Әкім блогы

Сұрақ жауап

23.11.2017

Амангалиев Кайырбек

2008 жылдың 5 маусымында жеке тұрғын үй қырылысын жүргізу үшін жер алушылар кезегіне тұрдым. Қазіргі жағдайда нақты кезегімнің нешінші екендігін анықтап, жазбалай жауап беруіңізді сұраймын.Мекенжайым Сырым ауданы, Жымпиты ауылы, С.Сейфуллин көшесі №27. Пошталық инд. 090900

Ответ:

Құрметті Қайырбек! Сіздің 2008 жылы 5 маусымдағы №А-42 жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз – 31600. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Сонымен қатар, жер кезегін Орал қаласы әкімдігінің www.uralsk.gov.kz сайтынан және Орал қаласы, Достық-Дружба даңғылы, 182/1-үй, ашық әкімдік, 9-үстелден білуіңізге болады


21.11.2017

Сапиев Тілекқабыл Жанатұлы

Сəлеметсізбе! Менім Сұрағым Евразия 102 Үйі Не Лифт Жасамайды, Төбемізден Су Ағып Тұр, Газ Құбырлары Дұрыс Өткізілмеген, Балалар Ойнайтын Жер Жоқ Шығатын Алғы Жақ Жыл Сайын Суға Толы Осыны Реттесеніз Өтініш.

Ответ:

Құрметті Тілекқабыл Жанатұлы! Орал қаласы әкімінің блогына жазған өтінішіңізге орай, Орал қаласы Еуразия даңғылында орналасқан 102 үйдің екі лифтісі 1998 жылдан бастап жұмыс жасамайды. Лифтінің жасамау себебі толықтау машина бөлмесінде қондырғылар ұрланған. ҚР-ның 1997 жылғы 16 сәуiрдегi N 94 Тұрғын үй қатынастары туралы заңы 2-бабының 24 тармағы бойынша ортақ мүлік - дара (бөлек) меншіктегі үй-жайлардан басқа, кондоминиум объектісінің бөліктері (абаттандыру элементтерін және ортақ пайдаланылатын басқа да мүліктерді қоса алғанда, кіреберістер, баспалдақтар, лифтілер, төбелер, шатырлар, подвалдар, пәтерден тыс не үйге ортақ инженерлік жүйелер мен жабдықтар, абоненттік почта жәшіктері, жер учаскесі) жататынын хабарлаймыз. Сондай-ақ, жеке үйлердің ішіндегі инженерлік жүйелерге күрделі жөндеуге байланысты өтінішін қанағаттандыруға мүмкіндік жоқ, себебі қазіргі уақытта қолданыстағы заңнамаға сәйкес бюджеттік классификацияда жеке тұрғын үйлерге жөндеу жасау бағдарламасы қарастырылмаған. Соған байланысты ҚР Үкіметімен 2011 жылы 30 сәуірде №473 қаулысы бойынша «Тұрғын үй коммуналдық шаруашылығын жаңғырту және дамыту 2011-2020 ж.ж.» арналған бағдарламасы бекітілді. Тек осы бағдарлама арқылы өзіңіздің тұрып жатырған көп қабатты тұрғын үйіңіздің ортақ мүлікке жататын жерлерді жөндеу жұмыстарын жүргізуге болатындығын мәлімдейміз (шатыр, лифт, инженерлік желілер, қасбет және т.б.) Сонымен қатар, 2018 жылы ауланы абаттандыру жұмыстары жүргізілетіндігін хабарлайды.


20.11.2017

Сисенгалиева Жанайым

Саламатсызба!!!2007 жылдан бери уйге кезекте тур едим,нешинши болып турганымды билсем бола ма? Кашан бериледи екен?

Ответ:

Құрметті Жанайым! Сіз Орал қаласының ТҮКШжТҮИ-ң тұрғын үй және жекешелендіру секторында тұрғын үйге мұқтаждар кезегінде есепте тұрған азаматтар тізімінде жоқсыз. Сондықтан, Сіз толық құжаттарыңызбен тұрғын үй және жекешелендіру секторына келуіңіз сұралады. Мекенжайы: Орал қаласы (Некрасов көшесі, 30/1-үй, қабылдау уақыты: жұмыс күндері сағ. 09.00-ден 18.30-ге дейін) .


20.11.2017

Сагиева

Сәлеметсіздерме әкім мырзалар!Бұдан біраз уакыт бұрын сіздерден көмек сұрап жазған болатынмын.Жоғарыда сіздерден келген жауаптарыңызбен де оқып,таныстым. Сұрағым: Біздің шағын ауданға тас жол салу алдағы жоспарларымызда бар дегенсіздер. Биыл күз басталган кезде Радлов,10коше,т.б көшелерге жол жұмыстарын бастап,бітірместен солай тастап кетті.Бұл енді бұрынғыданда жағдайымызды қиындата түсті.Автобус мүлдем кірмейді.Таңмен жұмысқа,балабақшаға,мектепке бару ең үлкен проблемаға айналды.Ең болмаса осы топырақ төсеген жолымызды тегістеп,пресстеп ,автобус жүре алатындай жағдайға келтіріп беруіңізді сұраймын.Жалғыз менің емес,бүкіл көше тұрғындарының ең басты мәселесі.Сіздерден жауап күтемін.Бұл қиындап тұрған мәселеміздің шешімі болады деген үміттемін.Алдымыз қыс,соған қатты алаңдаймыз.

Ответ:

Құрметті Бибигүл! Сіздің қала әкімінің блогына жазған өтінішіңізге орай, Зачаган кентіндегі Радлов және 10-көшеде қоғамдық көлік қозғалысын қамтамасыз ету мақсатында ағымдағы жөндеу жұмыстары жүргізіліп жатырғанын хабарлаймыз. Қолайлы ауа-райы орнаған кезде аталған көшелер тегістеліп, қоғамдық көлік қозғалысы қалыпты бағытымен жүретін болады. Сонымен қатар, Орал қаласының әкімдігімен ағымдағы жылы «БҚО, Орал қаласы Зачаган кентіндегі Балауса шағынауданының №6, 7 автобус маршруттары жүретін автокөлік жолдарын қайта құру» жобалық-сметалық құжаттамасы жасалып жатырғанын хабарлаймыз. Жоба аясында аталған шағынауданның Радлов, Есет батыр, №10 көше, Шолан батыр, Қашаубаев көшелерін жөндеу қарастырылған. Жобаны бюджеттен қаражат бөлінген жағдайда алдағы жылдары жүзеге асыру жоспарланған. Жұмыс көлемінің ауқымдылығына және қаржыландырудың жетіспеуіне байланысты, бір уақытта жөндеуді қажет ететін барлық учаскелерді камту мүмкін еместігін қаперіңізге саламыз.


15.11.2017

Мухамбетова Динара

Сәлеметсіз бе! Мен Мухамбетова Динара Руслановна 2013 жылы жерге кезекке өтіш бердім. Тіркеу нөмірім Л-779. Тізімде көрсетіліп тұрмын, алайда неге сары түске боялған? тізімде менің тұрғылықты мекен жайым дұрыс жазылмаған, оны қалай өзгертуге болады? Өтініш нешінші кезекте тұрғанымды қалай біле аламын?

Ответ:

Құрметті Динара! Сіздің 2013 жылы 28 қаңтардағы №Л-779 жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз – 63236. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». Орал қаласының бас жоспары негізінде жеке тұрғын үй құрылысына арналған алаңдарға тәптіштелген жоспарлау жобасы дайындалады. Инженерлік инфрақұрылым тартылған соң жеке тұрғын үй құрылысына кезек бойынша жер учаскелерін беру мәселе қарастырылатын болады. Жоғарыда аталған негізде жеке тұрғын үй құрылысына жер учаскесі кезекпен берілетіндігін хабарлаймыз. Кезектегі мекенжайыңызды өзгертуіңіз үшін халыққа қызмет көрсету орталығынан мекен жайы анықтамасын алып келуіңіз сұралады. Сонымен қатар, жер кезегін Орал қаласы әкімдігінің www.uralsk.gov.kz сайтынан және мына мекенжай бойынша Орал қаласы, Достық-Дружба даңғылы, 182/1-үй, ашық әкімдік, 9-үстелден білуіңізге болады.


10.11.2017

Нурбек Адиетов

Ассалаумагаликум! Мен Жануямен Патер жалдап турып жатырмын 2011ж кезекке турып едим б/к Жас Даурен тарбелендим 2003ж шыкан кезде кезекке коймаган 2011ж арендеп озимиз турдык бир комек берсениздер канша кутемиз али... Бир Бала Бир Кызым бар жылдамырак козгалса екен кезегимиз Алдын ала Рахмет

Ответ:

Уважаемый Нурбек! Сіз 2011 жылғы 8 қарашада «Жетім балалар мен ата-анасының қамқорлығынсыз қалған балалардың» тізіміне 987-ші нөмірмен кезекке алынғансыз. Бүгінгі таңда кезектегі нөміріңіз-709. Қазақстан Республикасының 1997 жылғы 16 сәуірдегі "Тұрғын үй қатынастары туралы" Заңының 74-бабының 1,3-тармақтарына сәйкес мемлекеттік тұрғын үй қорынан тұрғын жай нақты елді мекенде тұрақты тұратын және халықтың әлеуметтік жағынан қорғалатын, табысы аз, мұқтаж топтарына жататын азаматтарға барлық қажетті құжаттарымен бірге өтініші тапсырылған кезден тізімде белгіленген кезек ретімен беріледі. Көрсетілген тізімдерге енгізілген азаматтардың құқықтары тең деп танылады. Егер осы Заңда өзгеше көзделмесе, мемлекеттік тұрғын үй қорынан тұрғын үйді немесе жеке тұрғын үй қорынан жергілікті атқарушы орган жалдаған тұрғын үйді алуға осы тізімдерге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетiм балаларды, ата-анасының қамқорлығынсыз қалған балаларды қоспағанда, ешкімнің де басым құқығы болмайды. Жасақты пәтер Сізге заңға сәйкес кезек тәртібі бойынша беріледі.


09.11.2017

Утешкалиева Алмагуль Сериковна

Құрметті Мурат Рахметұлы! Орал қаласы Мясокомбинат ауданы Н.Видящев көшесінің тұрғынымын. Ауа райы жаңбырлы күндері, күз, көктем мезгілдерінде осы көшемен жүру қиын. 3 бірдей баланы мектепке баруға аялдамаға апарудың өзі мүмкін емес. Сонымен қатар көшеде жарық шамдар орнатылмаған, күн қарайған кезде көшемен жүру қиынга соғады. Осы жол мәселесін қарастырып, ықпал етуіңізді сұраймын. Таксилер биздың көшеге келмейды.Казыргы кезде жүруге мүмкін емес.

Ответ:

Құрметті Алмагуль Сериковна! Сіздің қала әкімінің блогына жазған өтінішіңізге орай, Н.Видящев көшесін жөндеу жұмыстары 2018 жылғы жұмыс жоспарына енбегенін хабарлаймыз. Ағымдағы жылы аталған аудан бойынша «БҚО Орал қаласы Ружейникова көшесінен Кузнечная көшесіне дейін Актюбинская көшесін күрделі жөндеу», «БҚО Орал қаласы Актюбинская көшесінен Гагарина көшесіне дейін Январцевская көшесін күрделі жөндеу», «Орал қаласы, Ружейников көшесінен Кузнечная көшесіне дейінгі Абдиров көшесінің жолын күрделі жөндеу» жобалық-сметалық құжаттамалары жасалды. Аталған жобаларды 2018 жылы жүзеге асыру көзделген. Сонымен қатар, ағымдағы жылы «БҚО Орал қаласы Актюбинская көшесінен Колхозная көшесіне дейін Лесозащитная көшесін күрделі жөндеу», «БҚО Орал қаласы Ружейникова көшесінен Физкультурная көшесіне дейін Иманова көшесін күрделі жөндеу», «БҚО Орал қаласы Иманова көшесінен Гагарина көшесіне дейін Мендешева көшесін орташа жөндеу», «БҚО, Орал қаласындағы Меңдешев көшесінен Лесозащитная көшесіне дейін Чингирлауская көшесіндегі автокөлік жолын қайта құру» жобалық-сметалық құжаттамалары жасалуда. Жобаларды бюджеттен қаражат бөлінген жағдайда, алдағы жылдары жүзеге асыру жоспарланған. Жұмыс көлемінің ауқымдылығына және қаржыландырудың жетіспеуіне байланысты, бір уақытта жөндеуді қажет ететін барлық учаскелерді камту мүмкін еместігін қаперіңізге саламыз. Орал қаласының әкімдігімен қазіргі уақытта «Ет комбинаты», 2-ой рабочий поселок, №31 ЖОББМ, қаланың солтүстік-шығыс және ескі аудандарының көшелерін кешенді жарықтандыруға ЖСҚ жасақтау үшін алдыңғы есептер жүргізіліп жатырғандығын хабарлаймыз.


08.11.2017

ДИНАРА

Менің сұрағым үйім апатты деп тану үшін қайда жүгінуім керек? Қанша уақыт жəне қанша қаражат керек екенің білейін дегем

Ответ:

Құрметті Динара! Сіздің Орал қаласы әкімінің блогына жазған өтінішіңізге орай, үйді апатты деп тану үшін «Қазақстан Республикасының сәулет, қала құрылысы және құрылыс қызметі туралы» Заңына сәйкес тексерісті аттестатталған сарапшылар жүргізеді. Құрамында аттестатталған сарапшылары бар мекемелер тізімі: 1.ЖШС Сектор строительных услуг «Сенімді сапа» тел. 30-15-06; 2.АҚ НЦ «Құрылыс Консалтинг» тел. 51-35-51; 3.ЖШС «Газ-С» тел. 8 777 317 6075. Сондай-ақ, қанша қаражат тұратындығы жөнінде нақты бағасы анықталмаған, соған байланысты тек келісімшарт арқылы жүзеге асырылады.


07.11.2017

Наушаева Лунара Мырзабекқызы

Құрметті Мұрат Рақметұлы,мен жетім бала ретінде 2015жылы үй кезегіне тұрдым.Əкеммен анам ертеректе қайтыс болғандықтан 2011үй кезегіне тұрғым келіп құжаттар жинақтап тапсырғанымда,сіздін атынызда үй бар деп кезекке қоймады,ол үй анамнан қалған үй,биз 3 айғайындымыз,анам қайтқанда 3 мізге бөліп жазған,ол үй Тайпақ ауылында қауіпті жағдайда тұр.Содан 2015жылы тапсырғанымда қабылдап кезекке қойды.Өкінішке орай 4жыл уақыт өткізіп алдым.Қазіргі кезде тұрмыстамын бір ұлым бар,пəтерден пəтерге көшу баламен өте қиын жəне жолдасымнында айлық табысы аз,балам қосымша сүт ішеді,қаражатымыз жетпей жатыр.2жылда кезек өте жай жылжуда,Қазақстанның Заңы бойынша кезек бойынша берілетінін білемін,алайда басқада тез пəтер алудын жолы бармекен?

Ответ:

Құрметті Лунара Мырзабекқызы! Сіз 2015 жылы 9 сәуірде «кәмелетке толғанға дейiн ата-аналарынан айырылған жиырма тоғыз жасқа толмаған жетім балалар мен ата-анасының қамқорлығынсыз қалған балалардың» тізіміне 1763-ші нөмірмен кезекке алынғансыз. Бүгінгі таңда кезектегі нөміріңіз- 1459. Қазақстан Республикасының 1997 жылғы 16 сәуірдегі "Тұрғын үй қатынастары туралы" Заңының 74-бабының 1,3-тармақтарына сәйкес мемлекеттік тұрғын үй қорынан тұрғын жай нақты елді мекенде тұрақты тұратын және халықтың әлеуметтік жағынан қорғалатын, табысы аз, мұқтаж топтарына жататын азаматтарға барлық қажетті құжаттарымен бірге өтініші тапсырылған кезден тізімде белгіленген кезек ретімен беріледі. Көрсетілген тізімдерге енгізілген азаматтардың құқықтары тең деп танылады. Егер осы Заңда өзгеше көзделмесе, мемлекеттік тұрғын үй қорынан тұрғын үйді немесе жеке тұрғын үй қорынан жергілікті атқарушы орган жалдаған тұрғын үйді алуға осы тізімдерге енгізілген басқалар алдында, Ұлы Отан соғысының мүгедектері мен қатысушыларын, сондай-ақ жетiм балаларды, ата-анасының қамқорлығынсыз қалған балаларды қоспағанда, ешкімнің де басым құқығы болмайды. Жасақтағы пәтер Сізге заң жүзінде кезек бойынша беріледі. Қазіргі таңда Орал қаласының тұрғын үй қорында бос пәтердің болмауына орай, Сізге пәтер бөлуге мүмкіндік жоқ екенін хабарлаймыз. Сондай-ақ, бүгінгі таңда, Қазақстан Республикасы Үкіметінің қаулысы негізінде Қазақстан Республикасында «Нұрлы жер» бағдарламасы бекітілген. Аталған бағдарламада әртүрлі бағытта пәтер алу мүмкіншілік тұрғын үйдің кезегінде тұрған тұрғын үйге мұқтаж адамдардың арасында қаралған. Барлығы бағдарламда 4 бағыт бар. 1) ЖАО-да есепте тұрған кезектегі адамдар мен жас отбасыларға арналған жалға берілетін тұрғын үй; 2) «ҚИК» ИҰ» АҚ-ның сатып алу мүмкіндігімен берілетін тұрғын үйі; 3) «Бәйтерек девелопмент» АҚ-ның жалға берілетін және кредиттік тұрғын үйлері; 4) Жылжымайтын мүлік қорының коммерциялық және сатып алу мүмкіндігімен берілетін тұрғын үйлері. Аталған бағдарламаның 2-ші, 3-ші бағыттары бойынша тұрғын үйдің кезегінде тұрған тұрғын үйге мұқтаж адамдар төмендегідей санаттар қатысып тапсыра алады. 1) Көп балалы отбасылар: 2) Толық емес отбасылар: 3) Мүгедек балалары бар немесе оларды тәрбиелеуші отбасылар 4) жетім балалар, ата-анасының қамқорлығынсыз қалған балалар; 5) оралмандар; 6) 1 және 2 топтағы мүгедектер; 7) мемлекеттiк қызметшiлер, әскери қызметшілер, арнаулы мемлекеттік органдардың қызметкерлері, бюджеттiк ұйымдардың қызметкерлерi. Сіз аталған мәселе бойынша түсініктемені тұрғын үй және жекешелендіру секторынан мекенжайы: Орал қаласы (Некрасова көшесі, 30/1-үй, қабылдау уақыты: жұмыс күндері сағ. 09.00-ден 18.30-ға дейін) ала аласыз.


07.11.2017

Исламгалиев Ерик

Бокс жалға алып кузов жөндеумен айналысқым келген, ол үшін аренда ақысы, құрал жабдықтар алуға 500 мындай қаржы қажет болып тұрғаны. соған несиені қалай алуға болады?

Ответ:

Құрметті Ерик! Орал қаласы әкімдігі Сіздің Орал қаласы әкімінің блогына жазған жүгінуіңізді қарап, келесіні хабарлайды. Бүгінгі күні, кәсіпкерлікті мемлекет тарапынан қолдау бағытында «Бизнестің жол картасы 2020» бизнесті қолдау мен дамытудың бірыңғай бағдарламасы төмендегідей бағыттар бойынша жүзеге асырылуда. - жобаларды жүзеге асыру үшін банктермен берілген кредиттердің сыйақы мөлшерлемесін субсидилау (14 %, оның 7% кәсіпкер төлейді, қалған 7% мемлекет қаржыландырады); - жобаларды жүзеге асыруға бағытталған банктердің кредиттерін ішінара кепілдендіру (бизнесті жаңадан бастаушы кәсіпкерлерге 85%-ға дейін кепілдендіру); - өндірістік (индустриалдық) инфрақұрылымды дамыту; - мемлекеттен сервистік қызметті тегін алу. Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасының «Жаппай кәсіпкерлікті дамыту» екінші бағыты аясында микрокредиттер кәсіпкерлікті дамытудың өңірлік карталарына сәйкес, іске асырылатын жобаларға басым тәртіпте және ісін жаңа бастаған кәсіпкерлерге кәсіпкерліктің негіздеріне оқыту курстарынан өткендігі туралы сертификаттың болуы негізінде беріледі. - қаржыландырудың жоғарғы лимиті – 8 000 АЕК; - инвестицияларға 5 (бес) жылдан көп емес жылға дейін; - айналымдағы қаражатты толтыруға 3 (үш) жылдан көп емес; - микрокредит бойынша жылдық сыйақы мөлшерлемесі 6%-дан аспайды; - жеңілдік кезеңі – кредитор шешімі бойынша микрокредит мерзімі ұзақтығының үштен бірінен аспайды; Бағдарламаның қатысушысы болуға ниет білдірген тұлғалар бағдарлама қатысушысының сәйкестігіне тексеру үшін Жұмыспен қамту орталығына жүгінеді. Жұмыспен қамту орталығынан мәртебесін айқындағаннан кейін, екінші деңгейлі банктерге шағын несие алу үшін өтініш (жобаның бизнес-жоспарын) білдіреді. Банктер ықтимал бизнес-жобаны бағалауды жүргізеді және микрокредитті беру мүмкіндігі немесе мүмкін еместігі туралы шешім қабылдайды. Микрокредитті беру туралы оң шешім қабылдағаннан кейін, бағдарламаға қатысушысымен Қазақстан Республикасының азаматтық заңнамасына сәйкес микрокредит беру жөніндегі келісім-шарт жасалады. Жоғарыда баяндалғандардың негізінде, аталған бағдарламалар бойынша толық ақпарат алу немесе бағдарламаға қатысу үшін: Батыс Қазақстан облысының индустриалдық – инновациялық даму және кәсіпкерлік басқармасына (Орал қаласы, Х.Чурин көшесі 116 (1 қабат) телефоны: 8 (7112) 50-80-09, 51-54-53, E-мail: upiir@bko.gov.kz); «Даму» кәсіпкерлікті қолдау қоры» АҚ-на (Орал қаласы, Т.Масин көшесі 67/2, телефоны: 8 (7112) 93-34-54, 93-34-53, 93-34-48) жолығуды ұсынамыз.


07.11.2017

Мухамбетова Мейрамгүл

Мухамбетов Сагыныш Жолдыгалиевичтің жер телім кезегін білу

Ответ:

Құрметті Мейрамгүл! Сіздің қала әкімінің блогына жолдаған өтішіңізге сәйкес, азамат С.Мухамбетов 2008 жылы 25желтоқсандағы №М-650 жеке тұрғын үй құрылысына жер учаскесін алу үшін тапсырған өтініші арнайы есепте тіркелген. Қазіргі уақытта арнайы есептегі кезегі – 38834. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». «Нұрлы жер» тұрғын үй құрылысы бағдарламасы бойынша жеке тұрғын үй құрылысы үшін жер учаскесін алуға кезекте тұрған азаматтарға жер учаскесін беру үшін қала аумағынан жер учаскелері дайындалуда. Жер учаскелеріне тәптіштелген жоспарлау жобасы дайындалып, инженерлік инфрақұрылым тартылған соң жергілікті атқарушы орган құрылыс компанияларымен келісімшартқа отырып, тұрғын үйлер салынады. Содан соң жер учаскелерін тұрғын үйімен кезекте тұрған азаматтарға беру мәселесі қарастырылатын болады. Сол себептен қай уақытта, қай жерден және қанша адамға берілетіндігі туралы толық ақпарат анықталып, БАҚ көздеріне жарияланатындығын хабарлаймыз. Жер кезегін Орал қаласы әкімдігінің www.uralsk.gov.kz сайтынан және Орал қаласы, Достық-Дружба даңғылы, 182/1-үй, ашық әкімдік, 9-үстелден білуіңізге болады.


07.11.2017

Жумагалиева Динара Казбековна

Салеметсізбе Алтай Сейдірұлы!сізге қояр сұрағым биылғы жылдан бастап ЖОО-на түсуге жергілікті бюджеттен қаражат бөлінеді осы мүмкіндікті қалай алуға болады.қандай құжаттар керек.мен өзім акушерка болып жұмыс жасаймын енді осы мамандығымды жалғастырғым келеді.бізде маман тапшы.ақылы оқуға қаражатым жоқ.көмектесіңізші.

Ответ:

Құрметті Динара Казбековна! Сіздің қала әкімінің блогына жолдаған сұрағыңыздың шешімі қала әкімдігінің құзыретіне кірмейтіндігін және аталмыш сұрағыңызбен БҚО білім беру басқармасына (26-04-68) жолығуыңыз қажет екенін мәлімдейміз.


06.11.2017

Айкун Молдашева

Сəлеметсіз бе? Мен Орал қаласынан жер алу кезегіне тұрған едім.Бүгінгі таңдағы кезектегі ретімді білсем деп едім. "Нұрлы жер" бағдарламасы бойынша 29 жасқа толмаған, отбасы құрғандарына 2 жыл толған жас жанұяларға үй алудың жолдары туралы толығырақ мəлімет беріңіздерші.Жолдасым Орал қаласында мамандығы бойынша вахталық жұмыста, пəтер жалдап тұрады.Өзім ауылда мұғаліммін. Рахмет.

Ответ:

Құрметті Айкүн! Сіздің 2010 жылы 21 маусымдағы жеке тұрғын үй құрылысына жер учаскесін алу үшін тапсырған өтінішіңіз арнайы есепте тіркелген. Қазіргі уақытта арнайы есептегі кезегіңіз – 47904. Қазақстан Республикасының Жер кодексінің 44-1 бабына сәйкес «Жеке тұрғын үй құрылысы үшін жер учаскелері сұралған кезде азаматтардың өтініштері (өтінімхаттары) арнайы есепке алынады және бөліп берілетін алаңдардың дайын болуына қарай не жеке тұрғын үй құрылысы үшін пайдаланылатын бос аумақтар бар болған жағдайда қанағаттандырылады». «Нұрлы жер» тұрғын үй құрылысы бағдарламасы бойынша жеке тұрғын үй құрылысы үшін жер учаскесін алуға кезекте тұрған азаматтарға жер учаскесін беру үшін қала аумағынан жер учаскелері дайындалуда. Жер учаскелеріне тәптіштелген жоспарлау жобасы дайындалып, инженерлік инфрақұрылым тартылған соң жергілікті атқарушы орган құрылыс компанияларымен келісімшартқа отырып, тұрғын үйлер салынады. Содан соң жер учаскелерін тұрғын үйімен кезекте тұрған азаматтарға беру мәселесі қарастырылатын болады. Сол себептен қай уақытта, қай жерден және қанша адамға берілетіндігі туралы толық ақпарат анықталып, БАҚ көздеріне жарияланатындығын хабарлаймыз. Жер кезегін Орал қаласы әкімдігінің www.uralsk.gov.kz сайтынан және Орал қаласы, Достық-Дружба даңғылы, 182/1-үй, ашық әкімдік, 9-үстелден білуіңізге болады.


01.11.2017

Ulmeken Almaganbetova

Декреттік демалыс тағы адамның орнына келген жұмыскерге емделу пособия сымен жыл сайынғы еңбек демалысы берилема? 

Ответ:

Құрметті Ұлмекен! Сіздің Орал қаласы әкімінің блогына жолдаған сұранысыңызға сай келесіні хабарлаймыз: Қазақстан Республикасының мемлекеттік қызметіне кіруге, оны өткеруге, тоқтатуға байланысты қоғамдық қатынастарды реттейді, мемлекеттік қызметшілердің құқықтық жағдайын, материалдық қамтамасыз етілуі мен әлеуметтік қорғалуын, сондай-ақ өзге де адамдардың мемлекеттік органдардағы қызметі мәселелерін Қазақстан Республикасы «Қазақстан Республикасының мемлекеттік қызметі туралы» Заңы (әрі –Заң) айқындайды. «Қазақстан Республикасының мемлекеттік қызметі туралы» Заңының 5-бабының 2 – тармағы, 10 – тармақшасына сәйкес, мемлекеттiк органдардың Қазақстан Республикасының мемлекеттік қызмет саласындағы заңнамасын сақтауын, мемлекеттік қызметшілердің қызметтік әдепті сақтауын, мемлекеттік қызметтер көрсету сапасын Қазақстан Республикасының заңнамасына сәйкес мемлекеттік бақылауды уәкілетті орган жүзеге асырады. Сонымен қатар, Қазақстан Республикасының «Құқықтық актілер туралы» Заңының 60-бабына сәйкес: «Осы Заңның 7-бабы 2-тармағының 6), 7), 8) және 9) тармақшаларында көрсетілген нормативтік құқықтық актілерге ресми түсіндірмені соларды қабылдаған (шығарған) уәкілетті органдар немесе лауазымды адамдар береді. Мемлекеттік саясатты жүргізетін, белгілі бір салада (қызмет аясында) реттеу мен басқаруды жүзеге асыратын немесе тиісті мәселелерді шешу өз құзыретіне жатқызылған мемлекеттік органдар не өзге де мемлекеттік органдар өздеріне берілген өкілеттіктерге сәйкес нақты субъектілерге қатысты немесе нақты жағдайға қолдануға қатысты нормативтік құқықтық актілерге өз құзыреті шегінде түсiндiрме бере алады.» Жоғарыда көрсетілген негізде, мемлекеттік қызметі өткеруге мәліметтер бойынша түсініктер беру Орал қаласы әкімінің құзыретіне кірмейтіндігін хабарлаймыз. Сізге, бұл сұрақ бойынша мемлекеттік қызмет істері бойынша уәкілеттік органының аумақтық бөлiмшесі - Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігінің Батыс Қазақстан облысы бойынша департаментіне хабарласуыңызды ұсынамыз.


01.11.2017

Ислам Сағынғали

Мен Кумарова Самал балам Орал қаласы Махамбет Өтемісұлы атындығы Бқму құқықтану мамандығында оқиды 1курс ақылы.Балам ұбтдан 104ұпай жинады бірақ грантқа ілінбеді бірақ қазір əкімнін грантты бөлініп жатыр екен ұбтыдан көп бал жинағандарға сол менін балама неге тимеді мен көп балалы анамын баламнын ақшасын əрен төлеп жүрмін ен болмаса грант емес тегін оқитындай етіп жағдай жасап бересіздерме алдын ала рахмет.

Ответ:

Құрметті Самал! Сіздің қала әкімінің блогына жолдаған сұрағыңыздың шешімі қала әкімдігінің құзыретіне кірмейтіндігін және аталмыш сұрағыңызбен БҚО білім беру басқармасына (26-04-68) жолығуыңыз қажет екенін мәлімдейміз.


27.10.2017

Gulmira Kadissova

Рахмет сізге қазір жылы берілді бірақ бізін труба-стоягымызды ауыстыру керек 35 жыл болган труба іші толып тұр шлактан Біздер акшасын берер едік Бізін трубамыз МАГАЗИН ДЖЕНТЕЛЬМЕН аркылы төменге подвалга өтеді  Может соларда болар акау Ал олар бізді кіргізбейді.

Ответ:

Құрметті Гүлмира! Сіздің Орал қаласы әкімінің жеке блогына жолдаған өтінішінізге орай, Қазақстан Республикасының «Тұрғын үй қатынастары туралы» Заңының (әрі қарай-Заң) 38 бабына сәйкес егер меншiк иесiнiң үй-жайынан ғана жүргiзiлуi мүмкiн ортақ мүлiктiң жай-күйiн тексеру, ортақ мүлiктi жөндеу немесе алмастыру қажет болса, алдын ала жазбаша хабар алу бойынша меншiк иесi не басқа бiр тұрушы үй-жайлардың (пәтерлердің) басқа меншiк иелерiнiң немесе кондоминиум объектiсiнiң басқару органының өкiлiн үй-жайға кiргiзуге мiндеттi. Авариялық жағдайларда немесе адамның денсаулығына немесе өмiрiне қауiп төндiретiн өзге де төтенше жағдайларда кiруге алдын ала хабарлаусыз рұқсат етiлуге тиiс. Сондай-ақ, Заңның 8-бап, 1-тармағына сәйкес, тұрғын үйге құқықтық қатынастардан туындайтын дауларды сот шешетінін хабарлаймыз.


26.10.2017

Курмашева Балслу

Саламатсызба тургындардын атынан комек сураймын Подвалда су толып кетти 2=3 рет акша жинап суды тазартык енди тагыда труба жарылып су толып кетти олсуды жинап трубаны жондейтин тургындардан каражат жинай алмай отырмыз кайта кайта жондеуге акшамыз жок Сизден комек сураймыз

Ответ:

Құрметті Балсұлу! Сіздің өтінішіңізге, Орал қаласының әкімдігі, техникалық қорытындыға және қолданыстағы заңнамаға сәйкес жекешелендірілген тұрғын үйлерге күрделі жөндеу жұмыстарын жүргізуге мүмкіндік жоқ, себебі бюджеттік классификацияда қаржы бөлу қарастырылмағандығын хабарлайды.


26.10.2017

Марлен Иманғалиев

Орал қаласының жолаушы көлігі және автомобиль жолдары бөлімі» ММ-нің бөлім басшысы Мухамбеткалиев Қайрат Қуанышқалиұлы Орал қаласының тұрғын үй-коммуналдық шаруашылығы және тұрғын үй инспекциясы бөлімі Бөлім басшысы Тухватов Бауржан Зәйденұлы Орал қаласының №1 с/о Елочка саяжайында тұрғыны Имангалиев Марлен Ғылманұлы «26»қазан 2017ж. Өтініш хат 1.Мәселе.Жол қатынасы.Орал қаласымен Подстепный кентінен шығатын №12 маршырутты автобуспен қатынаймыз. Оның өзі 20-30 минута бір келеді. Келген жағдайда оның өзі толық келеді, ішінде үш автобустың адамы болады. №1-№2 саяжайға аялдамасына кей кезде тоқтамай кетеді.Студентер,оқушылар сабаққа барады, тұрғындар жұмысқа барады. Сағат 07.00-09.00 аралығында қалаға қатынау қиын,сағат 13.00-14.00 және 17.00-20.00 аралығында қаладан қатынау мұмкіндігі болмай отыр. 1 саяжай қаладан 700 метр, 2 саяжай 1300 метрдей жерде орналасқан. Автобустарға айналу мүмкіндігі 2 саяжай аялдамасында кең. №20-шы маршыруттың соңғы аялдамасы автобус бекеті.Соңғы аялдамада 4-5 автобус өз кезегін күтіп тұрады. Егер мумкіндік болса осы соңғы аялдаманы №1-№2 саяжайға дейін ұзартса. Немесе жоғарыда көрсетілген уақыта үлкен автобустар болса жақсы болар еді. 2.Мәселе. Жол. Негізгі жолмен аралық 500-600 метрдей жерді қамтыйды. Күзгі және көктем айларында жер балшық, адамдар екінші аяқкиіммен негізгі жолға шығады.Жедел жәрдем көлігіде саяжайға кіре алмайды . 3. Мәселе Жол жиегіндегі ағаштар кесу.Кіреберістегі жол жиегіндегі ағаштар калың өскен.Осы ағаштар негізгі жолдың екі жағында өскен. Жолды ретке келтіру мүмкіндік болмай отыр.Қыста қарды тазалау,көктемде су ағар жасау мүмкіндік болмайды. Осы ағаштар кесірінен жол ортасында су жиналады да балшық болады.Үлкен техника кіргізе алмаймыз.Жолдың ортасын көтеру үшін. Жол жиегіндегі ағаштар кесу керек.Бұл ағаштар Орман шаруашылығына қарайды. 4.Мәселе.Электро жүйелері. 1980 жылдан бері ауыстырылмаған. Электро жүйелерінің ескі болуына байланысты өрт қауіпсіздігі жие болып тұрады. Электро жүйелерінің ескі болуына байланысты және тұйықталуыннан электро тогын көп жоғалтады.Осы себептердің кесірінен жыл сайын Батысэнергересурссына 900000-1000000 қарыз бережақ болып шығамыз ,халық ішінде түсініспеушіліктер туындайды.Осы саяжай әкімшілігіне сенімсіздік туады. Осы жоғарыда айтылған шешімі табылмаған мәселелердің шешімін табуға көмектесеңіз. №1саяжай с/о Елочка төрағасы Имангалиев Марлен Ғылманұлы 26.10.17 жыл.

Ответ:

Құрметті Марлен Гильманович! Сіздің қала әкімінің блогына жазған өтінішіңізге орай, келесіні хабарлаймыз: Конкурстық ережелерге сәйкес, №12 маршрутты «Оралавтотранс» ЖШС қызмет етеді. Күніне маршрутта 15 «ПАЗ» маркалы автобус жұмыс жасайды, жүру аралығы 12 минутты құрайды. Сіздің өтінішіңіз тасымалдаушы кәсіпорын басшыларымен қаралды және жүргізушілермен кондукторларға қозғалыс интервалын сақтау жөнінде ескертпе жұмыстары жүргізілді. №20 қоғамдық көлік маршрутын №1, №2 саяжайға дейін қозғалыс сұлбасына дейін ұзарту сұрағы тасымалдаушы кәсіпорын басшыларына қарастыру үшін жіберілді. Аталған мәселе оң шешімін тапқан жағдайда, саяжайға дейін ұзарту мәселесі қарастырылатын болады. Сонымен қатар, №12 маршрутта тасымалдаушылар жүру интервалын сақтамаған жағдайда немесе көлік заңнамасының басқа да талаптарын бұзған кезде, «Оралавтотранс» ЖШС-нің 25-62-69, 25-62-03 нөмірлеріне хабарласуыңызға болады. Орал қаласының әкімдігі 2018 жылы жол жөндеу нысандарынан қырып алынған асфальт материалдары нысанның өзіне қайта пайдаланылғаннан және әлеуметтік нысандарына апаратын учаскелеріне төселгеннен кейін, ескі асфальт материалы ауысқан жағдайда, 1-ші саяжайдағы «Елочка» бау-бақша серіктестігінің Сізбен аталған учаскесінің жолына төсеу мүмкіндігі қарастырылатындығын хабарлайды. Сондай ақ, жер учаскелері бау-бақша шаруашылығын жүргізуге арналғандықтан және қала аумағына кірмейтіндіктен, сонымен қатар бюджеттік классификацияда бау-бақша қоғамына қаржы бөлу қарастырылмағандықтан, 1-саяжай қоғамының аумағындағы ағаштарды кесуге және электр жүйелерін ауыстыруға мүмкіндік жоқ екенін хабарлаймыз.


26.10.2017

али бердешев

Құрметті Мұрат Рахметұлы! Мен Балауса шағын ауданындағы Б.Жанқадамов көшесінің тұрғынымын.Жалпы біздің шағынауданда асфальтті жол мүлдем жоқ.Күз-көктем айларында жұмысқа баратын адамдарға,қарттар мен оқушыларға орталыққа автобуспен қатынау өте қиын.Осыған орай,біріншіден 2018 жылдың қалалық бюджетіне осы аудан бойынша жолға жобалық-сметалық құжатқа қаржы бөліп,асфальтті жол салып беру; екіншіден шағынауданда қатынайтын 6 жəне 7 маршруттардың жүруінің ұзақтығын созуыңызды қарастыруыңызды сұраймын.

Ответ:

Құрметті Али! Сіздің қала әкімінің блогына жазған өтінішіңізге орай, Орал қаласының әкімдігімен ағымдағы жылы «БҚО, Орал қаласы Зачаган кентіндегі Балауса шағынауданының №6, 7 автобус маршруттары жүретін автокөлік жолдарын қайта құру» жобалық-сметалық құжаттамасы жасалып жатырғанын хабарлаймыз. Жоба аясында аталған шағынауданның Радлов, Есет батыр, №10 көше, Шолан батыр, Қашаубаев көшелерін жөндеу қарастырылған. Жобаны бюджеттен қаражат бөлінген жағдайда алдағы жылдары жүзеге асыру жоспарланған. Жұмыс көлемінің ауқымдылығына және қаржыландырудың жетіспеуіне байланысты, бір уақытта жөндеуді қажет ететін барлық учаскелерді камту мүмкін еместігін қаперіңізге саламыз. №6 және №7 маршруттарды конкурстық ережелерге сәйкес, «Ақжол авто» ЖШС қызмет етеді. №7 маршрутта Daewoo BS 090 маркалы - 12 автобус, КІА Cosmos маркалы - 3 автобус, ПАЗ 4234 маркалы - 24 автобус жэне MAN SI 202 маркалы - 2 автобустарымен тасымал жасайды. Таңертеңгі және кешкі қарбалас уақыттарда 7 маршрут сыйымдылығы жоғары автобустармен қамтылған. Аралық уақыты 6 минутты құрайды. №6 маршрутта 20 автобус күн сайын қатынайды. Аралық уақыты 8 минутты құрайды. №7 және №6 маршрутта тасымалдаушылар жүру интервалын сақтамаған жағдайда немесе көлік заңнамасының басқа да талаптарын бұзған кезде, «Ақжол авто» ЖШС-нің 33-23-69 нөмірлеріне хабарласуыңызға болады.


26.10.2017

Аян Каражанов

Саламатсызба. Зашаған кентінің Сарытау ш/а, Кеңдала ш/а, Көктем ш/а 1 ай болды күн сайын кеште басталып келесі күні туске дейін көк түтінге батып турады. Дем алу мүмкін емес, уйден шыкпай отырамыз, бірақ үйдін ішіне дейін иіс алып кетеді.MKET Ол әрине қала сыртындағы күл-қоқысты өртеу салдарынан. Бұл денсаулыққа өте зиян түтін (жай ағаштың немесе шөптің жануы емес, тұрмыстық қалдықтар, пластик т.б.). Қазір енді 21 ғасырда күл-қоқысты өртемей басқа жолдармен жоюға болмайма екен.. Халық уланып жатыр.

Ответ:

Құрметті Аян! Сіздің Орал қаласы әкімінің блогына жолдаған өтінішіңізге орай, Орал қаласы қатты тұрмыстық қалдықтар полигонын сенімгерлік басқаруға алған «ICM Recycling АйСиЭм Рейсайклинг» ЖШС директорына тұрмыстық қатты қалдықтар полигонының өздігінен өртену салдарымен күресу және алдағы уақытта мұндай салдарды болдырмау жұмыстарын қарқындату бойынша хат жолданғанын хабарлайды. Осыған сәйкес, қолданған шаралар натижесі бойынша Сізге қосымша ақпарат жіберіледі.


blog_akima