Әкім блогы

Сұрақ жауап

20.12.2018

Алия Бисембаева

салеметсизбе .мен уй кезегинде турмын.бирак жкх да баска еговта баскаша корсетеди кезегимди .тусинбей жатырмын

Ответ:

Құрметті Алия! Сіздің қала әкімінің атына жазған өтінішіңізге орай, Сіздің 2012 жылғы 21 маусымда көп балалы отбасылардың кезегіне 564-ші нөмірмен кезекке алынған. Бүгінгі таңда кезектегі нөміріңіз – 299. Жасақты пәтерді Сіз Заңға сәйкес кезек тәртібі бойынша беріледі. Электрондық веб-порталда халықтың әлеуметтік жағынан осал топтағы азаматтардың кезегі жалпы түрде көрсетіледі. Өйткені, 2013 жылдың 1 қаңтар айынан бастап барлық кезекте тұрған азаматтардың кезектері электрондық базаға енгізілген.


20.12.2018

Алия Бисембаева

салеметсизбе .мен уй кезегинде турмын.бирак жкх да баска еговта баскаша корсетеди кезегимди .тусинбей жатырмын

Ответ:

Құрметті Алия! Сіздің қала әкімінің атына жазған өтінішіңізге орай, Сіздің 2012 жылғы 21 маусымда көп балалы отбасылардың кезегіне 564-ші нөмірмен кезекке алынған. Бүгінгі таңда кезектегі нөміріңіз – 299. Жасақты пәтерді Сіз Заңға сәйкес кезек тәртібі бойынша беріледі. Электрондық веб-порталда халықтың әлеуметтік жағынан осал топтағы азаматтардың кезегі жалпы түрде көрсетіледі. Өйткені, 2013 жылдың 1 қаңтар айынан бастап барлық кезекте тұрған азаматтардың кезектері электрондық базаға енгізілген.


07.12.2018

Жумагазиева Бибигуль

жер кезегіне қоюынызды сұраймын

Ответ:

Құрметті Бибигуль! Сіздің қала әкімінің блогына жазған өтінішіңізге орай келесіні хабарлаймыз: Сіздің 2004 жылы 08 қыркүйектегі №Ж-341 жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз – 2271. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Сонымен қатар жер кезегін Орал қаласы әкімдігінің www.uralsk.gov.kz сайтынан және мына мекенжай бойынша Орал қаласы, Достық-Дружба даңғылы, 182/1-үй, ашық әкімдік, 9-үстелден білуіңізге болады.


07.12.2018

доскалиева

Саламатсызба мен жол акысы жонинде маселесин козгагым келипитур. Карточка аркылы жол акысын 50 тенге кылсаныз баринеде тиимди болар еди. Казирги танда барлык автобустар газбен куаттанады сол себепти осы усынысты карастырныз.

Ответ:

Құрметті қала тұрғыны! Сіздің қала әкімінің блогына жазған өтінішіңізге орай келесіні хабарлаймыз: БҚО Орал қаласының әкімдігінің 2017 жылғы 21 маусымдағы «Орал қаласында жолаушыларды және багажды қалалық автомобильмен тұрақты тасымалдаудағы тарифті белгілеу туралы» №1850 қаулысына сәйкес Орал қаласында жолаушыларды және багажды автомобильмен тұрақты тасымалдауға бірыңғай тарифі 80 (сексен) теңге көлемінде белгіленгендігін қаперіңізге сала отырып, сондай-ақ қазіргі таңда көлік картасын пайдаланған жолаушыға «KTS-KazTransService» ЖШС-мен көлік картасын 2000 теңге және одан да жоғары сомаға толтырған кезде әр жол ақысынан 10 теңге бонус түрінде жолаушының көлік картасына қайтарылып, сәйкесінше жол ақысын 70 теңге көлемінде төленетіндей мүмкіндіктер қарастырылғандығын мәлімдейді және Сіздің өтінішіңіздегі мәселені жүзеге асыру қазіргі таңда «KTS-KazTransService» ЖШС-не экономикалық жағынан тиімсіз болғандықтан, жол ақысын көлік картасы арқылы төлейтін жолаушыға жол ақысын 50 теңге болатындай жағдай қарастыруға мүмкіндік жоқ екендігін хабарлайды. Егер осы қабылданған шешімге Сіз келіспеген жағдайда ҚР 12.01.2007 жылғы №221 «Жеке және заңды тұлғалардың өтініштерін қарау тәртібі туралы» Заңының 12 бабына сәйкес, шағымдануға құқылы екендігін хабарлаймыз.


06.12.2018

Сисенгалиева Динара

Сәлеметсізбе, Мұрат Рахметұлы!Мен Баянсулу к-сі,51 ші үйде тұрамын.Біздің көршіміздің к-сі 51/1, біздің жарты жерімізді алған.Көрші үйдің төбесіндегі қарлар біздің аулаға есіктің алдына түседі,оның үстіне қоймай тереземіздің алдына гараж салған, гараждың төбесіндегі қарлар тереземіздің алдына түседі.онсызда біздің көшемізде арық жоқ,еріген қардың сулары біздің үйдің алдына толып қалады,үйдің өзі құлайын деп тұр.қар тазалайтын ешкім жоқ,әпкем 1-ші группада инвалид,мен 3-ші группада,анамның да денсаулығы мәз емес. мен сізден сұрайын дегенім, екі үйдің арасы қанша метр болуы керек,гараж саларда көршілермен ақылдасу керекпе?

Ответ:

Құрметті Динара! Сіздің қала әкімінің блогына жазған өтінішіңізге орай келесіні хабарлаймыз: Қазақстан Республикасы Ережелер Жинағы 3.01-102-2012 "Жеке тұрғын құрылыс салу аудандарын жоспарлау және құрылыс салу аудандарын жоспарлау және құрылыс жүргізу" Қазақстан Республикасы Ережелер Жинағы: 5.2 "Тұрғын үй мен шаруашылық ғимараттарды орналастыру кезінде көршілес үй-жай телімі шекарасынан тұрғын үй қабырғасына дейін кем дегенде 3м қашықтықты сақтау керек; 1 м - шаруашылық ғимараттарға, аталған құрылыстардың көршілес телімдердегі сәйкес құрылыстармен біріктірілген жағдайлардан бөлек". Қосымша мәлімдейміз: көршіңіздің тарапынан өз жер телімінде құрылыс салу ережелері сақталмаған жағдайда, Сіз кемшіліктерді түзету туралы талап – арызбен сотқа жүгінуге құқылысыз, өйткені ҚР «Жеке тұрғын үй құрылысы туралы» Заңының 17- бабына сәйкес қатынастары жоғарыда көрсетілген заңмен реттелетін қатысушылар арасындағы даулар сот тәртібімен шешіледі. ҚР «Жеке және заңды тұлғалардың өтініштерін қарау тәртібі туралы» Заңынын 12-бап сәйкес «Арыз берушi қабылданған шешiммен келiспеген жағдайда арыз тiкелей сотқа берiледi».


06.12.2018

Айка Искак

Салеметсибе. Мен 47 мектептеги нулевои мугалимине шагымданаин деп едим. Балама орескел минез корсетип топ алднда ар намысын аяк асты жасаган. Балам мектепке баргысы келмеиди. 5жасар баламен солаи жумыстанатын болса не ушин бердик.олар озине али жауап бере алмаиды.коркады.мугалимдеринен

Ответ:

Құрметті Айка! Сіздің қала әкімінің блогына жазған өтінішіңізге сәйкес келесіні хабарлаймыз: Сіздің шағымыңыз бойынша мектеп директорынан түсініктеме алынды. Берілген түсініктемеге сәйкес топ жетекшісі А.Усманова Амиржанның үзіліс кезінде жеп отырған печенье үгіндісі еденге шашылып қалғанын көріп, тәрбие бағытында нанды қастерлеуді, аяққа нан қиқымын баспауды түсіндіріп, печеньенің ірі үгінділерін жинатқан. Бұл орын алған оқиға туралы Сізге түсіндірілді. Осы шағым негізінде топ жетекшісі А.Усмановадан түсініктеме алынып, ескерту түрінде тәртіптік жаза берілді. (бұйрық №954, 06.12.2018 ж).


04.12.2018

әділ әли

саламатсыздарма жер кезегімді біліп бересиздерме

Ответ:

Құрметті Әли! Сіздің қала әкімінің блогына жазған өтінішіңізге орай келесіні хабарлаймыз: Сізге 2012 жылы 12 қыркүйектегі №М-Ә-10849 жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз – 61254. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Бүгінгі таңда дайындалған тәптіштелген жоспарлау жобасының және инженерлік инфрақұрылымы тартылған алаңдардың болмауына байланысты жер учаскесін беру жұмыстары тоқтатылып тұр.Орал қаласы бойынша соңғы рет жеке тұрғын үй құрылысы үшін жер учаскелері 2012 жылы, 2004 жылдың 1 (бірінші) тоқсанында кезекке тұрған азаматтарға берілді. «Нұрлы жер» тұрғын үй құрылысы бағдарламасы бойынша Круглоозерное ауылдық округінде жеке тұрғын үй құрылысы үшін жер учаскесін алуға кезекте тұрған азаматтарға жер учаскесін беру үшін егжей-тегжейлі жоспарлау жобасы дайындалды. Алдымыздағы жылы жергілікті атқарушы органмен инженерлік инфрақұрылым өткізуге қаражат жоспарлануда. Инженерлік инфрақұрылым тартылған соң жеке тұрғын үй құрылысына кезек бойынша жер учаскелерін беру мәселе қарастырылатын болады.Сол себептен қай уақытта және қанша адамға берілетіндігі туралы толық ақпарат анықталып, БАҚ көздеріне жарияланатындығын хабарлаймыз. Сонымен қатар жер кезегін Орал қаласы әкімдігінің www.uralsk.gov.kz сайтынан және мына мекенжай бойынша Орал қаласы, Достық-Дружба даңғылы, 182/1-үй, ашық әкімдік, 9-үстелден білуіңізге болады.


04.12.2018

София Акылбаева

Саламатсыздарма!105 уйде турамыз.Уйимиз салкын.4 ши кыс.Балам инвалид.Камешовты да уйге шакырттык.ешкандай жумыс жасалган жок батареяларымыз кан жылым боп турады.Осы маселени шешуге комек болса!

Ответ:

Құрметті София! Сіздің қала әкімінің блогына жазған өтінішіңізге орай Зачаганск кенті, М.Мөңкеұлы 105 үйді, 2018 жылдың 6 желтоқсанында, «Жайық жылу қуат» АҚ-ның жылу инспекциясының өкілі Б.Камешов, М.Мөңкеұлы 105 үйдің жылу беру жүйлеріннің техникалық жағдайын тексерді. Тексеріс нәтижесінде, берілетін «Жайық жылу қуат» АҚ-ның берілетін жылу нормаларға сәйкес және басқа подъездер тұрғындарынан жылу берілуіне мәселесі бойынша ескертілер жоқ. Сонымен қатар, М.Мөңкеұлы 105 үйдің тұрғындары пәтер иелер кооперативінен (ПИП-КСК) өз еркінен бас тартты. ҚР «Тұрғын үй қатынастары туралы» Заңының 35-бабы, 2-тармағы негізінде үй-жайлардың (пәтерлердің) меншік иелерi ортақ мүлiктің және дара (бөлек) меншiктегi үй-жайлардың сақталуына және қауiпсiз пайдаланылуына жәрдемдесуге міндетті екенін хабарлайды. Сонымен қатар, тұрғын жайлардың жағдайы кондоминиум басқару үрдісіндегі пәтер иелерінің белсенділігіне байланысты екендігін хабарлай отырып, меншік иелері, кондоминиум нысанының мүшелері ретінде жалпы пайдаланудағы мүліктің күтіп ұсталуына қатысты жауапкершіліктерін сезінуге тиіс екенін мәлімдейміз. Жоғарыда аталғанға сәйкес, Бөлім Зачаганск кенті, М.Мөңкеұлы 105 үй төрәғасына жолығуыңызды ұсынамыз. Қазақстан Республикасының «Жеке және заңды тұлғалардың өтініштерін қарау тәртібі туралы» заңының 12, 14-бабына сәйкес, Сіз қабылданған шешімге жоғары тұрған лауазымды тұлғаға немесе сотқа шағым жасауға құқылы екеніңізді қаперіңізге саламыз.


04.12.2018

әділ әли

саламатсыздарма жер кезегімді біліп бересиздерме

Ответ:

Құрметті Әли! Сіздің қала әкімінің блогына жазған өтінішіңізге орай келесіні хабарлаймыз: Сізге 2012 жылы 12 қыркүйектегі №М-Ә-10849 жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз – 61254. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Бүгінгі таңда дайындалған тәптіштелген жоспарлау жобасының және инженерлік инфрақұрылымы тартылған алаңдардың болмауына байланысты жер учаскесін беру жұмыстары тоқтатылып тұр.Орал қаласы бойынша соңғы рет жеке тұрғын үй құрылысы үшін жер учаскелері 2012 жылы, 2004 жылдың 1 (бірінші) тоқсанында кезекке тұрған азаматтарға берілді. «Нұрлы жер» тұрғын үй құрылысы бағдарламасы бойынша Круглоозерное ауылдық округінде жеке тұрғын үй құрылысы үшін жер учаскесін алуға кезекте тұрған азаматтарға жер учаскесін беру үшін егжей-тегжейлі жоспарлау жобасы дайындалды. Алдымыздағы жылы жергілікті атқарушы органмен инженерлік инфрақұрылым өткізуге қаражат жоспарлануда. Инженерлік инфрақұрылым тартылған соң жеке тұрғын үй құрылысына кезек бойынша жер учаскелерін беру мәселе қарастырылатын болады.Сол себептен қай уақытта және қанша адамға берілетіндігі туралы толық ақпарат анықталып, БАҚ көздеріне жарияланатындығын хабарлаймыз. Сонымен қатар жер кезегін Орал қаласы әкімдігінің www.uralsk.gov.kz сайтынан және мына мекенжай бойынша Орал қаласы, Достық-Дружба даңғылы, 182/1-үй, ашық әкімдік, 9-үстелден білуіңізге болады.


04.12.2018

Кенжебек Молдашев

Орталықтан бір автобусты (маршрут) район 2-ой рабочий штыба және көкшетау көшесі бойымен жүргізсеңіз жақсы болар еді. 4-ші мектеп және Шаңырақ жасөспірімдер үйіне қатынас қиын соны ескерсеңіздер

Ответ:

Құрметті Кенжебек! Сіздің қала әкімінің блогына жазған өтінішіңізге орай, қазіргі уақытта қаладағы Мұнай базасы ауданындағы жол өтпесіне қайта құру жұмыстарының жүргізілуіне байланысты, қалалық 13 жолаушы көлігінің қозғалыс сұлбасының өзгертіліп, осыған орай қалалық №4 жолаушы көлігі Штыбы, Көкшетау көшелері арқылы, сонымен қатар Мичурин ауылы тұрғындарынан келіп түскен жеке, ұжымдық өтініштердің артуына байланысты №3 маршрутының қозғалыс сұлбасы Орал қаласының жолаушы көлігі және автомобиль жолдары бөліммен қайта өзгертіліп, 2018 жылдың 04 желтоқсанынан бастап бұл маршрутта жоғарыдағы көрсетілген Штыбы, Көкшетау көшелерімен жүргізілгендігін хабарлайды. Қазіргі таңда, қалалалық №3, №4 және №37 жолаушы көліктері Штыбы, Көкшетау көшелері арқылы қозғалатындығын қаперіңізге саламыз. Егер осы қабылданған шешімге Сіз келіспеген жағдайда ҚР 12.01.2007 жылғы №221 «Жеке және заңды тұлғалардың өтініштерін қарау тәртібі туралы» Заңының 12 бабына сәйкес, шағымдануға құқылы екендігін хабарлаймыз.


30.11.2018

Дарын Джанаев

Птиц.фабрика елді мекеніне қатынайтын 3 маршрутын жүрісін ретке койуыңызды сұраймын. Сіздерге жазып отырған 2 ші хатым. Жауапсыз әлі?

Ответ:

Құрметті Дарын! Сіздің қала әкімінің блогына жазған өтінішіңізге орай қалалық №3 жолаушы көлігіне «№1 Жолаушылар автокөлік кәсіпорыны» ЖШС қызмет көрсететінін және бұл маршрут бойынша бекітілген кестеге сәйкес күніне 10-12 минут интервалмен желіге 22 бірлік автобус шығатындығын хабарлаймыз. Соңғы уақытта №3 жолаушы көлігіне қатысты қала тұрғындарынан келіп түскен шағымдардың жиілеуіне байланысты, бұл маршрутқа қызмет көрсетуші «№1 Жолаушылар автокөлік кәсіпорыны» ЖШС-не 2018 жылдың 05 желтоқсаны күні Бөлім мамандарымен автобустардың желіге уақытылы шығуы, автобустың санитарлық жағдайы, жүргізушілердің рейс алдындағы медициналық тексеруден өтуі және т.б. жөнінде кешенді тексеріс жүргізіліп, анықталған бұзушылықтарды тез арада жою үшін кәсіпорын басшылығына ұйғарым беріліп, бүл маршрут Бөліммен қатаң бақылауға алынғандығын мәлімдейміз. Сонымен қатар №3 қоғамдық көлігі бойынша жүру интервалдарын сақтамау жағдайы орын алған болса «№1 Жолаушылар автокөлік кәсіпорыны» ЖШС –не 54-01-01, 54-45-31 нөмірлеріне және Бөлімге 50-04-02 телефонына хабарласуыңыз сұралады Егер осы қабылданған шешімге Сіз келіспеген жағдайда ҚР 12.01.2007 жылғы №221 «Жеке және заңды тұлғалардың өтініштерін қарау тәртібі туралы» Заңының 12 бабына сәйкес, шағымдануға құқылы екендігін хабарлаймыз.


27.11.2018

Фарида Аділғалиева

Сәлеметсізбе! 2004 жылдың жер телімі қашан берледі екен.Тек 1-ші квартал беріліпті тізім болса қозғалмапты . Жер кезегінде менің анам турған, Ажахметова Бақтыгүл Ермеккалиқызы 21.12.1971. 2004 жылдан бері жер кезегінде тұр. Енді анам көз жұмды. Енді не істеуге болады, жер кезегін қалай жалғастырады әлде кезекте тұра береме. Кімге және қайда жолығу керек?

Ответ:

Құрметті Фарида! Сіздің қала әкімі блогына жазылған өтінішіңізге орай келесіні хабарлаймыз: Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Бүгінгі таңда дайындалған тәптіштелген жоспарлау жобасының және инженерлік инфрақұрылымы тартылған алаңдардың болмауына байланысты жер учаскесін беру жұмыстары тоқтатылып тұр.Орал қаласы бойынша соңғы рет жеке тұрғын үй құрылысы үшін жер учаскелері 2012 жылы, 2004 жылдың 1 (бірінші) тоқсанында кезекке тұрған азаматтарға берілді. «Нұрлы жер» тұрғын үй құрылысы бағдарламасы бойынша Круглоозерное ауылдық округінде жеке тұрғын үй құрылысы үшін жер учаскесін алуға кезекте тұрған азаматтарға жер учаскесін беру үшін егжей-тегжейлі жоспарлау жобасы дайындалды. Алдымыздағы жылы жергілікті атқарушы органмен инженерлік инфрақұрылым өткізуге қаражат жоспарлануда. Инженерлік инфрақұрылым тартылған соң жеке тұрғын үй құрылысына кезек бойынша жер учаскелерін беру мәселе қарастырылатын болады. Сол себептен қай уақытта және қанша адамға берілетіндігі туралы толық ақпарат анықталып, БАҚ көздеріне жарияланатындығын хабарлаймыз. Бұдан бұрын бөлім тарапынан Орал қаласының прокуратурасына қайтыс болған отбасы мүшелерінің орнына жақын туыстарын (ата-анасы, ұлы, қызы т.б.) арнайы есепке енгізуге болатынын немесе болмайтынын туралы хат жолдаған болатын. Орал қалалық прокуратурасының 2011 жылғы 28 наурыздағы №9-13-11 хатында келелесіні мәлімдейді: Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Жеке тұрғын уй құрылысы үшін жер учаскелерін тегіне негізде азаматта жеке тұрғын үй құрылысы үшін мемлекет құқық табыстаған жер учаскесінің бар немесе жоқ екендігі ескеріледі. Қазақстан Республикасы Үкіметінің 2006 жылғы 1 тамыздағы N 726 Қаулысымен бекітілген Жеке тұрғын үй құрылысы үшін жер учаскелеріне құқық беру ережесін бекіту туралы Ереженің 9 тармағына сәйкес (әрі қарай-Ереже) жер учаскесін бөліп беру үшін алаңдар болмаған жағдайда комиссия жалпы тізімдегі кезек нөмірін көрсете отырып, жеке тұрғын үй құрылысы үшін жер учаскесін беру туралы өтінішті (қолдаухатты) арнайы есепке қою туралы қорытынды береді. Осы Ереженің 9-тармағында көрсетілген комиссия қорытындысының негізінде жеке тұрғын үй құрылысы үшін жер учаскесін беру туралы өтінішті (қолдаухатты) республикалық маңызы бар қаланың, астананың, ауданның (облыстық маңызы бар қаланың) жергілікті атқарушы органдары, кенттің, ауылдың (селоның ), ауылдық (селолық) округтің әкімдері арнайы есепке алады және комиссия қайтадан қарамай бөліп беруге арналған алаңдардың дайындалуына қарай қанағаттандырылады. Сонымен қатар қолданыстағы Жер Кодексі және жоғарыда аталған Ережеде қайтыс болған отбасы мүшелерінің орнына азаматтарды арнайы есепке енгізу қарастырылмаған. Бұған қоса арнайы есепке қабылданған жер учаскесін беру туралы өтініш мұраға қалмайды ....» Жоғарыда баяндалған негізде қайтыс болған отбасы мүшелерінің орнына жер учаскесі берілмейді. Сол себепті туындаған мәселені шешу үшін Сізге Сот органдарына жолығуыңызға болатындығын хабарлаймыз.


26.11.2018

Мұрат Мөңкеұлы

Қайырлы күн, ел игілігі үшін қызметтегі жандар! Мен 2014 жылдан бері Мұрат Мөңке ұлы көшесіндегі номері 83/2 үйінде тұрып келемін. Біздің шағын аудан күннен көркейіп жаңарып келеді. Қазіргі таңда 40 тан астам көп қабатты үй тұрғызылды. Әлбетте соған байланысты тұрғындар саны еселеп өсті. Өзіміздің жұмысқа қатынауымыз, балалардың балабақша мен мектеп қатынауымыз күннен күнге қиындап барады. Нақтылап айтатын болсам, Саратов трассасы бойында тек 7 номерлі маршрут жүреді. Бұл маршрутта адам санының өте көптігіне байланысты, таңғы уақыттан сағат 9-ға дейін Саратов трасса бойындағы аялдамаларға тіптен тоқтамайды. Тұрғындар күннің суығына тоңып 30 мектеп аялдамасына жаяу барады немесе таксиге отырып кете береді. Енді мыңдаған тұрғындардың атынан Саратов трасса бойынан 22 немесе 5 маршрут өтетіндей етіп ұйымдастырылса деген өтінішіміз бар. Және аталған трассаның келесі бетінде тұрғын үй құрылысының қыза түсуін, яғни келешекте тұрғындар саны өсетінін ескере отырып өтінішімізді қанағатттандырады деген ойдамын. Алдын-ала рахмет! Жұмыстарыңызға табыс тілейміз.

Ответ:

Құрметті Талғат! Сіздің қала әкімінің блогына жазған өтінішіңізге орай, «Орал қаласының жолаушы көлігі және автомобиль жолдары бөлімі» ММ-сі (әрі қарай - Бөлім) №5 және №22 маршруттарының Орал - Саратов трассасы арқылы жүру қозғалысын ұйымдастырған жағдайда, бұл маршруттардың жол жүру ара қашықтығының артатындығын мәлімдейміз. Ара қашықтықтың артуынан, сәйкесінше автобус арасындағы жүру интервалы да артып, бұл жолаушылар үшін қолайсыздық тудыратын болады. Өйткені бұл маршруттарда Бөліммен келісіліп бекітілген кесте бойынша әрбір маршрут үшін арнайы күнделікті автобустардың желіге шығу кестесі (саны) қарастырылған. Сондықтан қазіргі уақытта бұл ара қашықтықты азайтуға арнайы бірлік автобус қосу мүміндігі жоқ екендігін хабарлаймыз. Егер осы қабылданған шешімге Сіз келіспеген жағдайда ҚР 12.01.2007 жылғы №221 «Жеке және заңды тұлғалардың өтініштерін қарау тәртібі туралы» Заңының 12 бабына сәйкес, шағымдануға құқылы екендігін хабарлаймыз.


26.11.2018

Ахметов Бауржан

Мектептің қасындағы дамбыны үлкейтіп,кеңейтіп салуыңызды сұраймыз

Ответ:

Құрметті Бауржан! Сіздің қала әкімінің блогына жазған өтінішіңізге орай, Орал қаласының әкімдігімен ағымдағы жылы «Деркөл ауылындағы ТЖЖ (2 кезек) ішкіорам жолдарының және еріген суларды әкету құрылысы (түзету)» нысанына жобалық-сметалық құжаттамасы жасалғандығын хабарлай отырып аталған ТЖЖ 2-кезектегі № 49 ЖОББМ жанындағы көше жолының ойпаттығын ескере отырып су өткізу құбырларын салып (жаяу жүргінші жолын және автокөліктерге) және ескі асфальт қалдықтарын төсеу арқылы уақытша жол салынғанын хабарлаймыз. Сондай-ақ, жобаны жүзеге асыру кезінде жоғарыда аталған сұрақ ескерілетіндігін қаперіңізге саламыз. Егер осы қабылданған шешімге Сіз келіспеген жағдайда ҚР 12.01.2007 жылғы №221 «Жеке және заңды тұлғалардың өтініштерін қарау тәртібі туралы» Заңының 12 бабына сәйкес, шағымдануға құқылысыз.


26.11.2018

Шынар Бауыржанкызы

Саламатсызба менин балама зпр сдвг диагнозы койылды ПМПКдан. Бизди мурпгер садигине жиберди .бирак менин уйимнен ягни мясокомбинаттан мурагерге бару оте киын. Сол ушин балауса садигине жолдама берди. Онда логопед бар но дефектолог жок. Балама аландаймын. Дефектолог маманмен калай жумс жасауга болады. Кандай жолы бар. Кишкентай 10айлык кызыммен уйде отырмын. жолдасым жазира остановкада жумыс жасайды. Жолдан баламды садикке калдырып кетет. Мурагерге баруга мумкинишилигим жок. Дефектолог керек уакыт отип жатыр комектеминизши.

Ответ:

Құрметті Шынар! Сіздің қала әкімінің блогына жазған өтінішіңізге орай келесіні хабарлаймыз: №29 «Балауса» бөбекжайының директоры Г.Кубалиеваның түсінік хатына сәйкес 15.10.2015 жылы туған Әділғали Алихан осы №29 бөбекжайға 2018 жылдың қараша айынан бастап қабылданды. «Қалалық психологиялық-дәрігерлік-педагогикалық консультациясы» ММ-нің 26.10.2018 жылғы №2743 қорытындысы бойынша Алиханға логопед және психолог мамандарымен жұмыстану ұсынылған. Қазіргі таңда осы мамандар баламен түзету жұмыстарын жүргізіп жатыр. №29 «Балауса» бөбекжайындағы түзеу және инклюзивті білім беру кабинетіне дефектолог маманы ағымдағы жылдың 19 қарашасы күні №103 бұйрығымен жұмысқа қабылданған. Алдағы уақытта осы инклюзивті білім беру кабинетінде дефектолог маманы баламен жұмыстанатын болады.


21.11.2018

Шынар Бауыржанкызы

Саламатсызба. Менин 3жастагы балама ЗПР СДВГ ЗРР диагноздарын койды ПМПК комиссиялары. Бизди мурагер садигине жиберди. Бирак мен мясокомбинаттан старый аэропортка тикелей бара алмаймын автобус пересатка жасауым керек. Сол ушин уйиме жакын балауса садигине сурадым жолдама. Онда ЗРР диагнозына комектеседи. Балама аландаймын.биз логопедпен жумыс жасаймыз. Бизге негизи логопед-дефектолог керек. Сурагым: мен мурагер садигине баралмаганым ушин баламды дефектологпен жумыстандыра алмаймынба. Кандай жолдары бар. 10айлык кызыммен онда баралмаймын. жолдасым остановка жазирада жумыс жасайды.калай карасамда мурагер садигине баралмаймын. Баламда озгерис жок. Баламнын болашагына аландаймын. Комек бериниздерши.кандай жолы бар . рахмет

Ответ:

Құрметті Шынар! Сіздің қала әкімінің блогына жазған өтінішіңізге орай келесіні хабарлаймыз: №29 «Балауса» бөбекжайының директоры Г.Кубалиеваның түсінік хатына сәйкес 15.10.2015 жылы туған Әділғали Алихан осы №29 бөбекжайға 2018 жылдың қараша айынан бастап қабылданды. «Қалалық психологиялық-дәрігерлік-педагогикалық консультациясы» ММ-нің 26.10.2018 жылғы №2743 қорытындысы бойынша Алиханға логопед және психолог мамандарымен жұмыстану ұсынылған. Қазіргі таңда осы мамандар баламен түзету жұмыстарын жүргізіп жатыр. №29 «Балауса» бөбекжайындағы түзеу және инклюзивті білім беру кабинетіне дефектолог маманы ағымдағы жылдың 19 қарашасы күні №103 бұйрығымен жұмысқа қабылданған. Алдағы уақытта осы инклюзивті білім беру кабинетінде дефектолог маманы баламен жұмыстанатын болады.


20.11.2018

Жумагалиева Гулим

Сәлеметсіз бе, көпбалалы отбасы ретінде үйге кезекке тұру үшін керекті құжаттар тізімін білейн деп едім, рахмет

Ответ:

Құрметті Гүлім! Сіздің қала әкімінің блогына жазған өтінішіңізге орай азаматтарды есепке қою үшін мынадай құжаттар ұсынылуы қажет екенін хабарлайды. 1) осы Қағидаларға 1-қосымшаға сәйкес нысан бойынша өтініш берушіде және үнемі онымен бірге тұратын отбасы мүшелерінде осы елді мекенде тұрақты пайдалануда коммуналдық тұрғын үй қорынан берілген тұрғын үйдің бар немесе жоқ екенін жергілікті атқарушы органның тексеруіне келісімі көрсетілген коммуналдық тұрғын үй қорынан берілетін тұрғын үйге мұқтаж азаматтарды есепке қою туралы өтініш; 2) өтініш берушінің жеке басын куәландыратын құжат (өтініш берушінің жеке басын сәйкестендіру үшін ұсынылады) және өтініш берушімен үнемі бірге тұратын отбасы мүшелерінің (болған жағдайда) жеке басын куәландыратын құжаттардың көшірмелері; 3) азаматтық хал актілерін (туу, қайтыс болу, неке қию (ерлі-зайыпты болу), некені (ерлі-зайыптылықты) бұзу, бала асырап алу, әке (ана) болуды анықтау, атын, әкесінің атын және тегін өзгерту) мемлекеттік тіркеу туралы куәліктердің көшірмелері. Өтініш берушінің отбасы мүшелері деп басқа адамдар танылған жағдайларда, соңғылары оларды өтініш берушінің отбасы мүшелері деп тану туралы сот шешімінің көшірмесін ұсынады; 4) өтініш берушіде және онымен үнемі бірге тұратын отбасы мүшелерінде жылжымайтын мүліктің болмауы (болуы) туралы аумақтық әділет органының анықтамалары. Өтініш берушіде және/немесе оның өтінішке енгізілген отбасы мүшелерінде жеке меншік құқығында тұрғын үйдегі үлесі болған кезде құқық белгілеуші құжаттардың көшірмелері ұсынылады; 5) мекенжай анықтамасы не өтініш берушінің тұрғылықты тұратын жерi бойынша тiркелгенiн растайтын ауыл әкiмдерінiң анықтамасы; 6) халықтың әлеуметтік жағынан әлсіз топтарына жататын азаматтар қосымша өтініш берушінің (отбасының) халықтың әлеуметтік жағынан әлсіз топтарына жататынын растайтын құжатты, сондай-ақ отбасының әрбір мүшесіне (мүгедек балалары бар немесе оларды тәрбиелейтін отбасыларды қоспағанда) соңғы он екі ай ішіндегі табысы туралы мәліметтерді ұсынады; (еңбекақы, әлеуметтік төлемдер түрінде алынатын табыс; кәсіпкерлік және басқа да қызмет түрлерінен түсетін табыс; балаларға және басқа да асырауындағыларға алимент түріндегі табыс) 7) мемлекеттік қызметшілер, бюджеттік ұйымдардың қызметкерлері, әскери қызметшілер, арнаулы мемлекеттік органдардың қызметкерлері және мемлекеттік сайланбалы қызмет атқаратын адамдар жұмыс орнынан (қызметтен) анықтаманы қосымша ұсынады. Ғарышкерлікке кандидаттар, ғарышкерлер Қазақстан Республикасының Үкіметі беретін мәртебесін растайтын құжатты ұсынады; 8) жалғыз тұрғын үйі авариялық жағдайда деп танылған азаматтар жергілікті атқарушы органның тиісті анықтамасын ұсынады; 9) отбасы тұратын тұрғын үй белгіленген санитариялық-эпидемиологиялық талаптарға сай келмеген жағдайда, өтініш беруші санитариялық-эпидемиологиялық қызмет ұйымы жүргізген санитариялық-эпидемиологиялық сараптаманың нәтижелері бойынша халықтың санитариялық-эпидемиологиялық саламаттылығы саласындағы уәкілетті органның аумақтық бөлімшесі берген санитариялық-эпидемиологиялық қорытындының түпнұсқасын қосымша ұсынады; 10) отбасы тұратын тұрғын үй белгіленген техникалық талаптарға сай келмеген жағдайда, өтініш беруші сәулет, қала құрылысы және құрылыс қызметі саласындағы аттестатталған сарапшының техникалық қорытындысының (тұрғын үйді техникалық зерттеп-тексеру нәтижелері бойынша) түпнұсқасын қосымша ұсынады; 11) жапсарлас, оқшауланбаған тұрғын үй-жайларда екі және одан көп отбасы тұрып жатқан жағдайда, өтініш беруші өзі тұратын тұрғын үй-жайдың техникалық паспорты мен құқық белгілейтін құжатының көшірмелерін қосымша ұсынады; 12) отбасы құрамында кейбір созылмалы аурулардың ауыр түрлерімен ауыратын науқастар бар, бір үй-жайда (пәтерде) олармен бірге тұру мүмкін болмаған жағдайда өтініш беруші тиісті ауру түрін растайтын құжатты қосымша ұсынады.


20.11.2018

Гульфия

Сәлеметсізбе, сұрағым, неге 7ші маршрутты мост жабылғалы Алтын Алмамен айналдырып қрйды? Неге Карбышевамен жүргізбеске, уақытқа өте ұтымды.Қазір бұрын 30мин жүретін жұмысқа 1сағат жүреміз одан көп болады анда санда, Петровскийдің пробкасымен қосқанда.Беліміз сынып ,бір аяқпен тұрып әзер жетеміз жұмысқа, автобустың ішінде ауа жоқ! Карбышевада ешқандайда кептіліс жоқ! Халықтан сұрап шешім қабылдаңдаршиш кішкене.Рахмет.Менің сұранысым жауапсыз қалмайды деп өтінем

Ответ:

Құрметті Гульфия! Сіздің қала әкімінің блогына жазған өтінішіңізге орай келесіні хабарлаймыз. Мұнай базасы ауданындағы жол өтпелін қайта құру жұмыстарына байланысты қалалық 13 маршруттың қозғалыс сұлбасы өзгертілгендігін хабарлайды. Өзгертілген қозғалыс сұлбасы бойынша Карбышев көшесімен 11 маршрут саны жүргізу жоспарланып және бұл автокөлік жолы бойынша жолаушы көлігі, басқа да қалалық автокөліктер жүрісінің көптігінен қиындық тудырып, кептелістердің орын алуы жағдайына орай №4 және №7 маршруттары Шолохов көшесімен жүргізілгендігін хабарлайды. Егер осы қабылданған шешімге Сіз келіспеген жағдайда Қазақстан Республикасының 2007 жылғы 12 қантардағы №221 «Жеке және заңды тұлғалардың өтініштерін қарау тәртібі туралы» Заңының 12 бабына сәйкес, шағымдануға құқылы екендігін хабарлаймыз.


20.11.2018

Патчагулова Назгуль

Курметти кала акими. Сизден сурарым менин жолдасым 2007ж жерге тиркелипти.Сол кашан бериледи нестеуге болады биз жас отбасылымыз.Немесе баскалайда рети болса айтсаныз деймин отиниш. Осы отинишиме жауап берсениз.

Ответ:

Құрметті Назгуль! Сіздің қала әкімінің блогына жазған өтінішіңізге орай келесіні хабарлаймыз: Қазақстан Республикасының Жер Кодексіне және Қазақстан Республикасының «Жеке және заңды тұлғалардың өтiнiштерiн қарау тәртiбi туралы» Заңына сілтеме жасай отырып, Қазақстан Республикасының «Дербес деректер және оларды қорғау туралы» Заңына сәйкес Сізге тиесілі емес жер учаскесі туралы мәліметті беруге құқығымыз жоқ немесе бұл сұраныс сот органдарынан немесе адвокат конторынан болуы қажет.


19.11.2018

Фарида Адилгалиева

Салеметсизбе жер кезеги жонинде сурайын дегем егер жер кезегинде турган киси каза тапкан жагдайда .не истеиди . Менин анам кезекте тур бирак коз жумды енди не истеимиз. жолдасына аударама кезекти . аударса калай кимге жолыгады калай исьецге болады

Ответ:

Құрметті Фарида! Сіздің қала әкімінің блогына жазған өтінішіңізге орай келесіні хабарлаймыз: Бұдан бұрын Орал қаласының жер қатынастары бөлімі тарапынан Орал қаласының прокуратурасына қайтыс болған отбасы мүшелерінің орнына жақын туыстарын (ата-анасы, ұлы, қызы т.б.) арнайы есепке енгізуге болатынын немесе болмайтынын туралы хат жолдаған болатын. Орал қалалық прокуратурасының 2011 жылғы 28 наурыздағы № 9-13-11 хатында келелесіні мәлімдейді: Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Жеке тұрғын уй құрылысы үшін жер учаскелерін тегіне негізде азаматта жеке тұрғын үй құрылысы үшін мемлекет құқық табыстаған жер учаскесінің бар немесе жоқ екендігі ескеріледі. Қазақстан Республикасы Үкіметінің 2006 жылғы 1 тамыздағы N 726 Қаулысымен бекітілген Жеке тұрғын үй құрылысы үшін жер учаскелеріне құқық беру ережесін бекіту туралы Ереженің 9 тармағына сәйкес (әрі қарай-Ереже) жер учаскесін бөліп беру үшін алаңдар болмаған жағдайда комиссия жалпы тізімдегі кезек нөмірін көрсете отырып, жеке тұрғын үй құрылысы үшін жер учаскесін беру туралы өтінішті (қолдаухатты) арнайы есепке қою туралы қорытынды береді. Осы Ереженің 9-тармағында көрсетілген комиссия қорытындысының негізінде жеке тұрғын үй құрылысы үшін жер учаскесін беру туралы өтінішті (қолдаухатты) республикалық маңызы бар қаланың, астананың, ауданның (облыстық маңызы бар қаланың) жергілікті атқарушы органдары, кенттің, ауылдың (селоның ), ауылдық (селолық) округтің әкімдері арнайы есепке алады және комиссия қайтадан қарамай бөліп беруге арналған алаңдардың дайындалуына қарай қанағаттандырылады. Сонымен қатар қолданыстағы Жер Кодексі және жоғарыда аталған Ережеде қайтыс болған отбасы мүшелерінің орнына азаматтарды арнайы есепке енгізу қарастырылмаған. Бұған қоса арнайы есепке қабылданған жер учаскесін беру туралы өтініш мұраға қалмайды ....» Жоғарыда баяндалған негізде қайтыс болған отбасы мүшелерінің орнына жер учаскесі берілмейді. Сол себепті туындаған мәселені шешу үшін Сізге Сот органдарына жолығуыңызға болатындығын хабарлаймыз.


blog_akima