Әкім блогы

Сұрақ жауап

30.07.2018

Тлепбергенов Ержан

«Көктем» мөлтек ауданындағы М.Мөңкеұлы 856 үйдің тұрғындары тіркеуге тұра алмай жүр. Себебі ЦОН-ның базасында жоқ дейді.ЦОН БТИ-ға БТИ Акиматқа сілтейді

Ответ:

Құрметті Ержан! Бүгінгі таңда Сіздің сұрағыңыз бойынша Орал қаласы әкімдігі мен Орал қаласы, Көші қон полициясы бірлесе жұмыстанып, аталған олқылықтар бойынша жұмыстанып жатырғанын хабарлайды. Сондай-ақ, тіркелім сұрағы бойынша Сіз «Азаматтарға арналған Үкімет» МК, (мекенжайы: Орал қаласы, Жамбыл көшесі, 82/2-үй және Ч. Набережная көшесі, 84-үйге) жолыға аласыз.


24.07.2018

Бакаев Альбек

Сәлеметсізбе Мен, Бакаев Альбек Талгатұлы осы кезге дейін кезекте жоқпын. Бірақ Нұрлы Жер бағдарламасы бойынша жаңа үйге өтуге кезекке тұру үшін Жер кезегінде тұрған (2009.01.15) анамның кезегін өз атыма ауыстыруға бола ма?

Ответ:

Құрметті Альбек! Сіздің Орал қаласы әкімінің блогына жолдаған өтінішіңізге орай, жеке тұрғын үй салу үшін жер учаскесін алуға берген өтінішіңізді сыйға тарту, отбасы мүшелерінің орнына жақын туыстарын (ата-анасы, ұлы, қызы т.б.) арнайы есепке енгізу Қазақстан Республикасының Жер Кодексінде қарастырлмағандығын хабарлаймыз. Сонымен қатар, Сіз Орал қаласы бойынша жергілікті атқарушы органда (ЖАО) тұрғын үйге мұқтаж адамдардың кезегінде тұрған жоқсыз. Қазақстан Республикасының 1997 жылғы 16 сәуірдегі "Тұрғын үй қатынастары туралы" Заңының 74-бабының 2-тармағына сәйкес ауданның (облыстық маңызы бар қаланың, республикалық маңызы бар қаланың, астананың жергілікті атқарушы органдары мемлекеттік тұрғын үй қорынан тұрғын үй немесе жеке тұрғын үй қорынан жергілікті атқарушы орган жалдаған тұрғын үй берілуге мұқтаж адамдар есебінің дара (бөлек) тізімдерін жүргізеді: 1) Ұлы Отан соғысының мүгедектері мен қатысушылары; 1-1) жетiм балалар, ата-анасының қамқорлығынсыз қалған балалар; 2) осы Заңның 68-бабының 1-1)–5), 7)–11) тармақшаларында аталған халықтың әлеуметтік жағынан әлсіз топтары; 3) мемлекеттiк қызметшiлер, бюджеттiк ұйымдардың қызметкерлерi, әскери қызметшiлер, ғарышкерлікке кандидаттар, ғарышкерлер, арнаулы мемлекеттік орган қызметкерлеріне және мемлекеттiк сайланбалы қызмет атқаратын адамдар; 4) жалғыз тұрғын үйі Қазақстан Республикасының заңнамасында белгіленген тәртіппен авариялық жағдайда деп танылған азаматтар. Аталған Заңның 68-бабында Халықтың әлеуметтiк жағынан осал топтарына жататын азаматтар санаты көрсетілген. Халықтың әлеуметтiк жағынан осал топтарына: 1) Ұлы Отан соғысының мүгедектері мен қатысушылары; 1-1) Ұлы Отан соғысының мүгедектері мен қатысушыларына теңестірілген адамдар; 2) 1 және 2 топтағы мүгедектер (өздерi жасаған қылмыс салдарынан мүгедек болған адамдарды қоспағанда); 3) мүгедек балалары бар немесе оларды тәрбиелеушi отбасылары; 4) заңдарда белгiленген тәртiппен бекiтiлетiн аурулар тiзiмiнде аталған кейбiр созылмалы аурулардың ауыр түрлерiмен ауыратын адамдар; 5) жасына қарай зейнет демалысына шыққан зейнеткерлер; 6) кәмелетке толғанға дейiн ата-аналарынан айырылған жиырма тоғыз жасқа толмаған жетім балалар мен ата-анасының қамқорлығынсыз қалған балалар жатады. Мұндай адамдардың жасы әскери қызметке шақырылған кезде мерзiмдi әскери қызметтен өту мерзiмiне ұзартылады; 7) оралмандар; 8) экологиялық зiлзалалар, табиғи және техногендi сипаттағы төтенше жағдайлар салдарынан тұрғын үйiнен айырылған адамдар; 9) көп балалы отбасылар-(көп балалы отбасы - бiрге тұратын (уақытша басқа жақта жүргендердi қосқанда) кәмелетке толмаған төрт және одан да көп балалары бар отбасы); 10) мемлекеттiк немесе қоғамдық мiндеттерiн, әскери қызметiн орындау кезiнде, адам өмiрiн құтқару кезiнде, құқық тәртiбiн қорғау кезiнде қаза тапқан адамдардың отбасылары; 11) толық емес отбасылар жатады. 68, 74 - баптағы санаттарға сәйкес болған жағдайда, Сіз тұрғын үйге мұқтаж ретінде тұрғын үй алу кезегіне тұруға құқылысыз. Сондай-ақ, Қазақстан Республикасының "Тұрғын үй қатынастары туралы" Заңының 71-бабының 1-тармағына сәйкес мемлекеттiк тұрғын үй қорынан тұрғын үй немесе жеке тұрғын үй қорынан жергiлiктi атқарушы орган жалдаған тұрғын үй беруге болатын азаматтарды есепке алу тұрғылықты жерi бойынша ауданның жергiлiктi атқарушы органдарында жүзеге асырылады. Орал қаласы бойынша мемлекеттік тұрғын үй қорынан тұрғын үй алуға қалада тұрақты тіркелімі бар азаматтар кезекке тұра алады. Сондықтан, Сіз кезекке тұру туралы түсініктемені тұрғын үй және жекешелендіру секторынан мекенжайы: Орал қаласы (Фрунзе көшесі, 127/1-үй, қабылдау уақыты: жұмыс күндері сағ. 09.00-ден 18.30-ға дейін) және «Азаматтарға арналған Үкімет» МК, (мекенжайы: Орал қаласы, Жамбыл көшесі, 82/2-үй) ала аласыз. Сондай-ақ, "Нұрлы жер" бағдарламасына сәйкес 3 топ қарастырылып, Бағдарламаға қатысушыларға қойылатын тұрғын үйді өткізу тетігі төмендегідей: 1) I топ, оның ішінде: «ҚТҚЖБ желісі бойынша «Халықтың барлық санатына арналған тұрғын үй» бағыты бойынша – Заңның 68-бабының 2), 4), 10) тармақшаларын қоспағанда, Заңның 67-бабының 1-тармағының 1-1), 2), 3) тармақшаларында көзделген адамдар санатына жататын ЖАО-да кезекте тұрғандар; «Қазақстан ипотекалық компаниясы» ипотекалық ұйымы» акционерлік қоғамы бағыты бойынша – ЖАО-да кезекте тұрғандар, Заңның 67-бабының 1-тармағының 1-1), 2), 3) тармақшаларында көрсетілген тұлғалар санатына жататындар, атап айтқанда: көп балалы отбасылар; толық емес отбасылар; мүгедек балалары бар немесе тәрбиелеп отырған отбасылар; жетім балалар, ата-анасының қамқорлығынсыз қалған балалар. оралмандар; 1 және 2 топтағы мүгедектер; мемлекеттiк қызметшiлер, әскери қызметшілер, арнаулы мемлекеттік органдардың қызметкерлері, бюджеттiк ұйымдардың қызметкерлерi. Аталған бағыттың қатысушыларын қалыптастыру мынадай кіші топтар мен критерийлер бойынша жүргізіледі: 1-кіші топ – ЖАО-да осы санатта кезекте тұрғандар, кемінде 3 жыл некеде тұрған, балалары (баласы) бар және жұбайлардың екеуінің де жасы 35 жасқа толмаған (Бағдарламаға қатысуға өтініш беру сәтінде), сондай-ақ балаларды (баласы) жасы 35-ке толмаған, оның ішінде ажырасқан, жесір/тұл қалған ата-ананың бірі ғана тәрбиелеп отырған толық емес отбасы; 2-кіші топ – 1-кіші топқа кірмейтін, көрсетілген санаттағы ЖАО-да кезекте тұрғандар. 2) II топ: ҚТҚЖБ желісі бойынша «Халықтың барлық санатына арналған тұрғын үй» бағытына қатысушы халықтың барлық санаты; 3) III топ: мынадай талаптарға сәйкес келетін тұлғалар санаты: кемінде екі жыл некеде тұрған жас отбасы, жұбайлардың екеуінің де жасы 29-дан аспауы қажет (Бағдарламаға қатысуға өтініш беру сәтінде), сондай-ақ балаларды (баласы) жасы 29-ға толмаған, оның ішінде ажырасқан, жесір/тұл қалған ата-ананың бірі ғана тәрбиелеп отырған толық емес отбасы. Жоғарыда аталғандарды баяндай келе, бүгінгі таңда «Қазақстан ипотекалық компаниясы» ипотекалық ұйымы» акционерлік қоғамы арқылы тұрғын үйлер салынуда. Егер, III топ «Жас отбасылар» санаты бойынша жалдамалы тұрғын үй сатып алуға құжат қабылдау басталған жағдайда, бұқаралық ақпарат құралдары арқылы және қала әкімдігінің сайтына www.uralsk.gov.kz хабарландыру болып жарияланады.


19.07.2018

малтабарова замзагуль

Өтініш мәтіні жер телімінің кезегін білу

Ответ:

Құрметті Замзагуль! Сіздің 2008 жылғы 19 ақпандағы №М-265 жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз – 27820. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Бүгінгі таңда дайындалған тәптіштелген жоспарлау жобасының және инженерлік инфрақұрылымы тартылған алаңдардың болмауына байланысты жер учаскесін беру жұмыстары тоқтатылып тұр.Орал қаласы бойынша соңғы рет жеке тұрғын үй құрылысы үшін жер учаскелері 2012 жылы, 2004 жылдың 1 (бірінші) тоқсанында кезекке тұрған азаматтарға берілді. «Нұрлы жер» тұрғын үй құрылысы бағдарламасы бойынша Круглоозерное ауылдық округінде жеке тұрғын үй құрылысы үшін жер учаскесін алуға кезекте тұрған азаматтарға жер учаскесін беру үшін егжей-тегжейлі жоспарлау жобасы дайындалды. Алдымыздағы жылы жергілікті атқарушы органмен инженерлік инфрақұрылым өткізуге қаражат жоспарлануда. Инженерлік инфрақұрылым тартылған соң жеке тұрғын үй құрылысына кезек бойынша жер учаскелерін беру мәселе қарастырылатын болады.Сол себептен қай уақытта және қанша адамға берілетіндігі туралы толық ақпарат анықталып, БАҚ көздеріне жарияланатындығын хабарлаймыз. Сонымен қатар, жер кезегін Орал қаласы әкімдігінің www.uralsk.gov.kz сайтынан және мына мекенжай бойынша Орал қаласы, Достық-Дружба даңғылы, 182/1-үй, ашық әкімдік, 9-үстелден білуіңізге болады.


18.07.2018

Райымбек Шампаев

Ассаламуалейкум, алдыңғы қойған сұрағыма дұрыс түсінбеген сияқтысыздар.Жыл сайын Орал-Тасқала бағыты жол бойындағы қалалық қоқыс төгетін орынның басқа жаққа ауыстырылатын және қаладан алысырақ аумақтан арнайы полигоннан жер бөлінгендігі жөнінде айтылған болатын, сол қашан көшіріледі.Аталған қоқыс өртенбесе де жел сол бағыттан болғанда иіс келеді.Бүкіл қаланың қоқысы төгілетін орын неге қалаға жақын орналасқан,қашанғы қоқыс иісімен демаламыз, қашан көшіріледі соған жауап берсеңіздер?

Ответ:

Құрметті Райымбек! Қолданыстағы қатты тұрмыстық қалдықтар полигоны Орал-Саратов тас жолы бойынша қаладан 8 км жерде, 1975 жылы құрылған, жалпы ауданы 35,9 тыс.кв.м-ді құрайды, полигон құрылған күннен бастап 40 жыл өтті. 2000 жылы аталған полигон қолдану ұзақтылығы 2025 жылға дейін ұзартылды. Жылына көмелі жағынан ұлғаю көрсеткіші жылына 0,6% артады. 2017 жылы ҚТҚ полигоны сенімерлік басқарумен «АйСиЭм Ресайклинг» ЖШС-не берілді. «АйСиЭм Ресайклинг» ЖШС-не полигон сенімгерлік басқаруға берілді. Ағылдағы жылдың екінші жартыжылдығында «АйСиЭм Ресайклинг» ЖШС-гі қатты тұрмыстық қалдықтарды сұрыптау линиясын салу жұмыстары дайындалуда. 2017 жылы БҚО Орал қаласындағы жаңа қатты тұрмыстық қалдықтар полигоны құрылысына техникалық-экономикалық негіздемесі дайындалды. Ағымдағы жылы аталған жана полигон техникалық-экономикалық негіздемесіне мемлекеттік сараптамадан өткізу жоспарлануда.


12.07.2018

Шампаев Райымбек

Ассаламуалейкум, мен Зашаған кентінің тұрғынымын, атап айтқанда ПДП-8,9 аумағында қысы-жазы бітпейтін түтін, Орал-Саратов тас жолы бойында орналасқан қалалық қоқыс төгетін орын өртеніп соның иісі аталған аумаққа қатты таралады,жазғы мезгілде терезе аша алмаймыз, жыл сайынғы есеп беру жиналыстарда осы мәселені Зашаған тұрғындары талай мәрте көтерген болатын,нәтиже жок. Бір естігенім сол қазіргі қоқыс төгетін орынның уақыты бітті басқа полигонға ауыстрамыз деген. Бұл қолқаны қабатын түтін иісінен қашан құтыламыз. Рахмет!

Ответ:

Құрметті Райымбек! Сіздің орал каласы әкімінің блогына жазған өтінішіңізге орай келесіні хабарлаймыз, Орал қаласының тұрмыстық-қатты қалдықатар полигоны аумағындағы өздігінен өртену салдарымен күресуге 10 данадан астам техника жұмылдырылды, оны ішінде 2 погрузчик, 1 экскаватор, 1 бульдозер, 6 самосвал. Кәзірге таңда полигондағы өрт сөндірілді және де «АйСиЭм Ресайклинг» ЖШС-не атаған мәселе бойынша өрт салдарын болдырмау жұмыстарын қолға алу қажеттілігі қаперіне салынды.


12.07.2018

Шампаев Райымбек

Ассаламуалейкум, мен Зашаған кентінің тұрғынымын, атап айтқанда ПДП-8,9 аумағында қысы-жазы бітпейтін түтін, Орал-Саратов тас жолы бойында орналасқан қалалық қоқыс төгетін орын өртеніп соның иісі аталған аумаққа қатты таралады,жазғы мезгілде терезе аша алмаймыз, жыл сайынғы есеп беру жиналыстарда осы мәселені Зашаған тұрғындары талай мәрте көтерген болатын,нәтиже жок. Бір естігенім сол қазіргі қоқыс төгетін орынның уақыты бітті басқа полигонға ауыстрамыз деген. Бұл қолқаны қабатын түтін иісінен қашан құтыламыз. Рахмет!

Ответ:

Құрметті Райымбек! Сіздің орал каласы әкімінің блогына жазған өтінішіңізге орай келесіні хабарлаймыз, Орал қаласының тұрмыстық-қатты қалдықатар полигоны аумағындағы өздігінен өртену салдарымен күресуге 10 данадан астам техника жұмылдырылды, оны ішінде 2 погрузчик, 1 экскаватор, 1 бульдозер, 6 самосвал. Кәзірге таңда полигондағы өрт сөндірілді және де «АйСиЭм Ресайклинг» ЖШС-не атаған мәселе бойынша өрт салдарын болдырмау жұмыстарын қолға алу қажеттілігі қаперіне салынды.


09.07.2018

Бисембиева Таңнұр Тұраққызы

Жер кезегі кезекті тоқсан сайын өзгермейді,неге?Жылдын басында калай тұр солай тұр

Ответ:

Құрметті Таңнұр! Сіздің 2010 жылғы 29 сәуірдегі №Б-120 жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз– 47313. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Бүгінгі таңда дайындалған тәптіштелген жоспарлау жобасының және инженерлік инфрақұрылымы тартылған алаңдардың болмауына байланысты жер учаскесін беру жұмыстары тоқтатылып тұр.Орал қаласы бойынша соңғы рет жеке тұрғын үй құрылысы үшін жер учаскелері 2012 жылы, 2004 жылдың 1 (бірінші) тоқсанында кезекке тұрған азаматтарға берілді. «Нұрлы жер» тұрғын үй құрылысы бағдарламасы бойынша Круглоозерное ауылдық округінде жеке тұрғын үй құрылысы үшін жер учаскесін алуға кезекте тұрған азаматтарға жер учаскесін беру үшін егжей-тегжейлі жоспарлау жобасы дайындалды. Алдымыздағы жылы жергілікті атқарушы органмен инженерлік инфрақұрылым өткізуге қаражат жоспарлануда. Инженерлік инфрақұрылым тартылған соң жеке тұрғын үй құрылысына кезек бойынша жер учаскелерін беру мәселе қарастырылатын болады.Сол себептен қай уақытта және қанша адамға берілетіндігі туралы толық ақпарат анықталып, БАҚ көздеріне жарияланатындығын хабарлаймыз. Сонымен қатар жер кезегін Орал қаласы әкімдігінің www.uralsk.gov.kz сайтынан және мына мекенжай бойынша Орал қаласы, Достық-Дружба даңғылы, 182/1-үй, ашық әкімдік, 9-үстелден білуіңізге болады.


09.07.2018

Мурадым Батыргалиев

Саламатсыз ба?.Астана 9 шағынауданы жанындағы Еуропа кафесі өртенгенін білесіздер!.Енді сол кафені тұрғындардың қарсылығына қарамастан,қайтадан жасап жатыр.Ол аз дегендей Назель магазинінің жанынан монша салуда!.9-үйдің қарсы бетінен пекарныйдың құрлысы басталғалы тұр.Сонда 9 үйдің тұрғындары көк түтін мен жағымсыз иістің ортасында қалайын деп тұр.Экологиялық жағдай мүлдем ескерілмей отыр.80 патерлік тұрғын үйдің адамдарына өте қолайсыз!.Мен өзім бирінші этажда тұрамын.Терезе ашып ауа жұту мүмкін емес.Күндіз -түні иіс.Үйде үлкен кісі,кішкентай балалар бар!.Сондықтан мен талап етемін!Құрлыс жұмыстарының тоқтатылуын!Бұрын да,бұл маселе туралы жазғанмын.Натиже жоқ!.Егер де енді натиже шықпаса жоғарыға жазып шағымданатынымды ескертемін!.Өйткені менде зиянды ауаны жұтып отыратын денсаулығым да,емделетін қаражатым да жоқ!.арине жеке касипкерлікке қарсылығым жоқ,салсын бизнесін жасасын!Бирақ айналадағы адамдарға қолайлы болуын ескерсін!Сиздеден жауап күтемін!

Ответ:

Құрметті Мурадым! Сіздің Орал қаласы әкімінің блогына жолдаған өтінішіңізге келесідей хабарлаймыз. Астана ш/а, 9/1 мекен жайындағы «Еуропа» кафесін салудың заңдылығына байланысты сұрағыңызға, құрылысшы А.Басарованың барлық заңды құжаттары бар екендігінін және екінші қабаттағы ғимараттың құрылысына Орал қаласы сәулет және қала құрылысы бөлімімен рұқсат берілгендігін мәлімдейміз. Астана ш/а, 4N1 «НазЭл» сауда үйі жанындағы жүргізіліп жатырған құрылыс жөнінде келесі анықтама ұсынамыз, «НазЭл» ЖШС сауда үйі сол ауданның бекітілген ЕТЖ-на сәйкес және барлық рұқсат құжаттарымен спорттық-сауықтыру кешенінің құрылысын жүргізуде. Астана ш/а «Мастер» сауда үйі артындағы наубайхана құрылысы заңнамаға сәйкес жүргізіліп жатырғанын және жеке кәсіпкерде қажетті құжаттар мен рұқсаттар бар екенін хабарлаймыз.


09.07.2018

Абишева Гулшат

2004 жылы 3 тамызда жер участкесіне кезекке турдым қай уақытта жер беріледі

Ответ:

Құрметті Гүлшат! Сіздің 2004 жылы 04 тамыздағы №Э-6 жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз – 1700. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». «Нұрлы жер» тұрғын үй құрылысы бағдарламасы бойынша Круглоозерное ауылдық округінде жеке тұрғын үй құрылысы үшін жер учаскесін алуға кезекте тұрған азаматтарға жер учаскесін беру үшін егжей-тегжейлі жоспарлау жобасы дайындалды. Алдымыздағы жылы жергілікті атқарушы органмен инженерлік инфрақұрылым өткізуге қаражат жоспарлануда. Инженерлік инфрақұрылым тартылған соң жеке тұрғын үй құрылысына кезек бойынша жер учаскелерін беру мәселе қарастырылатын болады.Сол себептен қай уақытта және қанша адамға берілетіндігі туралы толық ақпарат анықталып, БАҚ көздеріне жарияланатындығын хабарлаймыз. Сонымен қатар жер кезегін Орал қаласы әкімдігінің www.uralsk.gov.kzсайтынан және мына мекенжай бойынша Орал қаласы, Достық-Дружба даңғылы, 182/1-үй, ашық әкімдік, 9-үстелден білуіңізге болады.


03.07.2018

Венера Бакишева

Салеметсизбе мен 2015жылы жер кезегине турып едим нешинши болып тур екем жанеде берилеме екен торт баламен патер жалдап турамыз сол жагын карастырып берсениз

Ответ:

Құрметті Венера! Сіздің 2015 жылы 26 қазандағы №Б-8617 жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз – 67217. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». «Нұрлы жер» тұрғын үй құрылысы бағдарламасы бойынша Круглоозерное ауылдық округінде жеке тұрғын үй құрылысы үшін жер учаскесін алуға кезекте тұрған азаматтарға жер учаскесін беру үшін егжей-тегжейлі жоспарлау жобасы дайындалды. Алдымыздағы жылы жергілікті атқарушы органмен инженерлік инфрақұрылым өткізуге қаражат жоспарлануда. Инженерлік инфрақұрылым тартылған соң жеке тұрғын үй құрылысына кезек бойынша жер учаскелерін беру мәселе қарастырылатын болады.Сол себептен қай уақытта және қанша адамға берілетіндігі туралы толық ақпарат анықталып, БАҚ көздеріне жарияланатындығын хабарлаймыз. Сонымен қатар жер кезегін Орал қаласы әкімдігінің www.uralsk.gov.kz сайтынан және мына мекенжай бойынша Орал қаласы, Достық-Дружба даңғылы, 182/1-үй, ашық әкімдік, 9-үстелден білуіңізге болады.


03.07.2018

водитель 103

бізде жедел жәрдем станциясында 30дан астам жургізуші қысқартып жатыр. шындыгында казіргі танда жүргізушілер жетпей кунде жумыска шығып жур. Ембек демалысында жүрген жургізушілерді де жумыска шақыртып жатыр. вызовтар 2-3сагатка кешігіп барамыз. бұрын 23 бригада болса казіргі танда 17ге дейін қысқартты. бұрын қалалық жедел жәрдем болғанда ембек ақымызды уақытында алатынбыз, дефоплата дегенде болатын. мейрам күндері премия алатынбыз. қазір Облыстық жедел жәрдем болғалы жалақымызды кешіктіріп және екіге бөліп беретін болды премия жане дефоплата дегенді мүлде ұмыттық осынын барлығы заңдыма біліп беруінізді сураймыз

Ответ:

Құрметті қала тұрғыны! Сіздің Орал қаласы әкімінің блогына жолдаған өтінішіңіздегі сұрағыңыз қала әкімдігінің кұзыретіне кірмегендіктен Батыс Қазақстан облысының денсаулық сақтау басқармасына қарау үшін жолданды. Батыс Қазақстан облысының денсаулық сақтау басқармасы «Водитель 103» авторынан түскен шағымды қарастырып, келесіні хабарлайды. «103» пультіне келіп түскен барлық шақыртулар 4 жеделділік санатына (4 категории срочности) бөлінеді. 1-3 жеделділік санатының шақыртулары шұғыл болып табылады (10 минуттан 30минутқа дейін), 4-ші жеделділік санатының шақыртулары кезек күттірмейтін шақыртулар санатына жатады (неотложная медицинская помощь) және бір сағаттың ішінде (60 минут) қызмет көрсетіледі. 4-ші жеделділік санатының шақыртуларының басым бөлігі қала емханаларының жанындағы кезек күттірмейтін көмек қызметіне жолданады. Жедел медициналық жәрдем жұмысын оңтайландыру мақсатында бригадаларды 25-тен 18-ге дейін қысқартылды. Қазіргі уакытта қала бойынша әр ауысымда 18 жедел бригадасы және 8 медициналық алғашқы санитарлық көмек жанындағы кезек күттірмейтін бригада (в поликлиниках) жұмыс істейді (барлығы 26 бригада). Шақыртуларға 2-3 сағатқа кешігіп бару ақпараты анықталмады. Еңбек демалысында жүрген 10 жүргізушілер өздерінің келісімдерімен жұмысқа қайта шақыртылғаны анықталды. Ағымдағы жылдың наурыз айынан бастап «Медициналық әлеуметтік сақтандыру қоры» тарапынан қаржыландыру бойынша кідірістер болғандықтан, еңбекақының 50%-ын айдың аяғына дейін, қалған 50%-ын Ұжымдық шартқа сәйкес келесі айдың 10-ына дейін төленіп отыр. Қаржыландырудың жетіспеулігіне байланысты кредиторлық берешектер қалыптасып, ынталандыру (дифференцированная оплата) және сыйақы (премия) төлеу мүмкіндіктері болмай тұр. Облыстық жедел медициналық жәрдем станциясында қалыптасқан жағдайлар бойынша облыс әкімдігі мен денсаулық сақтау министрлігіне хат жолданғанын хабарлаймыз.


03.07.2018

Аягоз Габбасова

Салеметсизбе?! Токай кошесине биыл ремонт жургиледиме жокпа? Параллель жаткан кошелерде ремонт жургизилди биздин коше неге калып кетти? Алдын ала рахмет!

Ответ:

Құрметті Аягоз! Сіздің қала әкімінің блогына жазған өтінішіңіздегі Ғ.Тоқай көшесінің жолы, «Орал қаласындағы Достық даңғылы бойындағы Е.Пугачев көшесінен М.Мәметова көшесіне дейін автомобиль жолын күрделі жөндеу» нысанының жобалау-сметалық құжаттамасына сәйкес Достық-Дружба даңғылымен 50 метр қиылысатын жолы қарастырылған. Бүгінгі таңда, аталған нысан бойынша Достық-Дружба даңғылымен Ғ.Тоқай көшесінің қиылыс жол жұмысы аяқталғандығын каперіңізге саламыз. Сонымен қатар Ғ.Тоқай көшесі бойынша ағымдағы жөндеу жүргізу мүмкіндігі қарастырылатын болады. Егер осы қабылданған шешімге Сіз келіспеген жағдайда ҚР 12.01.2007 жылғы №221 «Жеке және заңды тұлғалардың өтініштерін қарау тәртібі туралы» Заңының 12 бабына сәйкес, шағымдануға құқылысыз.


02.07.2018

Сатканов Ертилеу

Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады» делінген. Менің 2004 жылы №С-601 жеке тұрғын үй құрылысына жер учаскесін алу үшін тапсырған өтінішім арнайы есепте тіркелген. Қазіргі уақытта арнайы есептегі кезегім – 2280. содан бері мне 14 жылдай уақыт өтті. енді қанша уақыт күтуге тура келеді? нақты жауапты кім бере алады?

Ответ:

Құрметті Ертилеу! Сіздің 2004 жылы 08 қыркүйектегі №С-601 жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз – 2280. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». «Нұрлы жер» тұрғын үй құрылысы бағдарламасы бойынша Круглоозерное ауылдық округінде жеке тұрғын үй құрылысы үшін жер учаскесін алуға кезекте тұрған азаматтарға жер учаскесін беру үшін егжей-тегжейлі жоспарлау жобасы дайындалды. Алдымыздағы жылы жергілікті атқарушы органмен инженерлік инфрақұрылым өткізуге қаражат жоспарлануда. Инженерлік инфрақұрылым тартылған соң жеке тұрғын үй құрылысына кезек бойынша жер учаскелерін беру мәселе қарастырылатын болады.Сол себептен қай уақытта және қанша адамға берілетіндігі туралы толық ақпарат анықталып, БАҚ көздеріне жарияланатындығын хабарлаймыз. Сонымен қатар жер кезегін Орал қаласы әкімдігінің www.uralsk.gov.kzсайтынан және мына мекенжай бойынша Орал қаласы, Достық-Дружба даңғылы, 182/1-үй, ашық әкімдік, 9-үстелден білуіңізге болады.


29.06.2018

Саягул

Саламатсыз ба?Мен Орал қаласы, Ақжайық ауданы, Ақсуат ауылында тұрамын. Жасым 23те. Каладан мемлекеттен берилетин тегин жер болса тиркелгим келеди. Калай тиркелсем болады?

Ответ:

Құрметті Саягул! Жеке тұрғын үй құрылысы үшін жер учаскесін алу үшін Орал қаласы, Достық-Дружба даңғылы, 182/1-үй, ашық әкімдік, 12 үстелге, дүйсенбі мен бейсенбі аралығында сағат 09:00-ден 16:00 дейін Орал қаласы әкімі атына өтініш жазуыңыз қажет және өтінішке жеке куәлік көшірмесі қоса тапсырылады. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепк е алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады».


29.06.2018

Кошаханова Альфира

Сәлеметсіз бе аса құрметті әкім мырза. Мен көпбалалы анамын. Үш қыз, бір ұлым бар. Мен Макаров ЖОББМ 10 жылға жақын мұғалім қызметін атқарамын. Жолдасым жұмыссыз. Қазіргі кезде бір жалақыға күн көру қиындау. Үкімет тарапынан көп балалы отбасы ретінде және жолдасымды жұмысқа орналастыруға қандай да бір көмек көрсетілсе алғысым шексіз. Осы хатым ескерусіз қалмайды деген үміттемін. Рахмет.

Ответ:

Құрметті Альфира! Сіздің өтінішіңізде көрсетілген мәселелер қала әкімдігінің құзіретіне кірмейтіндіктен, тіркелген мекен-жайыныз бойынша Зеленов аудандық әкімдігіне жолығуыңыз сұралады.


25.06.2018

Айкун Тлеген

Құрметті Алтай Сейдірұлы!  Сіздің келуіңізбен қаламыздың көптеген көшелері жөнделіп,жолдарымыздың жағдайы жақсарып,Оралымыз көркейіп жатыр.Ол үшін сізге мың алғыс!Осы орайда сізге айтар кішігірім тұрғындарыңыздың өтініші де бар. Қазіргі уақытта Неусыпова көшесіне жөндеу жүргізіліп жатырған кезде, сол көшені кесіп өтетін М.Маметова көшесінің соңына дейін жолын жөндеуіңізді сұраймыз, күз,көктем жалпы балшық,жаңбыр кездерінде бұл жермен жаяу жүру мүмкін емес. Кішкентай балаларымызды мектепке,балабақшаға апарар кезде қиын аяғымызды басар құрғақ жер болмайды, сол себепті таксимен жүруімізге тура келеді. Ал үнемі таксимен жүруге қаражатымыз да жеткіліксіз. Жолдың жағдайы да қанағаттанарлық шоқалақ,кедір-бұдырлығы көліккеде зиянын тигізеді. Тек кішкене жеріне ғана асфальт төселсе деген осы көше тұрғындарының өтініші еді. Ең болмағанда М.Маметова 3,мекен-жайға дейін жөндеп, қаперіңізге алсаңыз нұр үстіне нұр болар еді. Бұл өтінішімізді қарап,жолға қалдырмайды деп үміттенеміз!

Ответ:

Құрметті Айкун! Сіздің өтінішіңізді қарай келе, Орал қаласының әкімдігі, бүгінгі таңда «Орал қаласының Неусыпова көшесінен Петровский көшесіне дейінгі М.Мәметова көшесінің автокөлік жолын күрделі жөндеу» нысаны бойынша жөндеу жұмыстары жүргізіліп жатырғандығын хабарлайды. Аталған нысан бойынша жұмыстар сараптаманың оң қорытындысын алған жобаға сәйкес жүргізіліп жатыр. Жобамен Мәметова көшесінің Сізбен көрсетілген учаскесін жөндеу бойынша жұмыстары қарастырылмағандығын қосымша хабарлаймыз. Сондай-ақ, Сізбен көрсетілген учаскесіне Маметова көшесінен кесіп алынған ескі асфальт материалы төселетіндігін мәлімдейміз. Егер осы қабылданған шешімге Сіз келіспеген жағдайда ҚР 12.01.2007 жылғы №221 «Жеке және заңды тұлғалардың өтініштерін қарау тәртібі туралы» Заңының 12 бабына сәйкес, шағымдануға құқылы екендігін хабарлаймыз.


20.06.2018

Изгалиев Ардак

жер телімі тізімінде бармын ба

Ответ:

Құрметті Ардақ! Сіздің 2007 жылы 08 мамырдағы № И-445 жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз – 13692. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Сонымен қатар жер кезегін Орал қаласы әкімдігінің www.uralsk.gov.kz сайтынан және мына мекенжай бойынша Орал қаласы, Достық-Дружба даңғылы, 182/1-үй, ашық әкімдік, 9-үстелден білуіңізге болады.


19.06.2018

Тасбулатова Райгуль

Салеметсизбе! Мен уш баламен дачада турамын Желаевта, жолдасыммен турмаймын, ол еш комектеспейды, алиментке бердим, толемей жатыр, биздин уйымиз жок, биреудин дачасында турып жатырмыз, аке-шешем, инилерим, тар жер, кейде коше кезип кангып кеткин келеды, шаршадым, олармен дурыс тил табыса алмай каламыз, амал жок, баратын жер жок, переметныйда уйде тек бир баламен кезекте турмын, каз уш бала, отинемин кезегимды тезирек жылжытуга боламекен, жане балам биыл тортке толады, Алла косса, балабакшага беретин каражат жок, соган комек боламекен? Рахмет.

Ответ:

Құрметті Райгуль! Сіздің өтінішіңізде көрсетілген мәселелер қала әкімдігінің құзіретіне кірмейтіндіктен, тіркелген мекен-жайыныз бойынша Зеленов аудандық әкімдігіне жолығуыңыз сұралады.


19.06.2018

Алмас Молдашев

Киров паркіне отбасыммен жексенбі сайын демалуға келу мүмкін емес. Жексенбі сайын жергілікті полиция қызметі жолды жауып тұрады, екі кішкентай балам бар, паркке кіру мүмкін емес. машинаны 2 км жерге тастап жаяу келу керек екі баланы құшақтап. Кірер жерде полиция қызметкерлері адамдарды таңдап кіргізеді. Айтқанды түсінбейді екі кішкентай баланы көтеріп келіп, шығарда көтеріп қайту оңай емес. Демалыс емес бір жұмыс жасап келгендей. Жолды жабатын болса ешқандай машинаны кіргізбесін не болмаса жолды тіптен жаппасын.

Ответ:

Құрметті Алмас! Сіздің Орал қаласы әкімінің блогына жазған өтінішіңізге орай келесіні хабарлаймыз, 2018 жылдың мамыр айынан бастап 11 тамызға дейін Қазақстан Республикасы бойынша футболдан премьер–лига чемпионаты өтуіне байланысты «Ақжайық» ФК ЖШС-нен хат келіп түсті, осыған орай қоғамдық қауіпсіздікті және жол қауіпсіздігін сақтау, көлік кептелісінің алдын алу мақсатында Кусайынов – Даумов көшелерінің қиылысы жабылатынын мәлімдей отырып, тек тұрғылықты мекенжайы, яғни үйі сол аймақтағы тұлғаларға және «Ақжайық» ЖШС футбол клубының қызметкерлеріне кіруге рұқсат берілетінін хабарлаймыз. Сонымен қатар, Киров саябағына кіру үшін Телецентр бағытындағы Рысқұлбеков – Садықов көшелерінің қиылысындағы жүру жолының ашық екенін қаперіңізге береміз.


18.06.2018

Конисбаева Гулжамал

Салеметсизбе!мен жана интернеттен жаналыктан корип отырмын.бесплатно уй берилип жатыр деп жазылган.дакументти Акимат или egov пен толтырынз деп.Мен бирак egov ка кирдим.бирак дымм тусинбедим.нени басп киретини билмедим.Енди мен негизи Неполные семямен турмын уй кезегинде.Маган уй берилемекен.3 балам бар.уй берилсе кайда жакндап дакумент жинасам болат????ответ кутемин.

Ответ:

Құрметті Гүлжамал! Сіз 2017 жылы 25 шілдеде «Толық емес отбасылардың» тізіміне кезекке алынғансыз. Бүгінгі таңдағы кезектегі нөміріңіз- 6581. Қазақстан Республикасының 1997 жылғы 16 сәуірдегі "Тұрғын үй қатынастары туралы" Заңының 74-бабының 1,3-тармақтарына сәйкес мемлекеттік тұрғын үй қорынан тұрғын жай нақты елді мекенде тұрақты тұратын және халықтың әлеуметтік жағынан қорғалатын, табысы аз, мұқтаж топтарына жататын азаматтарға барлық қажетті құжаттарымен бірге өтініші тапсырылған кезден тізімде белгіленген кезек ретімен беріледі. Көрсетілген тізімдерге енгізілген азаматтардың құқықтары тең деп танылады. Егер осы Заңда өзгеше көзделмесе, мемлекеттік тұрғын үй қорынан тұрғын үйді немесе жеке тұрғын үй қорынан жергілікті атқарушы орган жалдаған тұрғын үйді алуға осы тізімдерге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетiм балаларды, ата-анасының қамқорлығынсыз қалған балаларды қоспағанда, ешкімнің де басым құқығы болмайды. Жасақтағы пәтер Сізге заң жүзінде кезек бойынша берілетінін хабарлай отырып, сондай-ақ, "Нұрлы жер" бағдарламасына сәйкес 3 топ қарастырылып, Бағдарламаға қатысушыларға қойылатын тұрғын үйді өткізу тетігі төмендегідей: 1) I топ, оның ішінде: «ҚТҚЖБ желісі бойынша «Халықтың барлық санатына арналған тұрғын үй» бағыты бойынша – Заңның 68-бабының 2), 4), 10) тармақшаларын қоспағанда, Заңның 67-бабының 1-тармағының 1-1), 2), 3) тармақшаларында көзделген адамдар санатына жататын ЖАО-да кезекте тұрғандар; «Қазақстан ипотекалық компаниясы» ипотекалық ұйымы» акционерлік қоғамы бағыты бойынша – ЖАО-да кезекте тұрғандар, Заңның 67-бабының 1-тармағының 1-1), 2), 3) тармақшаларында көрсетілген тұлғалар санатына жататындар, атап айтқанда: көп балалы отбасылар; толық емес отбасылар; мүгедек балалары бар немесе тәрбиелеп отырған отбасылар; жетім балалар, ата-анасының қамқорлығынсыз қалған балалар. оралмандар; 1 және 2 топтағы мүгедектер; мемлекеттiк қызметшiлер, әскери қызметшілер, арнаулы мемлекеттік органдардың қызметкерлері, бюджеттiк ұйымдардың қызметкерлерi. Аталған бағыттың қатысушыларын қалыптастыру мынадай кіші топтар мен критерийлер бойынша жүргізіледі: Егер, Бағдарламалар санаты бойынша жалдамалы тұрғын үй сатып алуға құжат қабылдау басталған жағдайда, бұқаралық ақпарат құралдары арқылы және қала әкімдігінің сайтына www.uralsk.gov.kz хабарландыру болып жарияланады. Қосымша: Бүгінгі таңда Орал қаласы тұрғын үй қорында бос пәтерлердің болмауына орай, Сізге уақытша пәтер беруге мүмкіндік жоқ екенін хабарлаймыз.


blog_akima