар қоқыс шығаратын техникаға ыңғайлы болу үшін жасалады және жол бойына орнатылады. Сонымен қатар, аталған қатты тұрмыстық қалдықтар алаңдары бюджет қаржысы есебінен жайластырылғанын хабарлаймыз. Ағымдағы жылы қала бойынша 100-ден астам орында осындай алаңдар орнатылды. Орнату кезінде тұрғындардан шағымдар түскен жағдайда, жедел шешім қабылданып, тұрғындар үшін қолайлы етіп орналастыру мүмкіндіктері қарастырылды. Жоғарыда аталғандарға сәйкес және аталған алаңдарды көшіру қосымша қаржыны талап ететіндіктен, қазіргі таңда контейнер алаңдарын көшіруге мүмкіндік жоқ екенін хабарлаймыз. Сонымен қатар, көше қиылыстарындағы ойық мамандармен орынға шығумен тексеріліп, мәселені шешу мүмкіндігі қарастырылатынын қосымша мәлімдейміз.


17.10.2016

Маншук Ажмагамбетова

Құрметті Нариман Төреғалиұлы! Мен Орал қ, Зачаганск к., Мөнкей ұлы к. ү. 77. п. 46 мекен жайы бойынша тұрамын. Жақында 2020 бағдарламасымен Жилстройсбербанк АҚ арқылы 6 маусымда қолданысқа берілді. Бірақ осы уағытқа дейін газ және жылу берілмеді. Біздің пәтерде мүлде жылу жоқ. КСК ға көп мәрте жоллыққанмен мәселе шешілмей тұр. Балалар мен ересек адамдар салқыннан қайта қайта суық тиіп аурып жатыр! Және де біздің үйге КЕЙСЕЛ ұялы байланысының антенді құрылғысын қойғалы жатыр. Бұл құрылғының адам денсаулығына өте зиян екенің түсіне отырып, тұрғындар болып Жергілікті басқару органдарына наразылық білдірдік. Бірақ КЕЙСЕЛ қызметкерлері қайтадан байланыс құрылғысын орнатпақшы. Осы айтылған маңызды мәселелерге Шара қолдануыңызды сураймын.

Ответ:

Құрметті Маншук! Сіздің Орал қаласы әкімінің блогына жазған 2016 жылғы 17 қазандағы өтінішіңізге орай, Орал қаласы Зашаған кенті М.Мөңкеұлы көшесі 77 үйде қазіргі уақытта бірқалыпты жылу жүйесі жұмыс істеуде. Сондай-ақ, аталған шағынауданда орналасқан жылу қазандығы сырытқы температураға сәйкесінше жылумен қамтамасыз етіп тұр. Газ қосу мәселесі бойынша мердігер мекеме «Виан» ЖШС басшысымен жұмыстар жүргізіліп, ағымдағы жылдың қазан айында қосу жоспарлануда. Сондай-ақ, М.Мөңкеұлы көшесі 77 үйдің төбесіне антенна орнату үшін «Кселл» АҚ «Орал қалалық тұтынушылардың құқықтарын қорғау басқармасы» ММ-сінен қауіптілік деңгейі нормаға сәйкес келетіндігі жөнінде өз қорытындысын ұсынған болатын. Аталған қорытынды адамның және сол айналада тұратын тұрғындардың денсаулығына зияны жоқтығы туралы жазылғанын хабарлаймыз.


14.10.2016

Айнаш

Салеметсиздерме!мазаласам кешириниздерши. маган комектесиниздерши жумыс жасауга денсаулыгым жок емделуге каражатым туратын туракты баспанамда жок сиздерден комек кутем.Алтай ага комектесиниздерши маган.87753268487жалгыз гана умитим сиздерде

Ответ:

Құрметті Айнаш! Орал қаласы әкімінің блогына жазған өтінішіңізге орай, Қазақстан Республикасының 1997 жылғы 16 сәуірдегі "Тұрғын үй қатынастары туралы" Заңының 74-бабының 1,3-тармақтарына сәйкес мемлекеттік тұрғын үй қорынан тұрғын жай нақты елді мекенде тұрақты тұратын және халықтың әлеуметтік жағынан қорғалатын, табысы аз, мұқтаж топтарына жататын азаматтарға барлық қажетті құжаттарымен бірге өтініші тапсырылған кезден тізімде белгіленген кезек ретімен беріледі. Көрсетілген тізімдерге енгізілген азаматтардың құқықтары тең деп танылады. Егер осы Заңда өзгеше көзделмесе, мемлекеттік тұрғын үй қорынан тұрғын үйді немесе жеке тұрғын үй қорынан жергілікті атқарушы орган жалдаған тұрғын үйді алуға осы тізімдерге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетiм балаларды, ата-анасының қамқорлығынсыз қалған балаларды қоспағанда, ешкімнің де басым құқығы болмайды. Қосымша мәлімет алу үшін Жаңақала ауданының әкімдігіне жолыға аласыз. Берілетін қаржылай көмек туралы, тұрғылықты тұратын жері бойынша тіркеу болған жағдайда әлеуметтік көмектерді алу үшін уәкілетті органға, уәкілетті орган болмаған кезде кент, ауыл, ауылдық округ әкіміне өтінішпен және құжаттармен жүгінуге болады. Атап айтсақ: «Балалы отбасыларға берілетін мемлекеттік жәрдемақылар туралы» Қазақстан Республикасының Заңына сәйкес, жасы он сегіз жасқа дейінгі балалары бар және отбасының орта есеппен жан басына шаққандағы табысы азық-түлік себетінің құнынан (2016 жылдың ІV-тоқсанына азық-түлік себетінің құны 13018 теңге) төмен болған жағдайдағы жәрдемақы және Қазақстан Республикасының «Мемлекеттік атаулы әлеуметтік көмек туралы» Заңына сәйкес, отбасының орта есеппен жан басына шаққандағы табысы белгіленген кедейшілік шегінің мөлшерінен аспаған жағдайда (2016 жылдың ІV-тоқсанына кедейшілік шегінің мөлшері 8679 теңге), атаулы әлеуметтік көмек, сонымен қатар Орал қаласы мәслихатының 2013 жылғы 20 қарашадағы № 18-4 «Орал қаласының әлеуметтік көмек көрсету, оның мөлшерін белгілеу және мұқтаж азаматтардың жекелеген санаттарының тізбесін айқындау қағидасын бекіту туралы» шешіміне сәйкес, біржолғы әлеуметтік көмек жан басына шаққанда орташа табыстары ең төменгі күнкөріс деңгейінен (21697 теңге) төмен қамтамасыз етілген азаматтарға (отбасыларға), арнайы комиссия белгілеген мөлшерде төленетін жәрдемақыларды алуға құқығы бар. Қосымша ақпарат алу үшін Достық даңғылы №161 үй, 3,13 бөлме мекен жайына жолығуға болады.


13.10.2016

Доскалиева Гульбахран Ерб

Саламатсызба Нариман Төреғалиұлы саулығыңызды тілеймін. Сізге бір өтінішімен бар соңғы кездері Пятимарская көшесінде жарық көзі ұзақ уақытқа дейін сөніп калып жүр. Және сирек сөну де. Өтінемін сонын жағдайын орнықтырып беруіңіз сұралады. Себебі балдарымыз кішкентай. 20 кундік сабиім бар. Бүгін яғни 12 түс қайта сөніп тагы 10 жейн жарык болмайтынын айтты жане тындағысы келмей телефон тұтқасын қоя салды. Тел номер бойынша теле Шалгал едім 54 34 84 . Және үйдін жылуы автомат еді яғни жарык көзімен жұмыс жасайтын еді. Өтініп сұраймын сізден.

Ответ:

Құрметті Гульбахран Ерболатқызы! Сіздің Орал қаласы әкімінің блогына жазған өтінішіңізге орай, «БатҚазЭЖТК» АҚ ҚФ мамандары Орал қаласы Зашаған кенті Пятимар көшесінде орналасқан тұрғын үйлерде электр жарығы бар екенін хабарлайды. Сондай-ақ, алдағы уақытта осындай жағдай болған уақытта, мекенжайды толық және байланыс нөмірді көрсетуіңізді сұраймыз. Сонымен қатар, коммуналдық сұрақтар туындаған кезде қаланың тәуліктік кезекші қызметіне 505607 номірі арқылы хабарласа аласыз.


13.10.2016

Негметова Куралай

Курметти аким мырза.Мен Негметова Куралай.2 баланын анасымын улкеним 2де кишкентайым 10 айлык.Озим жумыс жасамаймын ягный жумыссызбын.Жолдасымгана жумыс жасайды.Патер жалдап турамыз.Сизге койар еки сурагым бар еди.1 сурагым Бала 3 жаска толганша жумыссыз отырган жумыс жасамайтын мулдем жумыс жасамаган аналарга.Бала 3 жаска толганша жардем акы бериледи деп.Казакстан теле арнасы Таншолпан багдарламасынан естигем.Сол распа.Рас болса кайда барып кужатар тапсырам.2 сурагым 26.09.2016 жылгы КР занына сайкес 674 тармагында жасы 35 ке толмаган жас отбасылар Укиметтен комек акшалай алуга кукылы деген.Сол жайлы акпарат берсениз.Алдын ала рахмет.

Ответ:

Құрметті Құралай! Сіздің қала әкімінің блогына жолдаған өтінішіңізге орай, Қазақстан Республикасының «Балалы отбасыларға берілетін мемлекеттік жәрдемақылар туралы» Заңы барын хабарлаймыз. Сол бойынша Сіздің он сегіз жасқа дейінгі балаларыңыз бар болса және отбасыңыздың орта есеппен жан басына шаққандағы табысы азық-түлік себетінің құнынан (2016 ж. ІV-тоқсанына - 13018 теңге) төмен болған жағдайда Сіз жәрдемақы алуға құқығыңыз бар. Осы жәрдемақыны алу үшін төмендегі құжаттарды тапсыруыңыз керек: 1) өтiнiш берушінің жеке басын куәландыратын құжат; 2) баланың (балалардың) тууы туралы куәлiгi; 3) өтініш беруші ұсынған мәліметтер баланың туу туралы куәлігіндегі мәліметтерге сәйкес келмеген жағдайда неке қию (бұзу) туралы куәлік (жалғыз басты аналарға №4 анықтама); 4) отбасы мүшелерінің табысы туралы мәліметтер (өткен тоқсанға жалақы, жәрдемақы, зейнетақы, алимент, шәкіртақы, жолақы, ж.т.б.); 5) отбасының тұрғылықты тұратын жері бойынша тіркелгенін растайтын құжат; 6) халық банк шоты. Құжаттар мына мекен-жай бойынша қабылданады: Достық даңғылы №161 үй, 3 бөлме. Екінші сұрағыңыз бойынша аталмыш «жасы 35-ке толмаған жас отбасыларға ақшалай жәрдем беру» қызмет түрін көрсету қолданыстағы заңнамалармен бекітілмегенін хабарлаймыз.


12.10.2016

Жунусова Найля

немеремді тоғызқұмалаққа қатыстырайын деп едім, №42 гимназияға жақын орналасқаны барма екен?

Ответ:

Құрметті Найля! Сіздің қала әкімдігінің сайтына жолдаған сауалыңызға орай, БҚО Орал қаласы жастар және оқушылар сарайы ағымдағы жылдың қараша айынан бастап жұмыс жасайтындығын, осы мекемеде тоғызқұмалақ үйірмесінің ашылатындығын хабарлаймыз. Бүгінгі таңда № 41МЛ, № 42, № 44 МГ-да тоғызқұмалақ үйірмелері жұмыс жасайды.


blog_akima